11.07.2011 14:33
Ný sölurhoss næstu daga
Þetta er hann Léttfeti frá Hallkelsstaðahlíð á fögru sumar kvöldi, nánari upplýsingar um hann og nokkra vini hans eru undir ,,söluhross,, hér á síðunni.
Nú höfum við sett nýjar myndir og upplýsingar um hesta til sölu hér á síðuna, markmiðið er að eftir viku verði komnar myndir og upplýsingar um a.m.k 10 ný söluhross.
Nú verð ég að standa mig fyrst ég sagði ykkur frá markmiðinu.
Mörg af þessum hrossum eru á góðum kjörum og hvet ég ykkur eindregið til að hafa samband og gera tilboð. Sérstakur afsláttur er í boði ef að góðar vísur fylgja tilboðunum.
Við höfum til sölu hross á öllum aldri allt frá ráðsettum reiðhestum niður í folöld fædd 2011.
Eins hvet ég ykkur til að skoða hrossin okkar á www.worldfengur.com þá setjið þið Hallkelsstaðahlíð í reitinn ,,frá,, sem að kemur á eftir nafni og þá fáið þið upp allan nafnalistann.
Endilega hafið samband ef að nánari upplýsinga er þörf nú eða bara lítið við og heilsið uppá okkur.
Skrifað af Sigrún Ólafsdóttir
09.07.2011 23:30
Dagurinn í dag.
Þarna er Stoltur frá Hallkelsstaðahlíð sonur Tignar minnar frá Meðalfelli og Alvars frá Brautarholti.
Hann er bleikálóttur eins og bróðir hans Fannar Gustsson og munaði mjóu að nafnið Fannar junior festist við hann.
Stoltur er fyrirmyndar fyrirsæta og leggur sig fram um að líta vel út á mynd.
Þann 5 júlí s.l fór hann með mömmu sinni til hans Ugga frá Bergi sem að er í girðingu hjá Jóa og Elku bændum á Borg í Þykkvabæ.
Í þeirri sömu ferð sóttum við Kolskör að Minni-Völlum en hún hafði þá sónast með 21 dags gömlu fyli undan Arði frá Brautarholti. Þá var nú kella kát skal ég segja ykkur ,,léttstíg,, og brosandi.
Þann 4 júlí fór Létt með hann Léttstíg son sinn til Frakks frá Langholti sem að nú er í Fellsöxl. Frakkur heillaði mig mikið á landsmótinu og verður spennandi að sjá hvað kemur út úr þessu ferðalagi.
Það er mikið riðið út þessa dagana enda 3-4 að ríða út alla daga og þrátt fyrir blíðuna eru bændur hér í Hlíðinni farnir að þrá rigningu svo að einhver spretta verði hér í sumar.
En þangað til er tamið og þjálfað af miklum móð og nokkur söluhross að komast í gott form.
Húsfreyjan sólbrann svo á landsmóti að það hálfa væri nóg og með þessum sólríku dögum að undanförnu er hún farin að minna svolítið á mógolsótta kind þegar litið er í spegil.
Hópar koma og fara og það gera líka tamningahrossin, sem sagt líf og fjör í Hlíðinni.
Hópur af hrossum frá okkur eru nú í ferðum hjá góðum grönnum sem að ferja gesti úr svíaríki milli staða.
Í dag var svo stóðið rekið heim og góðir gestir og hesteigendur mættu til að líta á sína gripi.
Alltaf gaman að fá góða gesti í hesthúsið svo að maður tali nú ekki um í stóðsmölun.
Takk fyrir daginn hann var góður og skemmtilegur.
Skrifað af Sigrún Ólafsdóttir
08.07.2011 23:53
Landsmót og fleira.........
Nú er svo langt síðan ég hef bloggað að þið hafið eflaust talið að ég væri bara hætt en svo er nú ekki. En dagarnir hafa verið full stuttir og svo brá ég mér að sjálfsögðu á landsmót hestamanna.
Já landsmótið var ljómandi gott frábært hestakostur, skemmtilegt mannlíf og veðrið bara gott þegar á leið. Þannig að þegar upp er staðið þá man maður bara það jákvæða.
Eitt er það þó sem að ég verð að pirra mig á en það var veitingasalan á svæðinu. Ef að maður lét sér detta í hug að hunsa nestið sitt öðru hverju og versla sér eitthvað í svanginn þá var ekki nóg með að það kostaði hvítuna úr augunum heldur var það bara ekki gott.
Dæmi: lítill bolli af mánudagskjötsúpu ekki með ábót kr. 1400- smurt brauð (þunn stjúpmóður) með hangikjöti og smá salati kr. 850-
Hestakosturinn....... vá ég veit bara ekki hvar ég á að byrja, puttarnir duga ekki til að telja upp skærustu stjörnurnar.
Spuni frá Vesturkoti er ógleymanlegur gæðingur sem að heillaði mig mikið, viljugur, mjúkur, flugrúmur og eins og einn sessunautur minn komst að orði ,,algjörlega óbrjálaður,, gæðingur af bestu gerð.
Það var frábært að sjá hvernig listaknapinn Þórður Þorgeirsson sótti töluna 10 fyrir vilja og geð sem að klárinn virtist eiga skuldlaust.
