Blogg
SPJALLRÁS SIGRÚNAR
6.9.2010
Staðan í dag............
Þarna sjáið þið Guðdómlegan Hnappadal í baksýnisspeglinum mínum.
Já það getur verið nauðsynlegt að líta í ,,baksýnisspegilinn,, vega og meta stöðuna, rifja upp góðar stundir og gleyma þeim leiðinlegu. En það er víst eins gott að gleyma sér ekki við að horfa í spegill eins víst að maður keyri þá bara útaf.
Síðast liðinn fimmtudag var sónarskoðað hjá höfðingjanum Hlyn frá Lambastöðum eins og vænta mátti voru allar hryssurnar fylfullar. Dimma okkar var hjá kappanum og með 30 daga gamalt fyl. Allt undir,,kontrol,, hjá Eddu sem að klárlega er einn öruggasti sónarskoðari hér um slóðir og örugglega þolinmóðasti dýralæknir sem ég hef kynnst.
Við vorum í smá basli með að sannfæra eina hryssuna um að við værum traustsins verð og óhætt væri að láta okkur ná sér. Girðingin var stór og þýfð, hryssan stygg og við ,,rosalega,, hlaupaleg eða þannig.
Ég ætla ekki að segja ykkur hvernig þetta gekk en Edda og bláberin í stóðhestagirðingunni höfðu sem betur fer róandi áhrif á okkur svo að málið fékk farsælan endi.
Heldur betur hljóp nú snærið hjá húsfreyjunni þegar hún fékk sendingu af vestfjörðunum um daginn. Með öðrum orðum nú á ég fullt af dýrindis aðalbláberjasafti sem hressir, bætir og kætir. Þökk sé okkar góðu vinum í vestrinu.
Í gær smöluðum við stóðinu heim og tókum frá hóp af hestum sem að við vonumst til að geta notað í leitirnar. Útlitið benti ekki til þess að þau hafi liðið skort að undanförnu.
Þessar elskur hafa verið í fríi í nokkrar vikur en eru nú vonandi komin í stuð aftur.
Við fengum góða heimsókn úr Borgarnesi til stússa í þessu með okkur.
Takk fyrir komuna Þorgeir og co.
Nú er Anne okkar komin aftur og einnig hún Sandra frá Svíþjóð sem að ætlar að vera hjá okkur í viku. Duglegar og áhugasamar stelpur sem munar heldur betur um í öllu atinu.
Astrid kom heim í helgarfrí en er nú farin á vit ævintýranna noðrur í Eyjafjörð með hóp frá Landbúnaðarháskólanum á Hvanneyri.
5.9.2010
Hólaútskrift 2010
Á þessari mynd eru tveir nýútskrifaðir reiðkennarar þeir Sólon Morthens og Sigvaldi Lárus Guðmundsson. Þeir hafa sem sagt lokið þriggja ár námi við skólann.
Aldeilis flottir í Félagsbúningi Félags tamningamanna, til hamingju drengir.
Hér koma þeir svo með sínum betri helmingum Þóreyju og Mörtu.
Báðir þessir reiðkennarar eru starfandi á suðurlandi Sólon í Hrosshaga og Sigrvaldi í Fellskoti.
Á reiðkennarabrautinni síðast liðinn vetur voru sjö nemendur en aðeins tveir mættu við útskrift.
Hér koma síðan ,,mínir,, Hólakrakkar Alma Gulla, Mummi og Halla María, gamla smelli sér með á myndina. En við söknuðum Helga sem stakk af í leitir.
Alma Gulla var að ljúka námi sem hestafræðingur og leiðbeinandi eftir eins árs nám en Mummi og Halla María útskrifuðust sem tamningamenn og þjálfarar eftir tveggja ára nám.
Sylvía Sigurbjörnsdóttir ,,bakaði,, strákana og náði bikarnum góða.
Á myndinni Árni Björn, Sylvía og Mummi.
Innilega til hamingju Sylvía sannarlega flottur knapi þar á ferðinni.
Svo sætar mæðgur.............mamman á nú heilmikið í þessu til lukku með stelpuna Fríða :)
Og hér koma ennþá fleiri monntnar mömmur og Hólakrakkar.
Til hamingju öll bæði mömmur og pabbar.
3.9.2010
Sýnishorn af útskrift.....
Þarna eru sætu Hólakrakkarnir mínir að útskrifast...............vantar bara Helga Eyjólfs.
Alma að útskrifast sem hestafræðingur og leiðbeinandi af fyrsta ári en Mummi og Halla María sem tamningamenn af öðru ári. Innilega til hamingju með áfangana elskurnar.
Ég sem sagt brunaði norður að Hólum í dag til að vera við útskriftina, er komin heim en frekar löt svo að þetta verður að duga í bili. Tók fullt af myndum sem að ég kem hér inná síðuna vonandi á morgun.
2.9.2010
Mikilvægar dagsetningar.
Tíminn líður hratt og óðum styttist í réttirnar svo það er eins gott að birta hér mikilvægar dagsetningar.
Farið verður í nauðsynlegan undirbúning á næstu dögum svo sem panta gott veður, huga að veitingum, dusta rykið af gítarnum og ýmislegt fleira........................
Fimmtudagurinn 16 sept smalað ,,inní hlíð og útá hlíð,, (skiljanlegt fyrir þá sem til þekkja)
Föstudagurinn 17 sept smalað Oddastaðafjall.
Laugardagurinn 18 sept smalað Hlíðar og Hafurstaðaland. Aðalsmaladagurinn.
Sunnudagurinn 19 sept réttað, vigtað og valið. Stóri kjötsúpudagurinn.
Mánudagurinn 20 sept sláturlömb rekin inn.
Þriðjudagurinn 21 sep lömb sett í slátur.
Hlökkum til að sjá ykkur og munum leggja okkur fram um að láta ykkur ekki leiðast.
Gott væri að heyra frá ykkur sem að eru væntanleg...............gott að vita hvort raða þarf uppá rönd eða stafla í gistingu.
1.9.2010
Jamm og jæja......
Allt í basli svo að það verður engin mynd á blogginu í kvöld, þið hugsið ykkur bara fallega mynd og segið mér svo afhverju hún er.
Stundum er ég hugmyndasnauð og á í mestu vandræðum með að finna eitthvað til að setja hér inn en núna hafði ég fullt af hugmyndum sem flestar voru nátengdar myndum.
Örugglega út af því að ég get ekki sett inn myndir núna. Bíður betri tíma.
Ég brá mér á kynningafund út að Breiðabliki fyrir stuttu, þar var Nýsköpunarmiðstöð Íslands að kynna verkefni sem að heitir Vaxtasprotar á Vestulandi.
Sannarlega sniðugt og skemmtilegt verkefni sem gaman væri að taka þátt í.
Ég var þó verulega hugsi eftir að hafa hlýtt á þetta góða fólk sem dældi á okkur hugmyndum um margt sem hægt væri að gera í sveitinni. Það rann upp fyrir mér sú gamal kunna staðreynd að líklega hefði ég yfirdrifið nóg að gera og þyrfti alls ekki að vera að þvælast af bæ til að fá fleiri hugmyndir.
Eftir að hafa verið hugsi í nokkurn tíma var ég öskureið já eins gott að þið hittuð mig ekki þá.
Það sem að erti mína ,,góðu,, lund var nefninlega það hvað það er ergilegt og fúllt að bændur séu alltaf í þeirri stöðu að þurfa að hugsa um að koma sér upp einhverri auka búgrein eða vinnu utan bús. Bændum vantar ekki vinnu þeim vantar tekjur góðir hálsar.
Til að gera langa sögu stutta og ykkur ekki graut fúl þá ætla ég að renna yfir nokkur starfsheiti sem að svona meðalbóndi verður að ráða við ef að allt á að fara vel hjá honum.
Bóndi = bóndi, trésmiður, járnsmiður, þúsundþjalasmiður, vélfræðingur, verkfræðingur, viðskiptafræðingur, lögfræðingur, markaðsfræðingur, fóðurfræðingur, jarðfræðingur, kynbótafræðingur, skipulagsfræðingur, dýralæknir, kjötiðnaðarmaður, kokkur, ræstitæknir og hagfræðingur. Bara svo eitthvað sé nefnt......................
Og að auki vera í góður formi andlega og líkamlega því að stundum bilar fjórhjólið og fýkur í frúnna.
28.8.2010
Skotist á Íslandsmót.
Þeir voru einbeittir félagarnir Jakob Sigurðsson og Alur frá Lundum enda að landa Íslandsmeistaratitli í slaktaumatölti.
Já ég smellti mér á Íslandsmót í dag og naut þess að horfa á glæsta gæðinga, enda fátt skemmtilegra. Keppnin var spennandi í öllum greinum og víða voru það ,,litlar,, kommur sem að skildu keppendur að. Jakob og Alur höfðu þó nokkra yfirburði í slaktaumatöltinu áttu frábæra sýningu og uppskáru 8,83 í einkun.
Í fjórgangi sigraði Mette Mannseth á Happadísi frá Stangarholti en þar sem að hún er ekki með íslenskan ríkiborgararétt þá getur hún ekki orðið meistari. Íslandsmeistaratitlinum hampaði því Elvar Þormarsson og gæðingurinn Þrenna frá Strandarhjáleigu en þau fóru löngu leiðina og komu upp úr B úrslitum í gær. Hreint frábær árangur hjá Þrennunni ungu.
Í fimmgangi var það Hinrik Bargason og Glymur frá Flekkudal sem að báru sigur úr bítum.
Annar varð Stefán Friðgeirsson og Dagur frá Strandarhöfði, en þeir félagar komu alla leið úr B úrslitum eins og Elvar og Þrenna. Mér finnst alltaf jafn gaman að sjá þá saman Stefán og Dag, flottir saman kallarnir.
Töltkeppnin var afar spennandi og hart var sannalega barist, oftast drengilega.
Kommur skildu fjóra efstu keppendur að en sigurvegarar urðu Viðar Ingólfsson og Tumi frá Stóra-Hofi. Fast á hæla honum komu þeir Sigurbjörn Bárðarson með Jarl frá Miðfossum og Jakob Sigurðsson og Árborg frá Miðey með 8,42 í einkun. Í fjórða sæti var Sigurður Sigurðarson og Kjarnorka frá Kálfholti með 8,41.
Ég var að flestu leiti sátt við úrslitin en verð þó að játa að ég hefði viljað sjá Jakob Sigurðsson og glæsihryssuna Árborgu frá Miðey sigra í töltinu.
Til hamingju flottu knapar og hestar með góðan árangur í dag.
27.8.2010
Tamningatryppin.........
Þegar ég er löt að skrifa er gott að hafa verið dugleg með myndavélina því þá geta myndir sagt meira en mörg orð. Hér á eftir koma myndir af nokkrum tryppum sem við erum að vinna með þessa dagana. Mörg eru aðeins stutt á veg komin en það getur samt verið gaman að skoða myndir af misjöfnum tamningastigum.
Hér að ofan er efnis foli sem heitir Hattur frá Eyrarbakka, hann er í eigu heiðurshjóna á Vestfjörðum.
Verður örugglega ánægður með sig kallinn þegar hann fer að ríða út fyrir vestan.
Hér er Nótt frá Reykjavík skemmtileg efnis hryssa með góðar gangtegundir.
Þarna er svo systir hennar Von frá Reykjavík sem dansar af kátínu og vinnugleði.
Og meira af Voninni góðu sem ég hef svo mikla trú á..............................
Skeggi Stælsson okkar skaust framhjá og auðvitað smelli ég mynd af honum líka.
Næstu daga ætla ég svo að kynna fleiri hross fyrir ykkur með þessu hætti, sjón er jú sögunni ríkari.
Í gær vorum við ,,túristar,, í Borgarfirði fórum á yfirlitssýningu uppað Miðfossum, skoðuðum folana okkar á Kistufelli og brunuðum svo um sveitirnar í góða veðrinu.
Já Borgarfjörðurinn er fallegur og ekki skemmir nú fyrir að hafa Hnappadalinn með.................í sveitarfélaginu. Verst hvað margir hafa gleymt því...................
Fullt af myndum væntanlegar á síðuna úr því ferðalagi.
24.8.2010
Slökun..........
Þarna á höfðinginn Gosi frá Lambastöðum góða stund, kannske er hann að hugsa um námið sem að hann og Mummi ætla að stunda á Hólum í vetur...............hver veit ?
Góður var dagurinn í dag tekið fullt af myndum sem að birtast fljóttlega hér á síðunni undir hnappnum ,,söluhross,,
Sum hrossin voru vel upplöggð fyrir myndatökur en önnur áttu svona dag eins og við öll þekkjum................engar myndir takk ég lít ekki nógu vel út:)
Í gær byrjaði hún Astrid okkar í skólanum á Hvanneyri, hún var orðin ansi spennt og eins gott að skólinn standi undir væntingum. Við söknum hennar og þá alveg sérstaklega hún Snotra sem að skilur ekkert í því að Astrid mæti ekki í hesthúsið eins og venjulega.
En hún kemur nú örugglega að kíkja á okkur fljóttlega.........................
Hér var rokið í það að slá há í dag sem verður svo rúllað á morgun...........nánar um það síðar.
23.8.2010
Melgerðismelar...
Um helgina brá ég mér í Eyjafjörðinn og dæmdi gæðinga á skemmtilegu móti sem haldið var á Melgerðismelum. Með mér dæmdu Halldór Svansson og Valdimar Ólafsson.
Veðrið var aðeins að stríða mótshöldurum strekkingur á laugardaginn og helli rigning á sunnudaginn og mátti sjá efstu toppa grána svolítið.
En veðrið beit ekkert á þessa jaxla sem að mótinu stóðu þeir bara klæddu þetta af sér.
Þetta duglega fólk var okkur dómurunum til aðstoðar og stóð sig með mikilli prýði. Einkaritarinn minn var húsfreyjan í Hólakoti hún Ester Anna sem er lengst til hægri á myndinni. Snildar ritari og frátekin ef að ég kem aftur í Eyjafjörðinn að dæma.
Þarna er svo maðurinn sem að hafði alla þræði í sýnum höndum og fórst það vel Jónas Vigfússon í Litla Dal.
Dýrmætt fyrir öll hestamannafélög að eiga svona menn, þarna er það vafla í mótslok.
Nafn Högna Bæringssonar kom ósjálfrátt uppí hugann þegar ég hugsaði heim í mitt félag.
Það var gaman að skoða mótssvæði þeirra Eyfirðinga og þá sérstaklega nýja kynbótavöllinn sem er mjög óhefðbundinn og skemmtilegur.
Þið verðið endilega að skoða hann ef að þið eigið leið um Melgerðismelana.
Ég verð að nefna móttökurnar sem að við dómararnir fengum á Melgerðismelum, þær voru í einu orði sagt frábærar. Veisla og dekur takk kærlega fyrir okkur, sérstakar kveðjur í eldhúsið.
Alltaf þegar ég kem heim af hestamótum sest ég niður með mótskrána, skoða og rifja upp hvað ég sá. Mig langar aðeins að deila vangavelltunum með ykkur. Tek það þó fram að þetta eru hugrenningar algjörlega óháðar tölum og bara mínar persónulegu skoðanir.
Ég ,,fann,, afar athyggliverðan hest sem að ég hef ekki séð áður eða veitt eftirtekt, þetta er stóðhesturinn Tristan frá Árgerði. Tristan er 10 vetra gamall sonur Orra frá Þúfu og Bliku frá Árgerði. Hann vakti athyggli mína þegar ég sá hann í A flokkskepninni og ekki minnkaði hún við að sjá afkvæmi hans á mótinu sem voru þó nokkur.
Það var Stefán B Stefánsson sem að sýndi hestinn.
Gaman væri nú að fá þennan stóðhest á vestulandið næsta ár.
Dagur frá Strandarhöfði hefur sjaldan verið betri en á þessu móti frábærar hreyfingar og léttari en oftast áður. Alltaf gaman að sjá hann og Stefán saman á vellinum.
Bjarni Jónasson var einnig með spennandi hest Laufa frá Bakka, son Smára frá Skagaströnd.
Í B flokknum og töltinu voru margir góðir gæðingar Logar frá Möðrufelli sonur Dósents frá Brún, Andvarasynirnir Flugar frá Króksstöðum og Rommel frá Hrafnsstöðum, Gletting Tristansdóttir frá Árgerði, Dalrós frá Arnarstöðum dóttir Mola frá Skriðu og margir fleiri.
Já alltaf gaman að spá í hross...................
20.8.2010
Fullt að frétta.......enginn tími til að blogga.
Það er í mörgu að snúast þessa dagana og lítill tími til ritstarfa en ég ætla að smella inn smá fréttum og bæta svo úr á næstunni.
Besta frétt vikunnar var að sjálfsögðu að Mummi stóðst inntökuprófið inná reiðkennaradeildina á Hólum. Hann fór með Fannar sinn frá Hallkelsstaðahlíð og Gosa frá Lambastöðum sem verða hans vinnufélagar í vetur.
Virkilega ánægjulegt þar sem að ekki leit nú vel út um tíma með þá kappana því þeir eru búnir að vera veikir lengi. Sko Fannar og Gosi. Til lukku með þetta töffarar.
Í dag var sónað frá Sporði frá Bergi og þaðan komu þrjár hryssur fylfullar hingað í Hlíðina.
Létt með 30 daga fyl, Þríhella og Dimma Baldursdóttir báðar með 21 dags fyl.
Bara spennandi.
Ólafur hótelhaldari á Eldborg kom ríðandi hér í dag með fríðu föruneyti og heldur suður á bóginn á morgun.
Stutt en verður að duga...............meira næst.
P.S er ekki á leiðinni á menningarnótt í Reykjavík.