Ég ætla að telja upp nokkur hross sem að koma uppí hugann svona í fljótu bragði vafalaust gleymi ég nú einhverjum stjörnum sem að ég hef heillast af en reyni.....
Frakkur frá Langholti, Loki frá Selfossi, Konsert frá Korpu, Óskasteinn frá Íbishóli, Kinskær frá Selfossi, Sjóður frá Kirkjubæ og hryssurnar DÍVA frá Álfhólum, María frá Feti, Ronja frá Hlemmiskeiði, Kolka frá Hákoti....................og mörg fleiri.
Sýningarnar með afkvæma hestunum voru skemmtilegar eins og alltaf uppáhalds hesturinn minn þar var að sjálfsögðu Arður frá Brautarholti.
Sýningar ræktunarbúa voru flottar og erfitt að gera uppá milli búa, að sjálfsögðu héldum við með okkar fólki héðan af nesinu þeim Önnu Dóru og Jóni Bjarna á Bergi.
Til úrslita kepptu svo búin Syðri-Gegnishólar og Álfhólar sem að voru bæði með flota af stórglæsilegum hrossum og knöpum.
Og þetta eru bara kynbótahrossin hina flokkana rifja ég upp seinna.
Félag tamningamanna veitti að vanda reiðmennskuverðlaun FT og að þessu sinni var það Þórður Þorgeirsson sem að hlaut þessa viðurkenningu.
Fríður flokkur FT félaga myndaði heiðursvörð þegar Þórði var veitt þessi viðurkenning og er gaman að segja frá því að Þórður reið stóðhestinum Arði frá Brautarholti við þetta hátíðlega tækifæri.
Mannlífið á þessu móti var einstaklega skemmtilegt, allt yfirbragð og andi til fyrirmyndar.
Svo sannalega góðir dagar á Vindheimamelum, takk fyrir það þið sem að komuð því í kring.
Eins og þið sjáið þá er engin mynd hér á blogginu það er ekki komið til af góðu en uppsetningin á síðunni hefur verið eitthvað að stríða mér. Ég hef þó verið mjög dugleg að taka myndir að undanförnu sérstaklega af folöldum já og hundum. Er að vinna í málinu og get vonandi sett inn myndir fljóttlega.
Er með fullt af fréttum af nýfæddum folöldum og hryssum sem að eru farnar undir stóðhesta en geymi þær til morguns.
Já landsmótið var ljómandi gott frábært hestakostur, skemmtilegt mannlíf og veðrið bara gott þegar á leið. Þannig að þegar upp er staðið þá man maður bara það jákvæða.
Eitt er það þó sem að ég verð að pirra mig á en það var veitingasalan á svæðinu. Ef að maður lét sér detta í hug að hunsa nestið sitt öðru hverju og versla sér eitthvað í svanginn þá var ekki nóg með að það kostaði hvítuna úr augunum heldur var það bara ekki gott.
Dæmi: lítill bolli af mánudagskjötsúpu ekki með ábót kr. 1400- smurt brauð (þunn stjúpmóður) með hangikjöti og smá salati kr. 850-
Hestakosturinn....... vá ég veit bara ekki hvar ég á að byrja, puttarnir duga ekki til að telja upp skærustu stjörnurnar.
Spuni frá Vesturkoti er ógleymanlegur gæðingur sem að heillaði mig mikið, viljugur, mjúkur, flugrúmur og eins og einn sessunautur minn komst að orði ,,algjörlega óbrjálaður,, gæðingur af bestu gerð.
Það var frábært að sjá hvernig listaknapinn Þórður Þorgeirsson sótti töluna 10 fyrir vilja og geð sem að klárinn virtist eiga skuldlaust.
Ég ætla að telja upp nokkur hross sem að koma uppí hugann svona í fljótu bragði vafalaust gleymi ég nú einhverjum stjörnum sem að ég hef heillast af en reyni.....
Frakkur frá Langholti, Loki frá Selfossi, Konsert frá Korpu, Óskasteinn frá Íbishóli, Kinskær frá Selfossi, Sjóður frá Kirkjubæ og hryssurnar DÍVA frá Álfhólum, María frá Feti, Ronja frá Hlemmiskeiði, Kolka frá Hákoti....................og mörg fleiri.
Sýningarnar með afkvæma hestunum voru skemmtilegar eins og alltaf uppáhalds hesturinn minn þar var að sjálfsögðu Arður frá Brautarholti.
Sýningar ræktunarbúa voru flottar og erfitt að gera uppá milli búa, að sjálfsögðu héldum við með okkar fólki héðan af nesinu þeim Önnu Dóru og Jóni Bjarna á Bergi.
Til úrslita kepptu svo búin Syðri-Gegnishólar og Álfhólar sem að voru bæði með flota af stórglæsilegum hrossum og knöpum.
Og þetta eru bara kynbótahrossin hina flokkana rifja ég upp seinna.
Félag tamningamanna veitti að vanda reiðmennskuverðlaun FT og að þessu sinni var það Þórður Þorgeirsson sem að hlaut þessa viðurkenningu.
Fríður flokkur FT félaga myndaði heiðursvörð þegar Þórði var veitt þessi viðurkenning og er gaman að segja frá því að Þórður reið stóðhestinum Arði frá Brautarholti við þetta hátíðlega tækifæri.
Mannlífið á þessu móti var einstaklega skemmtilegt, allt yfirbragð og andi til fyrirmyndar.
Svo sannalega góðir dagar á Vindheimamelum, takk fyrir það þið sem að komuð því í kring.
Eins og þið sjáið þá er engin mynd hér á blogginu það er ekki komið til af góðu en uppsetningin á síðunni hefur verið eitthvað að stríða mér. Ég hef þó verið mjög dugleg að taka myndir að undanförnu sérstaklega af folöldum já og hundum. Er að vinna í málinu og get vonandi sett inn myndir fljóttlega.
Er með fullt af fréttum af nýfæddum folöldum og hryssum sem að eru farnar undir stóðhesta en geymi þær til morguns.
Skrifað af Sigrún Ólafsdóttir
20.06.2011 22:18
Smá innskot..........
Á myndinni er hryssa undan Þríhellu frá Hallkelsstaðahlíð og Sporði frá Bergi sem að fæddist á sunnudaginn.
Rák er farin með Fjarka litla í girðingu til hans Dyns frá Hvammi, við vorum einmitt að sækja hana útí girðingu þegar að þessi litfagra dama var fædd.
Það eru þó nokkrar annir hjá stóðhestunum hér á bæ um þessar mundir, Kátur litli sonur Auðs frá Lundum og Karúnar er að reyna sig í ,,ræktunnarstarfinu,, og gengur bara bærilega.
Gosi hefur líka fengið heimsóknir og Sparisjóður á alltaf annríkt í þessum störfum.
Gamli Hlynur frá Lambastöðum er svo á leið í girðinguna sína og eins og hinir mun hann taka nýjum dömum fagnandi.
Þeir sem að hafa áhuga á að nota þessa kappa hafa bara samband við okkur hér í Hlíðinni.
Í dag var bara þolanlegt veður sem að er afar fréttnæmt þessa dagana sólskin og alveg stætt utandyra. Við rákum úr túninu og erum að manna okkur uppí að fara verja túnið eins og í venjulegu árferði. Kindurnar eru hinsvegar ekkert spenntar fyrir því að fara lengra til fjalla og beita öllum brögðum til að sleppa. Ekki eru þó allar kindur jafn heimakærar því að nokkrar flekkóttar eru mættar hingað í túnið og skarta appelsínugulum merkjum sem gefur til kynna að þetta séu vorboðar úr suðri.
Óvenju snemma á ferð og virka svolítið villtar blessaðar.
Hver veit nema þessar elskur hafi lesið Bændablaðið og misskilið eitthvað..................
Skrifað af Sigrún Ólafsdóttir
18.06.2011 21:49
Randi Soldáns og Randi Holaker.
Þetta er Randi Soldánsdóttir frá Hallkelsstaðahlíð sem hér lætur sig dreyma um blíðu og gras í litlausum úthaga. Randi litla er undan Snör frá Hallkelsstaðahlíð og Soldán frá Skáney.
Þegar Sveinbjörn frændi minn átti stórafmæli í fyrra komu þau Randi og Haukur í Skáney færandi hendi og gáfu honum toll undir Soldán sinn Aðalsson. Var farið með Snör til hans og þegar hryssan kastaði jarpri hryssu var Sveinbjörn ekki í vafa hvað hún ætti að heita.
Þannig að nú eru ,,Randiarnar,, tvær Soldáns og Holaker.
Í dag var brunað í Búðardal þar sem opið gæðingamót Hestamannafélagsins Glaðs fór fram í hávaða roki. Mikil þátttaka var á mótinu og magir góðir hestar og knapar öttu kappi.
Ljómandi gott mót það sem af er og vel að því staðið sérstaklega var gaman að fá í hendurnar flotta mótsskrá með hagnýtum upplýsingum. Mættu fleiri hestamannafélög taka dalamenn til fyrirmyndar í þessum málum, dalamenn stór sprik til ykkar frá mér.
Mummi fór með Dregil frá Magnússkógum og komst í úrslit í tölti og A flokki gæðinga.
Annars voru það hjónaleysin í Skáney sem að skoruðu best í dag og mæta því með hóp í úrslit á morgun. Bara spennandi keppni framundan á morgun.
Nú er að vellta vöngum yfir því hvaða hryssa á að fara undir Dyn frá Hvammi á morgun........
Skrifað af Sigrún Ólafsdóttir
16.06.2011 22:18
Skjóttur........................
Glænýr hestur sem fæddist í dag undan Sporði frá Bergi og Létt frá Hallkelsstaðahlíð.
Nú eru fimm hryssur kastaðar Létt í dag, Dimma kastaði 12 júní og átti rauða hryssu undan Hlyni frá Lambastöðum og síðan eru það hinar sem að ég var búin að segja ykkur frá.
Ekki hefur allt farið að óskum hjá hryssunum en Kolskör mín lét fyli undan Arði frá Brautarholti um daginn. Sorglegt að tapa afkæmi en svona er þetta stundum.