Besta frétt vikunnar var að sjálfsögðu að Mummi stóðst inntökuprófið inná reiðkennaradeildina á Hólum. Hann fór með Fannar sinn frá Hallkelsstaðahlíð og Gosa frá Lambastöðum sem verða hans vinnufélagar í vetur.
Virkilega ánægjulegt þar sem að ekki leit nú vel út um tíma með þá kappana því þeir eru búnir að vera veikir lengi. Sko Fannar og Gosi. Til lukku með þetta töffarar.
Í dag var sónað frá Sporði frá Bergi og þaðan komu þrjár hryssur fylfullar hingað í Hlíðina.
Létt með 30 daga fyl, Þríhella og Dimma Baldursdóttir báðar með 21 dags fyl.
Bara spennandi.
Ólafur hótelhaldari á Eldborg kom ríðandi hér í dag með fríðu föruneyti og heldur suður á bóginn á morgun.
Stutt en verður að duga...............meira næst.
P.S er ekki á leiðinni á menningarnótt í Reykjavík.
15.8.2010
Stranda hvað???
Á laugardaginn var brunað norður á Strandir en þar var haldið heljar ,,knall,, og hápunkturinn keppni í hrútaþukkli. Það eru forsvarsmenn Sauðfjársetursins sem að hafa veg og vanda að þessum viðburði sem er stór skemmtilegur.
Þarna kepptu helstu sauðfjárspekingar landsins í þukkli og hér eru snillingarnir komnir á pall.
Okkar maður hafnaði í þriðja sæti sem hlýtur að vera dómaraskandall :) Til hamingju Eiríkur og þið allir.
Það var fulltrúi dómnefndar Lárus Birgisson sem að afhenti verðlaunin.
Það var skilyrði að kyssa verðlaunahafann svo það er augljóst að konum mun fjölga mikið í keppninni á næsta ári.................ekki spurning nú tek ég þátt í keppninni á næsta ári.
Það er margt að sjá á Sauðfjársetrinu og þarna eru búsáhöld sem gaman væri að eiga.
Strokkur, hakkavélar, skilvinda, vigt, kleinupottur og margt fleira.
Þarna sá ég líka alvöru málgagnið..............veitti nú ekki af að hafa þennan í fullu fjöri núna.
Á leiðinni heim var boðið uppá þessa fínu leiðsögn og var komið við á Reykhólum hjá Guðmundi refaskyttu og frú. Þar var drukkið kaffi, spjallað og litið á nokkur stóð.
Á Reykhólum sá ég myndar fola undan Hvessi frá Ásbrú og Sunnu frá Grundarfirði.
Afar geðslegur foli og líkur mömmu sinni sem ég er alltaf svo hrifin af.
Það var gaman að koma við á Reykhólum og ekki síður að njóta leiðsagnar þeirra Magnússkógahjóna um sveitirnar í kring.
Við Reykhóla sá ég líka glæsi dráttarvélar, ég hef trú á að vinur minn hér fyrir innan fjallið yrði nú ánægður með þennan..................
.................þetta er sko Porsche.................
Mér fannst þessi aftur á móti flottastur, bensín traktor alveg eins og til var hér í Hlíðinni þegar ég var lítil.
Ég tók svolítið af myndum sem hafa verið settar inná síðuna undir ,,myndaalbúm,,
Vel þess virði að skreppa á Strandirnar og skoða Sauðfjársetrið.
13.8.2010
Föstudagurinn 13.........
Stóri sokkaþvotturinn.....................
Mér finnst rigningin góð...........osfrv..........en að sjálfsögðu á hún að vera í hófi eins og annað gott.
Það var orðið tímabært að fá vætuna og mikið hefur allur gróður lifnað og braggast.
Svo er logn, súld og blíða drauma útreiðaveðrið mitt.
Í gær fjölgaði ört hjá okkur þegar 5 skemmtileg tryppi bættust í tamningatryppa hópinn.
Eins og áður hefur komið fram þá erum við með rúmlega 20 frumtamningahross sem skemmta okkur þessa dagana. Bráðskemmtileg tryppi öll sem eitt bara hvert á sinn hátt.
Það er erfitt að gera uppá milli þeirra svo að ég hef ákveðið að hafa fyrirmyndarhesta dagsins þrjá. Fyrst er það ungfrú Melkorka sem er undan Blæ frá Torfunesi mikill persónuleiki og prímadonna þar á ferð. Þá er það Birta Blæsdóttir en nú frá Hesti gullfalleg og spennandi hryssa og að lokum Fangi minn undan Andrá og Þór frá Þúfu, næmur og skemmtilegur öðlingur. Já ég gæti sko haldið áfram að telja upp og örugglega mundi bætast ríflega við ef að allir sem í hesthúsinu stússa þessa dagana væru spurðir álits.
Fyrsti fundur Landbúnaðarnefndar Borgarbyggðar var í gær. Þó nokkrar mannabreytingar hafa orðið í nefndinni og alveg ljóst að kynja jafnrétti er ekki í hávegum haft.
Fjórar kellur, einn herra og ritarinn auk þess kona.
Frekar voru störf nefndarinnar á jákvæðum nótu á þessum fyrsta fundi og vonandi ekkert um afglöp að minnsta kosti keyptum við ekkert hús.
Þið hafið vonandi fundið út hvaðan myndin var á blogginu mínu þann 8 ágúst ?
Þessa mynd tók ég á leiðinni heim úr Borgarnesi síðasta sunnudag, þá var himininn logandi fyrir ofan Arnarstapa á Mýrum. Já flottur bakgrunnur hjá þeim Ásgerði og Stulla.
Það var sko algjört glópalán að vélin var í bílnum.
Alveg rétt í dag er föstudagurinn 13..............og bara ljómandi happa dagur :)
10.8.2010
Ekki allt með felldu...............
Issss Spaugstofan hætt ...........aldeilis skítalykt af þessu máli.
Og enn meiri skítalykt er af handboltamálunum.............eins gott að vera góð að fíla grön.
Við erum búin að eiga góða daga í heshúsinu að undan förnu svona miðað við aðstæður.
Það er gaman að sjá hvað tryppin vitgast með hverjum deginum og eru alltaf að verða skemmtilegari og skemmtilegri. Gaman að sjá hvað sumar ættir temjast fyrr en aðrar.
Það er langt síðan ég hef tilnefnt fyrirmyndar hest dagsins en í dag var það klárlega Kæna litla Faxadóttir sem tekur stór stígum framförum þessa dagana.
Í dag var klárað að rúlla á Vörðufelli og einnig hjá þeim Oddastaðabændum.
Gott þegar allt er komið í plast.
Veðrið er búið að vera einstakt og gaman að hafa svona líflegt á tjaldstæðunum, þar hafa verið gestir uppá hvern dag alveg frá 28 júlí.
Þið sem eigið eftir að fara í sumarútileguna verið hjartanlega velkomin.
8.8.2010
Og þau lentu í löggunni.
Hér kemur gáta...........hvar er þessi mynd tekin ?
Ég ætla að segja ykkur það á morgun ef að enginn verður búinn að upplýsa það hér.
Í dag fórum við innað Hóli að sækja strokufangana okkar sem við höfum saknað.
Mér hefur alltaf reynst vel að spyrjast fyrir um strokuhross hjá honum Munda á Hóli ef að einhver von er um að þau hafi skroppið í Dalina.
Að þessu sinni varð ég ekki fyrir vonbrigðum og það sem meira var hann hafði kallað til ,,lögregluna,, og þeir í sameiningu með aðstoð góðra manna komið öllum hrossunum í hús áður en við komum á staðinn. Ekki amaleg þjónusta það.
Þessir voru hressir að vanda þegar við mættum á svæðið og öll hrossin komin inn í hús.
Það eru ekki bara hrossunum sem líkar vel að koma til Munda á Hóli, mér finnst alltaf jafn gaman að koma í kaffi hjá þessum 95 ára strák.
Flakkararnir voru teknir á kerru og keyrðir heim, nú er frelsið í fjallinu búið og styttist í tamningu allavega hjá henni Hlíð.
Já það er svona að lenda í löggunni eða saman við hrossin hjá löggunni. :):):)
Það gengur vel með rúmlega 20 frumtamningatryppi sem eru ,,sest,, á skólabekk hér í Hlíðinni. Ég ætti kannske að taka myndavélina með í heshúsið einhvern daginn ?
8.8.2010
Ferðalag...........og fleira.
Þjóðhátíð frá Hallkelsstaðahlíð.
Faðir Glymur frá Innri-Skeljabrekku, móðir Skúta frá Hallkelsstaðahlíð.
Í gær var brunað með mæðgurnar Skútu og Þjóðhátíð austur að Jaðri undir stóðhestinn Stíganda frá Stóra - Hofi. Löng leið fyrir lítinn hest en Þjóðhátíð var samt bara eldhress þegar hún kom út af kerrunni í Jaðri. Með í för voru líka aðrar mæðgur Klara frá Lambastöðum og hennar dóttir en þær ætla einnig að hitta Stíganda.