Bót í máli er að Kolskör er komin til höfðingjans aftur og nú gengur vonandi allt að óskum.
Arður hefur heldur betur verið að gera það gott að undanförnu og er nú efstur stóðhesta með 1 verðlaun fyrir afkvæmi á LM 2011. Hann hefur skotist fram úr mörgun stórstjörnum sem að fengu mikla athyggli ungir og mættu mun fyrr í dóm en Arður sem að var slasaður og kom ekki fram fyrr en 7 vetra. En sem betur fer trúðu margir á hann og þar á meðal ég sem að hef verið dyggur aðdáandi frá því ég sá hann fyrst.
Svo höfum við líka haldið undir tvo bræður hans Aldur og Alvar.
Ég fór norður á Vindheimamela á mánudaginn að dæma landsmótsúrtöku þriggja hestamannafélaga í Skagafirði. Mörg góð hross öttu þar kappi og stóðu dómar frá því kl 10 um morguninn fram til kl 21. Sem sagt algjört dómamaraþon og mjög gaman.
Það er ekki hægt að setjast niður og skrifa öðruvísi en að nefna aðeins veðrið, já ég veit þetta er ekki skemmtilegt efni en hvenær kemur eiginlega sumarið þetta vorið????
Á morgun er 17 júní og þá vill maður nú hafa þokkalegt veður..............svona eins og í fyrra.
Í dag rákum við kindurnar út af túninu en fram að þessu höfum við bara látið fara smá hópa út í einu. Það er skemmst frá því að segja að þær vildu bara alls ekki fara og lái þeim hver sem vill. Í ljós komu tveir nýir heimalingar svo að nú eru þeir sex og eiga örugglega eftir að verða fleiri. Rúmlega tuttugu kindur er ennþá inni og er það sennilega met á 17 júní en vafasamt met. Sex kindur eru eftir að bera, ég er farin að halda að þær ætli að bíða alveg þangað til sumarið kemur í alvöru.
Mér sýnist að við þurfum ekkert að hugsa um heyskap á næstunni svo það verður bara riðið út af fullum krafti í ,,blíðunni,, enda veitir ekki af nóg er á listanum.
Skrifað af Sigrún Ólafsdóttir
09.06.2011 00:03
Evran góða...............
Um daginn fékk ég skemmtilegt símtal en það var frá Halli Magnússyni frænda mínum sem að ólmur vildi kaupa af mér gimbur. Mér fannst erindið skondið og í gegnum hugann flaug að nú væri hann loksins hættur að hugsa um ESB og hefði ákveðið að gerast sauðfjárbóndi.
Í góðum viðskiptum reynir maður alltaf að sýna þjónustulund og uppfylla þarfir viðskiptavinarins svo að ég byrjaði á því að spyrja Hall hvaða lit hann vildi hafa á gimbrinni.
Ég er vön því að þeir sem að kaupa fé af okkur vilji gjarnan einhverja sérstaka liti og stundum reynist erfitt að uppfylla óskirnar en ég legg mig samt alltaf fram um að sinna óskum kaupenda.
Hallur var með það algjörlega á hreinu hvaða litur ætti að vera á gimbrinni ......................hún á að vera blá með gulum stjörnum (fánalitir ESB).
Og mér sem hafði dottið í hug að hann væri hættur að hugsa um ESB.
Nei aldeilis ekki og þar sem að ég reyni að uppfylla óskir sauðfjárfjárfesta var ekkert annað í stöðunni en að ,,redda,, málinu og það strax.
Hér fyrir neðan getið þið séð hvað Hallur var að fara þegar hann fjárfesti í gimbrinni góðu.
G Valdimar góður og gegn framsóknarmaður var sem sé að fagna hálfraraldar afmæli sínu og þar sem að hann og fjölskyldan hafa komið sér vel fyrir í Straumfirði er ekkert að vanbúnaði að hefja sauðfjárrækt.
Með góðfúslegu leyfi sauðfjárfjárfestanna er hér birt gjafabréfið sem að fylgdi gjöfinni góðu.
50 ára afmæli 21. maí 2011
G Valdimar Valdemarsson
sauðfjárbóndi með meiru
Gimbrin EVRA
Frá Hallkelsstaðahlíð í Hnappadal
Greinargerð með afmælisgjöf fjölskyldna
Halls Magnússonar, Gests Guðjónssonar og Gísla Tryggvasonar
Kveðja frá sauðfjárræktandanum
Sigrúnu Ólafsdóttur bónda að Hallkelsstaðahlíð
Sæll vertu.
Ættartalan er góð. Hreinræktaðar eðal Hlíðarkindur með sögum við hvern ættlið, lífrænt í meiralagi með náttúrulegum fjallajurtabragði sem að smakkast ekki næstu 12 árin.
Hefur ekki komið nálægt endurheimtu votlendi eða fundið stóriðjubragð. Þekkir ,,refi,, af eigin raun bæði loðna og ESB refi...óttast báða jafn mikið.
Nákvæm ættartala afhendist að loknum leitum sem að sjálfögðu fylgja með sem kvöð en mun að þeim loknum verða hið mesta happ.
Með bestu kveðju.
Sigrún
Eyrnamark til G Valdimars Valdimarssonar
Stýft, fjöður aftan hægra
Hangfjöður framan vinstra
Með í gjöfinni er eyrnamark enda er Evra enn ómörkuð.
Markavörður Mýrasýslu Þórir á Hóli í Norðurárdal hefur skráð eyrnamarkið
stýft, fjöður aftan hægra,
hangfjöður framan vinstra
Markið er Straumfjarðarmark og var fyrrum í eigu Huldu sem var ráðskona hjá
Guðbjarna á sínum tíma.
Njóttu vel afurða Evru frá Hallkelsstaðahlíð og megi eyrnamarkið verða þér til gæfu!
Til hamingju með fimmtugsafmælið!
Hallur Magnússon Gestur Guðjónsson Gísli Tryggvason
Sauðafjárstofninn í Hallkelsstaðahlíð í Hnappadal
Sauðfjárræktin í Hallkelsstaðahlíð á sér langa sögu, en sá stofn sem nú er ræktað útaf á ættir sínar að rekja í Vestur- Barðastrandasýslu. Árið 1950 í kjölfar niðurskuðrar vegna mæðuveiki var sóttur nýr stofn m a frá bæjunum Vesturbotni, Hvestu og Fífustöðum í Barðastrandasýslu.
Þennan stofn hafa svo föðurbræður mínir þeir Einar, Ragnar og Sveinbjörn Hallssynir ræktað með góðri aðstoð áhugasamra ættingja þar til Sigrún Ólafsdóttir systurdóttir þeirra tók við búinu.
Stofninn sem við fengum að Hallkelsstaðahlíð var góður og því gott fyrir Sigrúnu og fjölskyldu að njóta leiðsagnar þeirra Ragnars og Sveinbjörns, en Einar lést fyrir nokkrum árum.
Vetrarfóðrað fé í Hallkelsstaðahlíð er á áttundar hundrað og því góð tækifæri til ræktunar.
Markmið búsins að Hallkelsstaðahlíð í sauðfjárræktinni er að rækta afurðarmiklar og frjósamar ær. Ekki er verra að viðhalda litum og sérstökum afbrigðum þó ekki á kostnað afurða. Til gamans má geta þess að rúmlega 30% fjárstofnsins er mislitur. Flestir grunnlitir sem þekkjast í íslenska fjárstofninum finnast í hópnum.
Markmiðið er að hafa 2-3 forustuær og annað eins af ferhyrndum ám hverju sinni. Á hverju ári nýtum við okkur þjónustu hrútastöðvarinnar og sæðum nokkra tugi áa til að bæta stofninn.
Til gamans má geta þess að á Hallkelsstaðahlíð eru notuð mismunandi mörk eftir því af hvaða kyni (ætt) kindin er. Þannig eru í notkun nokkur mörk sem hafa verið um margara áratuga skeið í fjölskyldunni. Öll mörkin sem notuð hafa verið um langt skeið eiga það sameiginlegt að hafa alltaf markið tvístíft aftan hægra. Á vinstra eyra eru svo mismunandi mörk.
Á árum áður þegar brennimörk á horn voru notuð hér í Hlíðinni var það bæjarnúmerið sem ennþá er í fullu gildi 19SH1 sem smellt var á annað hornið og síðan HL'IÐ á hitt.
Ekki hefur verið brennimerkt á Hlíð síðan í kringum 1970 en í minningunni var það mjög spennandi atburður.. Þess vegna hefur því skotið uppí hugann hjá Sigrúnu öðru hverju hvort ekki ætti að endurvekja þennan sið og prófa að brennimerkja. En það hverfur mjög fljótt úr huga Sigrúnar aftur að hennar sögn þegar hún rifjar upp hvað kókósbollur voru góðar í minningunni alveg þangað til ég smakkaði þær aftur.
Þess má geta að Einar heitinn föðurbróðir minn og móðurbróðir Sigrúnar var mikill áhugamaður um mörk og markaskrár. Hann átti að líkindum stærsta markaskráasafn í einkaeigu á Íslandi.
Það var kveikjan að ritgerðarsmíði minni "Um sauðfjármerkingar á Íslandi" þegar ég stundaði nám í sagnfræði og þjóðfræði við Háskóla Íslands. Sú ritgerð kom út á prenti í Handbók bænda á sínum tíma.
Hallur Magnússon
Fyrrverandi kúsasmali og túnrollusmali að Hallkelsstaðahlíð
Gimbrin Evra frá Hallkelsstaðahlíð í fánalitum Evrópusambandsins
Skrifað af Sigrún Ólafsdóttir
07.06.2011 18:46
Karún mín köstuð og smá væl með............
Karún frá Hallkelsstaðahlíð með son sinn og Alvars frá Brautarholti.
Já hún er svolítið sniðug sú gamla þegar hún á jarpa hesta þá flýtir hún á sér og kastar öllum að óvörum uppí fjalli. Eða það mætti allavga halda það, kannske er hún búin að frétta að flestir hrossaræktendur vilja fá hryssur og verður því hálf feimin kellingin.