Móttökurnar í Jaðri voru aldeilis góðar og sérstaklega var gaman að skoða ungar dætur Stíganda sem húsfreyjan í Jaðri er núna að byrja að temja.
Og ekki má nú gleyma flottu málverkunum eftir húsbóndann á bænum.
Skemmtilegt spjall við Jaðarsbændur, þurfum lengri tíma næst.
Þegar við fórum austur varð Lyngdalsheiðin fyrir valinu falleg leið og langt síðan ég hafði farið hana. Á heimleiðinni fórum við svo Kjósaskarðið og ég ætla ekki að segja ykkur hvað er langt síðan ég fór það síðast. Ég held að ég hafi ekki farið það síðan sumarið 2004 þegar ég brunaði á Landsmót á Hellu og fór með Karúnu mína undir Fræg frá Flekkudal í leiðinni.
Þessi tími bara æðir áfram eins og ekkert sé...........
Rifjaði upp skemmtilegt ferðalag og heimsókn að Meðalfelli þegar farið var þarna um í gær.
Afhverju er maður nú ekki duglegri við að skoða sig um og heimsækja skemmtilegt fólk ?
En takk fyrir skemmtilegt ferðalag Lambastaðabændur.
Í gærkveldi komu Snör og Hrókur litli heim eftir góða dvöl í Skáney.
Nú getur Sveinbjörn farið að láta sér hlakka til að fá gæðingsefni undan Snör sinni og höfðingjanum Soldán frá Skáney.
6.8.2010
Kolskör komin heim.
Hér sé stuð........................
Það getur verið gaman að lífinu þrátt fyrir hestapest og ýmsar hremmingar, um að gera njóta lífsins og leika sér.
Í gær fórum við innað Lambastöðum og heilsuðum uppá menn og málleysingja.
Allt stóðið var rekið heim hófar snyrtir og allir fengu ormalyf.
Það er alltaf jafn gaman að skoða stóð sérstaklega þegar maður er farinn að þekkja heilmikið af gripunum. Á Lambastöðum eru hrossin svo þæg og meðfærilega að svona ferð er bara skemmtiferð. Allt gengur eins og í sögu þrátt fyrir að hross á öllum aldri séu meðhöndluð.
Margt er spennandi í stóðinu svona til að nefna nokkur tryppi þá eru ungir folar annar undan Glotta frá Sveinatungu og hin undan Sólon frá Skáney þarna eru líka fallegar dætur m.a Dyns frá Hvammi, Arðs frá Brautarholti og Blæs frá Hesti.
Fjögur tryppi komu til okkar í gær og eru nú að stíga sín fyrstu spor í ,,tamningavinnunni,, sinni. Þetta eru þrjár hryssur og einn hestur bara spennandi tryppi.
Takk fyrir okkur Lambastaðabændur.
Að koma inní hesthúsið þessa dagana líkist mjög leikskóla allt fullt af frumtamningatryppum. Í gærkveldi þegar við komum í hesthúsið eftir venjulegan tíma kveiktum ljós og komum með ný hross fór kliður um húsið alveg eins og þegar órói færist yfir stóran krakkahóp. Já það var allt öðru vísi en þegar eldri og reyndari verða fyrir ónæði.
Í dag kom hún Kolskör heim með Kalsa sinn en hún hefur verið í girðingu norður í Víðidal hjá Arði frá Brautarholti. Afraksturinn var góður 22 dag gamalt fyl sem ég trúi og vona að sé hryssa en verð að sjálfsögðu líka ánægð með þó svo að það reynist hestur.
Kalsi litli sonur Aldurs frá Brautarholti hefur líka stækkað helling og er bara sperrtur.
Síðustu viku eða svo hefur verið algjör dekur tími í húsverkum á þessu heimili kökur og brauð hafa bakast, þvottur verið þveginn og ýmislegt fleira gerst sem gott er að losna frá.
En í dag fóru hjálparhellurnar aftur til síns heima svo að nú verða bændur og búalið að standa sig í húsverkunum.
Takk fyrir okkur mamma og Sverrir.
5.8.2010
Drauma..................
Þarna er sperrt afkvæmi Perlu Gusts frá Lambastöðum og Aldurs frá Braustaholti.
Nú stendur fyrir dyrum ferð í Lambastaði þar er ýmislegt skemmtilegt að sjá og alltaf gaman að koma. Ormalyf, fótsnyrting og fullt að skemmtilegum vangavelltum.
Við skoðum þessa flottu skvísu undan Dyn frá Hvammi og Klöru frá Lambastöðum.
............og örugglega þessa hún er dóttir Tinnu frá Árbakka og Arðs frá Brautarholti.
Set inn myndir og fréttir þegar ferðin er afstaðin................
Við Ófeigur minn eigum sameiginlegt markmið.............mjög háleitt og flott.
Einhvern tímann munum við ná því...............
Aðal munurinn er samt sá að við erum ekki alveg samtíga í því hversu hratt á að fara til að ná markmiðinu. Hann ,,veit,, að drauma smalahundurinn er kjarkmikill, vitur, viljugur, hlýðinn og þægur. Um það erum við sammála en..........hann ,,veit,, líka að drauma eigandinn er sprækurrrrrrrrr, hvetjandi, hugmyndaríkur, gjafmildur og raddlaussssssssss...........
Og ekki gleyma.... hefur alltaf nægt framboð af kindum og mat. Ekki svo að skilja að kindur séu í hans huga matur nei,nei herra Europris er fínn.
Ófeigur er sannfærður um að ég hafi nú loks eignast drauma hundinn sem að kannske er satt, en það er með okkar samninga eins og kannske velflesta í þjófélaginu....EKKI ALVEG Á HREINU.
Ég reyndi í huganum að fara yfir nokkur atriði sem að gott væri að hafa í lagi áður en lengara er haldið.
Ófeigur er með sitt á tæru.
Drauma smalahundur = Hundur sem sefur djúpum svefni og dreymir kindur.
Kjarkmikill = Þorir að slást.........við alla hundana á bænum.
Vitur = Hundur sem veit það sem honum langar og bætir við eftir eigin þörfum.
Viljugur = Fara núna......jessssssss.
Hlýðinn = Borðar matinn strax.
Þægur = Þyggur gott klapp.
Drauma eigandi = Leggur sig dreymir fallega og truflar ekki frjálsan leik hundsins.
Sprækur = Hleypur jafn hratt og Border eða ER miðaldra spússa á fjórhjóli.
Hvetjandi = Hó hó hobb hobb og allt þetta með ljúfum tóni.........en uppbyggjandi.
Hugmyndaríkur = Þarf ekki hundurinn finnur alltaf hvað er skemmtilegast að gera.
Gjafmildur = Matur við öll tækifæri.
Raddlaus = Yndislegur eiginleiki sérstaklega ef að hann kann ekki á flautu...........
Við Ófeigur teljum svo niður í leitir.................elskurnar.
3.8.2010
Sextán ný.....................og spennandi.
Þarna eru mæðgurnar Skúta og Þjóðhátíð örfáum mínútum eftir að sú litla fæddist.
Ég hef ekki enn farið og myndað gripinn eftir að hún komst á fætur daman.
Sætar mæðgur að knúsast...............knúsi, knús.
Það telst nú til tíðinda hér um slóðir að það hefur verið rigning tvo daga í röð.
Guði sé lof fyrir það en það má samt ekki túlka það sem vanþakklæti þó svo að ég vilji ekki hafa rigningu til rétta.
Í dag smöluðum við stóðinu heim og tók 16 tryppi frá sem við ætlum að byrja að temja ef að allt gengur eins og til er ætlast. Bara svona til upplýsinga þá eru fædd 16 folöld þetta árið svo að við erum bara með létta æfingu fyrir þann árgang. Mér finnst alltaf jafn gaman að skoða stóðið og fylgjast með hvernig tryppin þroskast. Þegar farið var yfir ,,kladdann,, kom í ljós að fjögur voru ekki mætt heim. Þetta eru Hlíð mín, Bliki, Lyfting og Hnykking öll ung og kannske misvitur til að vera lengi í burtu frá ráðsettu stóðinu. Förum á morgun og finnum ungdóminn.
Tveir garpar yfirgáfu okkur og fóru til síns heima í dag þeir Stígur og Oríon. Oríon fór heim til að halda áfram að þjóna eigandanum en Stígur kallinn fór heim til að ná heilsu, eins gott að það takist vel.
Rúllurallýið heldur áfram og nú er bara eftir að keyra heim frá Rauðamel.
2.8.2010
Hún Þjóðhátíð litla.
Skemmtileg helgi að baki þó svo að ég hafi ekki farið á aðra útihátíð en ,,Halló Hallkelsstaðahlíð,, skrapp reyndar aðeins í Borgarnes og dæmdi flotta krakka á Unglingalandsmóti.