En þessum kappa var vel fagnað og boðinn velkominn í þennan kalda harða heim.
Nafnavalið er erfitt og enn ekki komið nafn í loftið sem að samþykki hefur hlotið hjá eigandanum.
Mummi kallar hann Lífeyrissjóð og finnst það í rökréttu framhaldi af nafni bróður hans sem heitir Sparisjóður.
Í gær var byrjað að bera á og hefur það ekki verið gert svona seint í mörg ár allt útaf hundleiðinlegu tíðarfari. Það eru öll vorverk gerð í kuldagalla og eins og þið sjáið á myndinni þá er úthagi grár og gugginn.
Og til að kóróna skemmtilegheitin í veðrinu verð ég að segja ykkur að ég var að marka út lambfé áðan í hörku haggli og sliddu sem að allt í einu var boðið uppá með sólinni.
Ég rígheld í bullandi jákvæðni og held því fram að það sem ekki drepur það herðir.
Verð þó að deila með ykkur að ég stórefast um að heyskapurinn trufli landsmótsfara, að flagið spretti úr sér, að lömbin verði stór í haust og að kartöflurnar verði í matinn um verslunarmannahelgi.
Skrifað af Sigrún Ólafsdóttir
04.06.2011 00:14
Örfréttir.
Kuldi og hundleiðinlegt veður..................æi nei við skulum ekkert vera að ergja okkur á því, heldur hlakka til blíðunnar sem að kemur bráðum og verður lengi.
Sauðburðurinn alveg að verða búinn aðeins 16 kindur eftir og allir gemlingar búnir en vafasamt met var slegið hér þann 1 júní þegar hátt í tvöhundruð kindur voru inni ennþá.
Sprettan hefur gengið afar hægt og er úthagi ljótur svo að það var með blóðbragð í munni sem að við settum ca 70 kindur með lömbum uppí fjall í gær.
Ekki hafa fleiri hryssur kastað og varla von á fleiri folöldum fyrr en í júní en þá bætist vel í hópinn.
Tamningahross koma og fara en í gær bættist einn þriggja vetra kappi í hópinn sem kom til að eyða sumrinu hér í fjallinu. Gullfallegur brúnsokkóttur sonur Þrists frá Feti sem stoppar aðeins við í hesthúsinu til að læra guðsótta og góða siði svo að honum verði vel af fjallaloftinu.
Nú fara hestaleiguhestarnir að koma heim úr fjallinu taka smá þjálfunnarprógram og hefja síðan störf fljóttlega. Eins bætast við hestar sem koma í sölu og framhaldsþjálfun.
Veiðitímabilið hefur farið hægt af stað enda veðrið ekki verið eins og veiðimenn óska sér.
En um helgina lítur út fyrir að nokkrir veiðimenn muni freista gæfunnar og mæta á vatnsbakkann. Vonandi get ég sagt ykkur aflatölum eftir helgina.
Sauðburðurinn alveg að verða búinn aðeins 16 kindur eftir og allir gemlingar búnir en vafasamt met var slegið hér þann 1 júní þegar hátt í tvöhundruð kindur voru inni ennþá.
Sprettan hefur gengið afar hægt og er úthagi ljótur svo að það var með blóðbragð í munni sem að við settum ca 70 kindur með lömbum uppí fjall í gær.
Ekki hafa fleiri hryssur kastað og varla von á fleiri folöldum fyrr en í júní en þá bætist vel í hópinn.
Tamningahross koma og fara en í gær bættist einn þriggja vetra kappi í hópinn sem kom til að eyða sumrinu hér í fjallinu. Gullfallegur brúnsokkóttur sonur Þrists frá Feti sem stoppar aðeins við í hesthúsinu til að læra guðsótta og góða siði svo að honum verði vel af fjallaloftinu.
Nú fara hestaleiguhestarnir að koma heim úr fjallinu taka smá þjálfunnarprógram og hefja síðan störf fljóttlega. Eins bætast við hestar sem koma í sölu og framhaldsþjálfun.
Veiðitímabilið hefur farið hægt af stað enda veðrið ekki verið eins og veiðimenn óska sér.
En um helgina lítur út fyrir að nokkrir veiðimenn muni freista gæfunnar og mæta á vatnsbakkann. Vonandi get ég sagt ykkur aflatölum eftir helgina.
Skrifað af Sigrún Ólafsdóttir
27.05.2011 01:52
Vorið er komið...........vonandi.
Þarna sjáið þið hann Fjarka Þristson með mömmu sinni Rák frá Hallkelsstaðahlíð.
Já vorið er sennilega komið allavega eru komin tvö folöld, hestur undan Þristi frá Feti og Rák frá Hallkelsstaðahlíð. Óskin var að fá jarpskjótta hryssu undan Þristi en raunin var brúnn hestur. Ég er samt harla ánægð með gripinn og tel að gæðin verði bara ennþá meiri fyrst að ekkert púður fór í litinn. Held bara aftur undir Þristinn og kanna hvort að ég fái ekki skjótta hryssu sem að t.d gæti heitið Hulda.