Já það var virkilega gaman að sjá hross á keppnisvellinum aftur, hef ekki dæmt hross síðan 22 apríl s.l.
Á mótinu voru þó nokkur flott ,,pör,, að keppa og bæði nýjir og gamlir hestar sem vöktu athyggli mína. Flottir krakkar á góðum hestum, sjón sem alltaf gleður jafn mikið.
Ég vex sennilega aldrei uppúr því að skemmta mér við að horfa á og skoða góða hesta.
Það var líf og fjör á tjaldstæðunum hér í Hlíðinni um helgina og allir gestir til fyrirmyndar.
Sumir veiddu aðrir lágu í sólbaði sem var nú aldeilis auðvellt og nokkrir lögði í göngur.
Takk fyrir komuna kæru gestir.
Á föstudaginn þann 30 júlí kastaði Skúta hans Mumma hryssu undan Glymi frá Innri-Skeljabrekku og eru þá allar hryssurnar kastaðar þetta árið. Hryssan er brún að lit og hefur hlotið nafnið Þjóðhátíð. Já bara frumlegt nafn hjá stráknum.
Ég held að nafnið hafi komið til af því að hann var lengi að ákveða hvert ætti að halda um helgina en langaði mest á þjóðhátíð. Svona til að baktryggja sig til framtíðar nefndi hann hryssuna Þjóðhátíð svo að hann gæti þá alltaf skroppið á Þjóhátíð svona öðru hverju og ekki alltaf til Eyja. Þjóðhátíðin þar er jú bara einu sinni á ári.
Nú er kappinn mættur heim eftir hátíðina í Eyjum hress, kátur og með ryðgaða rödd kannske örlítið þreyttari en þegar hann mun koma af sinni Þjóðhátíð í framtíðinni.
Myndir af Þjóhátíð frá Hallkelsstaðahlíð eru væntanlegar en myndir af hinni þjóðhátíðnni.....ætli þær séu nokkuð birtingarhæfar??
Innan skamms verður svo ákveðið hvert Skútan siglir undir stóðhest nóg er úrvalið...........
Um helgina komu skemmtilegir gestir hingað í Hlíðina, sumir gistu aðrir kíktu bara við í mat eða kaffi. Spjallað, spáð og spekulerað.............mjög oft um hross.
Reykvíkingar, Borgfirðingar, Dalamenn, Grundfirðingar og síðast en ekki síst góðir gestir frá Danmörku. Takk fyrir komuna alltaf svo gaman að hitta ykkur.
Já það var virkilega gaman að sjá hross á keppnisvellinum aftur, hef ekki dæmt hross síðan 22 apríl s.l.
Á mótinu voru þó nokkur flott ,,pör,, að keppa og bæði nýjir og gamlir hestar sem vöktu athyggli mína. Flottir krakkar á góðum hestum, sjón sem alltaf gleður jafn mikið.
Ég vex sennilega aldrei uppúr því að skemmta mér við að horfa á og skoða góða hesta.
Það var líf og fjör á tjaldstæðunum hér í Hlíðinni um helgina og allir gestir til fyrirmyndar.
Sumir veiddu aðrir lágu í sólbaði sem var nú aldeilis auðvellt og nokkrir lögði í göngur.
Takk fyrir komuna kæru gestir.
Á föstudaginn þann 30 júlí kastaði Skúta hans Mumma hryssu undan Glymi frá Innri-Skeljabrekku og eru þá allar hryssurnar kastaðar þetta árið. Hryssan er brún að lit og hefur hlotið nafnið Þjóðhátíð. Já bara frumlegt nafn hjá stráknum.
Ég held að nafnið hafi komið til af því að hann var lengi að ákveða hvert ætti að halda um helgina en langaði mest á þjóðhátíð. Svona til að baktryggja sig til framtíðar nefndi hann hryssuna Þjóðhátíð svo að hann gæti þá alltaf skroppið á Þjóhátíð svona öðru hverju og ekki alltaf til Eyja. Þjóðhátíðin þar er jú bara einu sinni á ári.
Nú er kappinn mættur heim eftir hátíðina í Eyjum hress, kátur og með ryðgaða rödd kannske örlítið þreyttari en þegar hann mun koma af sinni Þjóðhátíð í framtíðinni.
Myndir af Þjóhátíð frá Hallkelsstaðahlíð eru væntanlegar en myndir af hinni þjóðhátíðnni.....ætli þær séu nokkuð birtingarhæfar??
Innan skamms verður svo ákveðið hvert Skútan siglir undir stóðhest nóg er úrvalið...........
Um helgina komu skemmtilegir gestir hingað í Hlíðina, sumir gistu aðrir kíktu bara við í mat eða kaffi. Spjallað, spáð og spekulerað.............mjög oft um hross.
Reykvíkingar, Borgfirðingar, Dalamenn, Grundfirðingar og síðast en ekki síst góðir gestir frá Danmörku. Takk fyrir komuna alltaf svo gaman að hitta ykkur.
28.7.2010
Hlíðarvatnið.............
Þessa skemmtilegu mynd fékk ég senda frá góðum grönnum, hún sýnir hvað vatnsmagnið í Hlíðarvatni er lágt um þessar mundir.
Myndin er tekin 11 júlí og síðan hefur nú heldur betur lækkað í vatninu.
Ég verð sennilega að fá mér göngutúr uppá Múla og mynda stöðuna eins og hún er núna.
Og þarna er aðeins annað sjónarhorn af Múlanum.
Takk fyrir þessar fallegu myndir Jökull og Ásta í Múlenda, þurfum nú að drekka úr eins og einum kaffibolla saman við tækifæri.
27.7.2010
Samkeppni...........
Samkeppni.............já hún er til víðar en í viðskiptalífinu og mannheimum................
Þessir ungu herrar eru bráðefnilegir báðir tveir og gætu eflaust verið að metast á um hvor væri nú betri. En sennilega eru þarna á ferðinni ramm íslensk ,,mannalæti,, eins og amma kallaði það þegar galsi greip ungdóminn og hrópað var á athyggli ,,sjáið þið mig,,
Kapparnir eru: Baltasar frá Hallkelsstaðahlíð undan Arði frá Brautarholti og Trillu, sá grái er Krapi frá Steinum undan Gusti frá Hóli og Orku frá Steinum.
Nokkrar dömur yfirgáfu Gosa í dag og héldu heim á leið vonandi fylfullar allar saman.
Það hljóp á snærið hjá okkur í því neðra þegar við vorum boðin í 77 afmælisveislu hjá Ragnari frænda mínum. Það er ótrúlegt hvað tíminn líður eins og ég er alltaf að tönglast á en mér finnst alveg örstutt síðan Ragnar varð 71 árs. Þá hélt hann uppá það með því að ganga á Geirhnjúk sem er 898 m hár. Geri aðrir betur.
Ég þarf svo sem ekki að taka það fram að ennþá er beðið eftir því að Skútan kasti.
Ég stekk á stað með myndavélina þegar það dregur til tíðinda.
26.7.2010
Hlíðarvatn að hverfa ???? Nei.......
Þetta er Hniðja frá Hallkelsstaðahlíð.
Faðir er Sparisjóður frá Hallkelsstaðahlíð og móðir Tign frá Meðalfelli.
Hniðja er alsystir hans Kosts sem ég myndaði í miklum stóðhestastellingum í fyrra og smelli hér inná bloggið.
Blíðan var engu lík í dag 18° hiti og samt skein sólin ekkert á okkur hér í Hlíðinni.
Dagurinn einkenndist af hestastússi og rúllufluttningum enda næg verkefni á báðum vígstöðum.
Á næstunni verð ég að fara og ná myndum af Hlíðarvatni, já ég sagði Hlíðarvatni það er sko að hverfa með þessu áframhaldi. Landslagið breytist ótrúlega þegar svona lítið er í vatninu og engu líkara en við búum við flóð og fjöru nema það er alltaf fjara.
Vinur minn fann það út um daginn að vatnsmagnið í Hlíðarvatni héldist í hendur við fylgji ríkisstjónarinnar. Mig grunar nú að það þurfi meira en haustrigningu til að ná því upp........en hver veit.
Kannske birtist marg umrætt skrímslið upp úr vatninu einn daginn og þá í líki Jóns Gnarr?
Móðursystkyni mín sem fædd eru fyrrihluta síðustu aldar (hljómaði þetta ekki gáfulega) ??? og alið manninn hér eða verið hér mikið telja að vatnið hafi aldrei orðið svona vatnslítið.
Rigning hefur varla komið hér í marga mánuði og lítill var snjórinn í vetur svo það er ekki nema vona að það tæmist af ,,lagernum,,
Þessi staðreynd þýðir samt ekki að ég sé að óska eftir stórum haustrigningum.
En sjón er sögunni ríkari.................þið verðið bara að sjá.
25.7.2010
25 júlí er í dag.....
Þarna er hún Fáséð frá Hallkelsstaðahlíð að klóra ónefndum bossa.
Þá er enn ein helgi sumarsins liðin og var hreint ljómandi góð, frábært veður logn og yfir 20° hiti. Ég játa góðfúslega að ég var hundfúl útí veðurfræðingana sem spáðu roki og rigningu hér á vesturlandi sem gerði það að verkum að lítið var um tjaldbúa. Ég hefði gjarnan viljað bjóða tjaldgestum uppá svona blíðu til gistingar hér í Hlíðinni.
En við fengum góða gesti og áttum skemmtilegar stundir hér í blíðunni. Grillað, spjallað og að sjálfsögðu aðeins litið á hrossin.
Stanslaus straumur gönguhópa er hér í geg og eru flestir á leið svokallaða Þriggjavatnaleið.
Greinilega mjög vinsælt að ganga á fjöll þessa dagana.
Við fengum til okkar góðan hóp af veiðimönnum á laugardaginn en þar voru á ferðinni félagar frá Styrktarfélag krabbameinssjúkra barna SKB.
Félagið hélt sumarhátíð sína á Hótel Eldborg í Laugargerðisskóla.
Takk fyrir komuna flottu krakkar og aðstandendur.
Ungdómurinn fór á djammið inní Grundarfjörð og að sögn skemmti sér bara bærilega.
Okkur bættis liðstyrkur í dag þegar hún Anne mætti til okkar, velkomin í Hlíðina Anne:)
Nú hefur eftirlitið á henni Skútu sem að ein er eftir að kasta verið aukið verulega, eins gott að ekkert fari úrskeiðis þegar dregur til tíðinda í fjölgunarmálum hjá henni.
Frá Skáney bárust þau tíðindi að Snör hefði verið sónuð fylfull svo að nú þarf að nálgast gripinn fljóttlega. Spennandi að sjá hvað kemur hjá henni næsta vor.
21.7.2010
Okkar ,,Hlíðarlöngufjörur,, og ýmislegt fleira.
Þarna sjáið þið ,,Löngufjörurnar,, okkar hér í Hlíðinni.
Og þarna sjáið þið líka ,,lönguóþekktarormana,, okkar sem halda að vatnið hafi þornað upp bara fyrir þá svo að leiðin í túnið væri greið. Mummi brunar á eftir þeim á hjólinu og sendir þau í fjallið aftur. En takið eftir þarna á sko að vera Hlíðarvatn.
Þarna eru þau alveg að sleppa í land undan þessu ,,leiðindar,, hjóli og Mumma :)
Þeir eru nú ekki margir hestahóparnir sem að hafa verið hér á ferðinni í sumar, örugglega innan við 10 % af venjulegri umferð. En hann Eggert á Bjargshóli kom hér við á sunnudaginn með stóran hóp af fólki. Hann hefur oft komið við hjá okkur og farið víða hér um slóðir en hann hefur aldrei áður riðið ,,fjörur,, við Hlíðarvatn. Þarna fer hópurinn úr Kjósinni og yfir í Kýrgrófina allt á leirum þar sem oftast er vatn og stundum ansi djúpt.
Þarna fer hópurinn yfir og styttir leiðina sína verulega og gerir hana bara skemmtilegri.
Og þarna eru þau að koma að landi að sunnan verðu við ,,vatnið,, og veiðimennirnir reyna að fanga fiska áður en vatnið hverfur.
Þann 19 júlí fór hún Tign mín og litla dóttirin Hniðja undir Alvar frá Brautarholti, bara spennandi að vita hvað kemur útúr því. Sprengja vinkona okkar frá Dunki fór líka og einnig hún Perla frá Lambastöðum. Allt hryssur sem að við þekkjum vel og fylgjumst spennt með hvað kemur undan þeim að ári.
Í gær var klárað að rúlla hér heima í Hlíðinni, þá er bara eftir að slá túnið á Vörðufelli og smá blett hér heima sem verður að fá að spretta lengur.
Allt hey sem komið er í plast er þurrt og fínt svo það verður bara gaman að gefa það í vetur.
En það á eftir að týna saman nokkuð mörg hundruð rúllur á næstu dögum.
Hún Astrid okkar á afmæli í dag en hún er nú á ferðalagi með foreldrum sínum um landið.
Innilega til hamingju með daginn Astrid vonandi hefur hann verið góður og skemmtilegur.
19.7.2010
Fjallkonur og hafpeyjar.
Jæja nú erum við farin að undirbúa leitirnar í haust.........strákar ef að þið mætið er aldrei að vita nema þið rekist á svona flotta ,,fjallkonu,, .......................en þið verðið af færa fórnir eins og sjá má á næstu mynd.
úff.............. Djúpadalsáin kannske ekki alveg jafn heit og heitipotturinn....................en hressandi..................samt.
Þetta eru nú ekki hafmeyjar, heldur meira svona ,,hafpeyjar,, afar sérstæð dýrategund.
Spurning hvort að allt fyllist í réttarstuðið við að sjá þessa ???????????? :):):)
Þessi mynd er tekin af toppi Geirhnjúks en þangað skokkuðu tvö galvösk í gær..................og fóru létt með. Geirhnjúkur er 898 m svo að þetta var góð æfing fyrir hjúin.
Við systkynin héldum systkynahitting hér í Hlíðinni um helgina sem heppnaðist alveg ljómandi vel. Nokkrir smellu sér í Gullborgarhella á laugardaginn og síðan næturgöngu í blíðunni. Alltaf svo gaman að vaka á nóttunni í góðu veðri.
Það var svo í framhaldi af honum sem að fólk fékk þetta fjallgöngu æði.
Í dag var svo tekið sund í vatninu enda hitinn 22° í forsælu.
Það þarf sko ekkert að vera að fara til útlanda ef að maður býr í Hnappadalnum......hahaha.
Hvað verður gert á morgun er spurning en örugglega eitthvað spennandi.
Svo koma fleiri myndir við fyrsta tækifæri..............
17.7.2010
Staðan á heyskapnum og vinsæla Golsa.
Þessi mynd heitir ,,til baka eftir hádegisblundinn,, þekkir einhver þessar kindur?
Þessa dagana er heyskapur í fullum gangi búið að rúlla á Melunum, Haukatungu, Kolbeinsstöðum, Rauðamel og heilmikið hér heima líka.
Annars var svo hvasst hér í dag að ekki náðist að rúlla eins og til stóð en verður vonandi gott á morgun. Allt hefur gengið samkvæmt áætlun bæði hvað varðar heyskap og bilanir, það verður líka vonandi gott á morgun eins og veðrið.
Heimalingarnir eru vinsælar skepnur en hún Golsa vermir samt örugglega toppsæti vinsældarlistans. Nú í vikunni fékk hún og hinir heimalingarnir heimsókn frá þessari fallegu dömu. Ég stóðs ekki mátið og smelli af þeim mynd.
Þess skal getið sérstaklega fyrir unga aðdáendur að hún Golsa er mikið fyrir bleikt. Takið eftir bleika ,,eyrnalokknum,, og síðan bleika pelanum, er ekki stíll yfir þessu?
Já hún Golsa er prinsessa það er á hreinu.
14.7.2010
Höfðinginn hann Hlynur.
Höfðinginn Hlynur frá Lambastöðum í léttri sumarsveiflu.
Já hann var kátur kallinn þegar tvær vaskar kellur mættu með hryssur og bættu við í safnið hans. Og að sjálfsögðu taldi hann við hæfi að sýna sig smá svona í tilefni dagsins.
Alltaf jafn ljúfur og skemmtilegur karlinn og tekur á móti manni eins og gestrisinn bóndi.
Ég færði honum Dimmu sem þarna sýnir honum að hún sé fullfær um að stjórna sjálf sýnum ,,barneiganamálum,, allavega tímasetningum.
Litli Gosasonurinn hennar er gáttaður á móttökunum sem að afi fær þá loksins þegar ,,maður,, hittir hann.
Hér er komin sátt í málinu og fjölskyldan farin að leggja drög að frekari stækkun.
Þarna er Tinna mamma hans Gosa með litlu alsystir hans sem sagt Hlynsdóttir, ekki skrítið að Lambastaðabændur hafi ákveðið að halda henni aftur undir Hlyninn.
Ekkert smá glæsileg daman.
Ég tók fullt af myndum í þessari skemmtilegu ferð og mun smella þeim inná síðuna við fyrsta tækifæri.
Vil svo bara segja ykkur frá því að hann Hlynur tekur alltaf vel á móti nýjum dömum ef að ykkur langar að halda undir kappann. Hann gefur einstaklega geðgóða og skemmtilega reiðhesta af því höfum við heldur betur reynsluna.
9.7.2010
Sporin verður að æfa..............
Heyrðu dóttir góð ég verð að segja þér að heimurinn er harður í hestamennskunni og eins gott að byrja strax að æfa sig .......sko takt og fótaburð.........sjáðu svona.........já þú verður að taka vel eftir stelpa.
........ertu ekki að taka vel eftir???...................hægri fyrst.................svo................