Snör átti jarpa hryssu sem hlotið hefur nafnið Randi frá Hallkelsstaðahlíð en Sveinbjörn frændi minn fékk þennan fína toll undir Soldán frá Skáney í afmælisgjöf í fyrra og er nú einni glæsihryssu ríkari.
Ekki kasta fleiri hryssur alveg á næstunni en það styttist samt í fleiri folöld.
Sauðburðurinn er langt kominn en óvenju margt fé er ennþá inni miðað við dagatalið.
Veðrið hefur verið einstaklega leiðinlegt og þó svo að maður geti ekki vælt þar sem að við sluppum við öskfall er þetta tíðarfar hundfúllt.
Við höfum fengið góða aðstoð frá fjölmörgum í sauðburðinum og eflaust margir farið örþreyttir heim eftir ,,helgarfrí,, í sveitinni.
Ekki hefur allt aðstoðarfólkið verið hátt í loftinu.........................
Og Botnuflekka er mjög ofarlega á vinsældarlistanum.................enda gullfalleg og litfríð.
Pálína mín sem að brá sér af bæ til að bæta forustustofninn er heldur betur að standa sig og bara móflekkóttum hrúti og svartflekkóttri gimur í fyrradag.
Þarf að mynda gripina við fyrsta tækifæri.
Eins og þið hafið séð hefur ekki verið mikill tími til að sitja við ,,bloggskrif,, en nú verður farið í það verkefni að standa sig betur við það.
Skrifað af Sigrún Ólafsdóttir
21.05.2011 12:43
Enginn heimsendir
Glæsilegar mæðgur þær Sylvía Sigurbjörnsdóttir og Fríða Hildur Steinarsdóttir.
Í gær var brunað norður að Hólum til að vera við útskrift hjá flottu Hólakrökkunum.
Sylvía hélt uppteknum hætti og sópaði til sín öllum verðlaunum sem í boði voru fyrir nemendur á þriðja ári. Sannarlega flottur fagmaður á ferð sem að sló einkunnamet við skólann og hefur alla burði til að slá fleiri góð og mikilvæg met í framtíðinni.
Ekki gekk þó allt eins og helst var á kosið og þrátt fyrir góðan dag skyggði það á að Fannar og Gosi eru báðir úr leik í bili sökum meiðsla. Það gerir það að verkum að Mummi fer ekki í lokapróf fyrr en síðar í sumar.
Það er alltaf hátíðleg stund að mæta þarna norður og klæða nýútskrifaða reiðkennara í FT jakkana.
Innilega til hamingju með áfangann ég veit að þið verðið sjálfum ykkur til mikils sóma í framtíðinni og það er fyrir mestu.
Síðustu vikur hafa verði stembnar í meira lagi þar sem að veðrið er í illum ham og lítið sem ekkert hægt að setja út af lambfé. Enda er ástandið þannig í húsunum núna að hvert sem að litið er má sjá lambfé.
Sauðburðurinn hefur gengið þokkalega en þónokkuð er ennþá eftir að bera.
Við höfum fengið góðan liðstyrk við sauðburðinn sem heldur betur munar um.
Ég hef enn ekki gefið mér tíma til að fara með myndavélina en það kemur að því.
Að lokum ekki hefur bólað neitt á heimsendi hér en við búum nú á mörkum hins byggilega heims svo að það kemur kannske að því......................
Skrifað af Sigrún Ólafsdóttir
09.05.2011 10:02
Vorið góða
Hniðja litla Tignar og Sparisjóðsdóttir skoðar heiminn með Geirhnjúkinn í baksýn.
Nú fer spennan að aukast og biðin eftir folöldunum að styttast, tvær hryssur eru komnar í eftirlitshólfið góða. Það eru hryssurnar Rák frá Hallkelsstaðahlíð sem er fylfull við Þristi frá Feti og Snör frá Hallkelsstaðahlíð sem er fylfull við Soldáni frá Skáney. Þeim til halds og trausts verður svo hún Tign mín frá Meðafelli sem nú er fylfull við Alvari frá Brautarholti.
Sauðburðurinn er kominn vel af stað og u.þ.b helmingur af þeim kindum sem að sæddar voru eru bornar. Vonandi eiga fleiri eftir að bætast við. Það var mjög skrítið að fyrstu 12 kindurnar sem að báru úr sæðingunum voru kollóttar en hlutfall þeirra á móti hyrndum er ca. 20 %. Ég varð himinlifandi í gær þegar fæddust tveir hrútar undan Kveik frá Hesti en Sindri minn sem að ekki kom af fjalli í fyrra var einmitt undan honum. Verða þessir tveir skoðaðir með betri gleraugunum í haust með von um jákvæða umsögn Lárusar ráðanauts.
Að sjálfsögðu hafa þessir gripir fengið nöfn sem að eru Svarti-Sindri og Sindri 2.
Eldri hrútarnir og geldar kindur voru settar út í gær, gemlingarnir bíða samt enn eftir fleiri og lengri grænum stráum.
Rúllan er skammt undan svo að ekki væsir um sparikindurnar og geldféð.
Biðin ótrúlega eftir lambamerkjunum heldur áfram og virðist ætla að vera nærri því árviss viðburður. Nýfæddu lömbin eru því farin að minna óþægilega á ,,kvikmyndastjörnur,, úr Dalalífi, rauð, blá og Guð veit hvað.