......þú verður að gera líka..................og upp með hægri fótinn góða..............
.....já einmitt... svo .........upp.............þetta er reyndar vinstri........nei nei skiptir ekki máli.
Þér er nú fyrirgefið litla mín þó svo að þú vitir ekki muninn á hægri og vinstri bara þriggja daga gömul.
Stjórnmálamennirnir eru ekki vissir eftir þrjá áratugi í pólitíkinni........................
Og svo æfir maður sig heima..............einn, tveir, einn, tveir.........þið vitið alltaf að hækka vægið á fetinu. Eins gott að standa sig......................
8.7.2010
Helgarútilegan og Gróa litla Glyms.
Hún er stundum skemmtileg birtan sem kemur fram þegar gengur á með dimmum skúrum.
Ég stökk út eina góðviðris nóttina og smelli af mynd.
Ég er sannfærð um blíðu nú um helgina sem verður góð bæði til útilegu og heyskapar eru þá ekki allir sáttir? Ekki má svo gleyma veiðimönnunum........
Kannske verður svo gott veður að sundsprettir verða eftirsóknarverðir ?
Þarna eru mæðgurnar Létt frá Hallkelsstaðahlíð og Gróa frá Hallkelsstaðahlíð.
Gróa er dóttir Glyms frá Innri-Skeljabrekku og ekki er nú liturinn dónalegur þó svo að ekki hafi hún orðið vindótt.
Þær mæðgur lögðu í ferðalag í dag þegar þær fóru í girðinguna til hans Sporðs frá Bergi.
Þangað fóru líka Þríhella og Hellir sonur hennar og Aldurs frá Brautarholti einnig Dimma frá Kringlu og litla Stimpilsdóttirin hennar. Dimma er dóttir Baldurs frá Bakka og var hér í tamningu og þjálfun fyrir nokkrum árum, þá gerðum við samkomulag við eigandann um að fá að halda Dimmu við tækifæri.
Nú er komið að því og verður bara spennandi að sjá útkomuna.
Mikið fleiri myndir eru vantanlegar af Gróu Glyms og félögum.
Nú er verið að rúlla niður á Melum og eins gott að Kári kallinn verði stilltur á meðan.
8.7.2010
Hvað eiga Maradonna og Þristur frá Feti sameiginlegt?
Þetta er nú ekki besta mynd í heimi en mér fannst hún passa vel við veðrið í dag.
Hér er sem sagt búið að vera hávaðarok og læti í dag eiginlega ekkert sumarveður.
Sláttur hófst hjá okkur í gær þegar Mummi brunaði niður á Mela og sló nokkra hektara.
Ekki var óhætt að hreyfa það neitt í dag en vonandi verður staðan betri á morgun.
Ég verð nú að ergja mig aðeins því við töpuðum af góða þurrkinum um daginn því varahlutir taka sér góðan tíma í ferðalög milli landa þessa dagana.
Og eins og þið vitið þá bilar oftast þegar vélarnar eru notaðar......væri samt miklu heppilegra ef það gerðist í dauðatímanum.
En nú er framundan úrvals tíð með blóm í haga....................
Ég gleymdi alveg að segja ykkur skemmtilega frétt í síðustu viku, Rák og litla Brák komu heim af suðurlandinu þann 30 júní. Og góða fréttin Rák með staðfestu þriggja vikna fyli undan höfðingjanum og töffaranum Þristi frá Feti.
Smá sárabót þar sem að ég missti Andrá mína fylfulla við honum nú í vor, eins gott að þetta fari allt saman vel.
Ég setti inn tengil á síðuna hans Þrists hér á síðunni svo að þið ættuð endilega að kíkja, einnig komst ég að því að ég hafði gleymt að setja inn tengil á síðu Félags hrossabænda.
Ég veit nú ekki hvernig ég gat gleymt því ? síða sem ég skoða alltaf sjálf........... en jú hún var í mínum uppáhalds svo þar kom skýringin.
Úr þessu hefur nú verið bætt og að sjálfsögðu kíkið þið á hana líka.
Ég verð nú að fara að segja ykkur fréttir af köppunum Þorra og Ófeigi en það er sennilega betra að vera ósyfjuð og vel upplögð þegar þær ritsmíðar hefjast.
Þeir bræður eru skemmtilegir svona yfirleitt........ hafa látið af skemmdarverkum, eru miklu hlýðnari en mótmælendur, skynsamari en Evrópusinnar og úrræðabetri en ríkisstjórnin.
Sem sagt bráð efnilegir til ýmsra verka jafnvel fjársmölunnar............
Annars sofnaði ég ekki í sófanum þetta kvöldið svo að ég verð bara að teljast nokkuð fersk, það gerir sennilega fótboltinn. Ég settist í sófann í kvöld uppfull af baráttu en var fljóttlega tjáð að átrúnaðargoðið mitt frá 1986 sjálfur Maradonna væri dottinn úr keppni.
Ég horfði sko á alla leiki á HM 1986.............vitið þið afhverju???
Ég þarf sem sagt ekki að horfa á fótbolta aftur fyrr en á næsta HM því Maradonna með Guðshöndina er farinn heim.
4.7.2010
Sveitamarkaður með traktorum, skartgripum og góðgæti.......síðan flott afmælisveisla.
Það var ýmislegt að gerast í sveitinni um helgina og margt bara ansi spennandi og skemmtilegt.
Í gær var haldinn sveitamarkaður á Breiðabliki það voru vaskar konur sem að höfðu forgöngu um viðburðinn sem tókst bara alveg ljómandi vel. Þarna var á boðstólnum varningur sem að stæðstum hluta var framleiddur í sveitinni eða hafði þangað beina tengingu.
Bara svona til að nefna eitthvað þá var á boðstólnum brauð, kökur, sultur, silungur, peysur, sokkar, vettlingar, húfur, veski, egg, gærur, blóm, kryddjurtir, skartgripir og margt fleira.
Já þið misstuð af miklu sem að ekki komu og lituð við.
Síðan var á boðstólnum kaffi og pönnukökur með skemmtilegu spjalli.
Þessar blómarósir vori í blómunum.......já og kryddjurtunum hjá henni Áslaugu.
Þarna eru sætar dömur sem voru í nytjamarkaðsdeildinni.
Lóa var með sokkaúrvalið góða......................
Hér er svo smá sýnishorn af skartgripunum, takið eftir kúluhálsmenunum þau eru úr lopa.
Sem sagt skartgripur sauðfjárbóndans.
Þarna er einn kaupandinn ansi ánægður með varninginn sinn, það eru ekki allir sem fara á sveitamarkað og koma heim með traktor og sturtuvagn..................
Fer væntanlega í hörku samkeppni við bóndann..............
Það er margar flottar hestastelpur í fríi núna og þá verður maður bara að gera eitthvað skemmtilegt eins og fara á sveitamarkað og fá sér blóm og pönnuköku.
Við erum samt vanari að hittast á hestamótum.
Þessar áttu annríkan dag.
Og þessi brosti enda ekki von á öðru hún var sko á ,,kassanum,,
Eftir sveitamarkaðinn var svo brunað í afmæli til Sigurðar bónda í Hraunholtum en hann fagnar nú 7o árum strákurinn. Af því tilefni hélt hann glæsilega veislu á Grund sínum fæðingastað.
Skemmtileg veisla og hreint frábærar veitingar takk fyrir okkur.
Svo er alltaf eitthvað að gerast í folaldamálum þann 2 júlí kastaði Spóla Otursdóttir jörpu merfolaldi og þann 3 júlí kom Tignin mín með jarpa hryssu.
Er ekki að standa mig í myndatökum þessa dagana.
Ef að þið hafið ekki tekið eftir því þá hef ég smellt inn nokkrum nýjum albúmum að undanförnu og á eftir að bæta við fleirum á næstu dögum.
29.6.2010
Sporður, Uggi og silungur......
Ef að þessi dama kynni að fara inná Worldfeng......................
...........þá væri hún að springa úr monti.........................
....eins og Rósmundur litli..............
Faðir þeirra Sporður frá Bergi fór í kynbótadóm í dag og stóð sig ljómandi vel.
Hann hlaut 8.18 fyrir byggingu, 8,28 fyrir hæfileika og aðaleinkun 8,24.
Góður árangur þrátt fyrir að pestin hafi verið að hrella hann eins og flest önnur hross.
Uggi frá Bergi er sammæðra Sporði og fór í glæsilegar tölur í dag fékk 8,73 fyrir hæfileika.
Skriða litla systir þeirra stóð sig einnig með prýði í dag kom út með um 7.90
Innilega til hamingju Bergsbændur.
Þessi getur líka verið sperrtur því faðir hans Stikill frá Skrúð fór líka í kynbótadóm í dag.
Stikill hlaut 8,38 fyrir byggingu, 8,10 fyrir hæfileika og aðaleinkun 8,21
Þann 26 júní kastaði Dimma rauðstjörnóttum hesti undan Gosa frá Lambastöðum og þann 27 júní kastaði Upplyfting rauðstjörnóttum hesti undan Gosa frá Lambastöðum.