Eins gott að úr rætist hið fyrsta svo að húsfreyjan glati ekki síðustu glórunni.
Fulgalífið er í algjörum blóma hér við gluggann minn lóan kvakar og stelkurinn flytur Salómon svarta baráttusöng með þakklæti fyrir vel unnin næturstörf alveg heim að húsi.
Tjaldurinn, spóinn og endurnar sem að ég reyndar elska ekki mikið (þær fljúga uppúr skurðunum og fæla hrossin) eru öll mætt á svæðið en krían er ekki komin svo vitað sé.
Ég heyrði fyrst í hrossagauknum þetta vorið í suðaustri, er það ekki nokkuð gott ?
Er það ekki sælu og auðnugaukur ? Eða er ég eitthvað að ruggla ?
Skrifað af Sigrún Ólafsdóttir
08.05.2011 08:47
Noregur heitur og kaldur.
Já það var gott veðrið í Grimstad laugardaginn 30 apríl þegar ég var þar að dæma.
Á mótinu voru margir góðir hestar þarna eru t.d Hárekur frá Vindási og Stikill frá Skrúð.
Um kvöldið var mér svo boðið í heimsóknir m.a á flottan veitingastað þar sem að gestirnir geta notið veðurblíðunnar og rennt fyrir fisk í leiðinni.
Mér fannst þetta nokkuð góð hugmynd sem að við gætum kannske nýtt okkur en sjarminn dofnaði svolítið þegar mér varð hugsað til þess hversu fáir svona dagar væru í boði.
En þær voru margar góðu hugmyndirnar í Noregi..............ég get örugglega sett upp hundabar þó ekki væri annað.
Ó já það getur nú líka orðið svalt við dómstörfin þó í Noregi sé..........en þessi kunni sko á það.
Þessi mynd er tekin snemma á sunnudaginn áður en að seinni blíðan ,,skall,, á hér í Grimstad.
Dómararnir Jenne og Birgitta með góðum ritara.
Smelli svo inn fleiri myndum í albúmin þegar nettengingin er bertri.
Skrifað af Sigrún Ólafsdóttir
04.05.2011 08:32
Komin heim frá Noregi
Mummi og uppáhalds vinur hans að leika sér á Hólum.
Ég er komin heim eftir að hafa átt góða daga í Noregi við að dæma flott hross og góða knapa.
Veðrið lék við mig og ég er sannfærð um að hafa komið heim með vorið. Móttökurnar voru frábærar, skemmtilegt að hitta fólkið og sjá hestana sem að ég þekkti hér að heiman.
Myndir og nánar um Noregsferð síðar.
Skúli skellti sér norður að Hólum á laugardaginn til að sjá sýningu þriðja árs nema Hólaskóla.
Sýningin að þessu sinni hét ,, Leiðin á toppinn,,
Ég dauðöfundaði hann en var samt ánægð með mitt hlutskipti en gaman hefði nú verið að sjá flottu Hólakrakkana líka. Mummi var með atriðið ,,Traust og samspil,, þar notaði hann Fannar sinn sem treystir Mumma til ótrúlegustu hluta m.a leikur sér með stóran bolta og stekkur yfir eld. Krapi kom líka fram í atriðinu til að sýna vinnuna á fyrri stigum en þeir vinirnir hafa jú ekki verði jafnlengi saman og Mummi og Fannar ,,gömlu karlarnir,,
Krakkarnir kynntu síðan lokaverkefnin sín sem að voru mjög fjölbreytt og skemmtileg.
Skúli fór líka á sýninguna um kvöldið og lét vel af.
Þann 1 maí fæddust hér lambakóngur og lambadrottning þegar gamla Útigöngu-Grána bar.
Í dag eiga svo kindurnar sem að voru sæddar tal svo að nú fer að færast fjör í leikinn.
Um helgina næstu fer svo stóra skriðan í fjárhúsunum af stað.
Skrifað af Sigrún Ólafsdóttir
28.04.2011 23:20
Allt að gerast.................
Allt að gerast og fréttir í styttra lagi núna................
Þakið er komið á fjárhúsin svo að nú eru þau tilbúin fyrir næsta rok sem að vonandi verður ekki á næstunni.
Góðir og skemmtilegir páskadagar að baki með gestum og skemmtilegheitum.
Sauðburður handan við hornið en nokkur óunnin verkefni verða kláruð fyrst
svo sem skroppið til Noregs að dæma og ýmislegt fleira sem að fyrir liggur.
Meira um allt þetta síðar....................og jafnvel myndir.
Þakið er komið á fjárhúsin svo að nú eru þau tilbúin fyrir næsta rok sem að vonandi verður ekki á næstunni.
Góðir og skemmtilegir páskadagar að baki með gestum og skemmtilegheitum.
Sauðburður handan við hornið en nokkur óunnin verkefni verða kláruð fyrst
svo sem skroppið til Noregs að dæma og ýmislegt fleira sem að fyrir liggur.
Meira um allt þetta síðar....................og jafnvel myndir.
Skrifað af Sigrún Ólafsdóttir