Ég verð að fara að mynda þá kappa við tækifæri.
Ég vil nú ekki vera vanþakklát en ætla að deila því með ykkur að núna eru fædd 11 folöld hér í Hlíðinni níu hestar og tvær hryssur. Mætti að skaðlausu vera öfugt hlutfall.
Nú er sauðburði hér á bæ formlega lokið sú allra, allra síðasta bar í dag. Það var gamla Svartkolla sem lét bíða svona eftir sér, hún kom með hvíta gimbur og var bara stollt af henni.
Astrid var mjög ánægð þegar sauðburðurinn var formlega frá og mátti ekki á milli sjá hvað gladdi hana meira sauðburðarlok eða innganga í Landbúnaðarháskólann á Hvanneyri.
Nú er sem sagt stelpan á leið í Hestafræði á Hvanneyri.
Annars hefur hún staðið í ströngu að undanförnu við að verja túnið fyrir aðgangshörðum túnrollum sem svífast einskins þegar girðingar eru annarsvegar.
Hún hefur reynt ýmislegt en besta ráðið var án efa að setja upp skilti við fjölfarinn túnrolluveg......................
Já hún Astrid deyr sko ekki ráðalaus :)
Veiðin í vatninu hefur verið góð bæði í net og á stöng, hér sjáið þið einn myndarlegan sem kom á land nýlega.
Mér finnst samt bleikjan betri.
23.6.2010
Rósmundur í allri sinni dýrð.
Þetta er hann Rósmundur frá Hallkelsstðahlíð, faðir er Sporður frá Bergi og móðir Sunna frá Hallkelsstaðahlíð. Ég rölti uppí hlíð og smellti nokkrum myndum af honum og fleirum í dag.
Svolítið góð stelling hjá mér......................................
Eins gott að æfa lyftuna strax á fyrstu viku, hann er harður heimurinn.........hrekkjóttur og slægur.
Vá er ég svona flott skjóttur...................... ætli ég sé rauð eða bleikskjóttur hvað haldið þið?
Ég skemmti mér alltaf jafn vel við að skoða folöld get hreinlega gleymt mér við það.
Ætli það sé aldurinn ????
Nei sennilega ekki nema þá að það nái saman hjá mér barnaskapurinn og elliglöpin ..........................hver veit.
22.6.2010
Þessi flotti 17 júní.
Þessi mynd er tekin að morgni 17 júní þá var algjör blíða og upplag að fara í siglingu að vitja um silunganetin.
Eins og þið sjáið var ,,skipstjórinn,, flottur og alveg með Titanicstellinguna á hreinu.
Nú eru allar óköstuðu hryssurnar komnar í girðingu sem alltaf er í augsýn og því gott að fylgjast með þeim. Þær sem eftir eru að kasta eru Spóla, Skeifa, Upplyfting, Tign, Létt, Dimma og Skútan. Feður eru Glymur, Hlynur, Gosi og Sparisjóður.
Við skoðuðum stóðið í dag og enn er pestin að hrella hrossin, fer nú að verða ansi þreytandi ástand á þessu heilsufari þeirra.
21.6.2010
Karún og Kolla á sjens og litli frændi fertugur.......getur það annars verið???
Karún og Auðséð undirbúa sig fyrir svolítið langt ferðalag í dag.
Ég brunaði í dag með þær mæðgur suður á bóginn þar sem Karún á stefnumót við glæsigripinn Alvar frá Brautarholti. Ég fæ nú sennilega ekki jafn litfagurt og Auðséð en hef fulla trú á því að góður gripur sé í vændum ef að allt gengur upp.
Kolskör dóttir Karúnar fór norður í Húnavatnssýslu á laugardaginn þar sem hún hittir draumaprinsinn Arð frá Brautarholti.
Já ég hef trölla trú á þessum Öskjusonum frá Brautarholti enda búin að fá dágott sýnishorn þar sem að við eigum fimm Arðsafkvæmi komin á tamningaaldur.
Og vel á minnst svo eru tvö gullfalleg folöld hér undan Aldri frá Brautarholti.
Ég var að setja inn tengil á síðuna okkar hjá þeim Brautarholtsbræðrum endilega skoðið skemmtilega ræktun hjá þeim.
Ég er ekki ennþá búin að hafa það af að mynda Sporðssoninn hennar Sunnu en það kemur næstu daga.
Um helgina fagnaði Hrannar frændi minn nokkura tuga afmæli og hélt af því tilefni glæsilega grillveislu hér í Hlíðinni. Til stóð að veislan yrði hér niður við vatn í góðu og hlýju veðri en vegna fjölda áskoranna frá einum veislugesti var veislan flutt undir vegg og smá inn fyrir vegg hjá okkur hér í því neðra. Þó nokkuð var myndað í veislunni og er ég nú að vinna að því hörðum höndum að koma afrakstrinum hér á síðuna undir flipann albúm.
Þegar saman leggst tæknikunnátta mín og ,,handsnúið,, netsamband þá verðið þið bara að sýna biðlund. Á meðan getið þið líka séð fyrir ykkur hvernig ég mála rautt merki á þær sem illa þola birtingu.
Þarna eru þau hjónakornin og að sjáfsögðu í þessum fínu lopapeysum, ekki spyr ég að eftir alla sauðfjársamveruna í vor. Ég var líka fljót að taka eftir því að dálæti Hrannars á sérstöku fjárkyni hér á bæ endurspeglast mjög skírt í litavali á peysunum. Auðvita mórautt:)
Við höfðum ákveðið það fyrir löngu að gefa Hrannari hestaferð í afmælisgjöf og var það gert en ég verð þó að játa að tilfinningin er svolítið eins og að gefa pínu litla gjöf í risapakka......
Hefði verið skemmtilegra að hafa hestana við hestaheilsu og geta sagt ,,það er sko þennan dag, klukkan þetta sem þú átt að mæta góurinn,,
En ekki ,,við vonum nú að þetta verði í sumar,, sko ................fyrir réttir.
Hún Astrid (daninn okkar) var heldur betur kát í dag þegar hún fékk jákvætt svar við umsókn sinni um skólavist í Landbúnaðarháskólanum á Hvanneyri.
Það var stiginn villtur stríðsdans með tilheyrandi hljóðum.
Til hamingju Astrid.
18.6.2010
Bræður.............
Þessi mynd heitir ,,bræður,, þarna eru þeir Kostur og Mói Sparisjóðssynir að æfa sporin daginn eftir geldingu. Samstíga en svolítið slappir.
Það er búið að vera dýrðlegt veður undanfarna daga ekki alltaf sól en algjör blíða og eins og maður hefur svo oft hugsað síðustu vikurnar flott útreiðaveður............
Folöldin stækka og bumban á óköstuðu hryssunum stækkar líka, bara spennandi.
Tvær kindur eru eftir að bera og eru að verða svolítið þreytandi enda ættu þær að vera löngu komnar út. En þar sem vandamála gripir eru enn inni þá munar ekki um þær.
Annars kom Astrid með góða hugmynd um daginn sem að toppar söguna um bóndann sem skaut alltaf kindina sem átti að bera síðast því hann nennti ekki að bíða eftir henni.
Hún vildi bara keyra þessar sem eftir voru inní Stykkishólm til Rúnars dýralæknis og panta keisaraskurð á þær. Ekki slæm hugmynd......allavega ekki að öllu leiti.
Vel veiðist í vatninu bæði í netin og eins á stöng nú ætlar húsfreyjan að gerast myndarleg og prófa að grafa bleikju. Veit að það er gott en hlýtur samt að verða enn betra ef að maður getur montað sig af því að hafa gert það sjálfur. Annast finnst mér silungurinn bara bestur soðinn með kartöflum og smjöri.
Svo eitt í lokin............ gaman væri nú ef að þið smelltuð nafninu ykkar í gestabókina.
Þá finnst mér þið líka svolítið nær mér svona eins og þið hafið komið í alvöru heimsókn.
16.6.2010
Í fréttum er þetta helst..........
Gosi vill hafa stjórn á sínum dömum...........ekkert ,,rauðsokkukjaftæði,, hér góða.
..................og stoppa svo..................... þegar ég vil..................góða.
Já Gosi er kátur þessa dagana enda alltaf að bætast við í hryssuhópinn hjá honum.
Eins og áður hefur komið fram hér á blogginu þá týndist hún Viðja í fyrra og var að ,,heiman,, frá október 2008 þangað til haustið 2009. Byrjað var að temja Viðju í vetur og gekk bara ljómandi vel þangað til það kom í ljós að hún var ekki ,,hryssa einsömul,,
Þann 13 júní kastaði hún svo fallegum mósóttum hesti sem er með einn hvítan leist á aftur fæti. Eins og staðan er í dag þá er þessi flotti hestur föðurlaust einbirni, rannsókn er hafinn og verður sennilega nokkuð umfangsmikil. Líklega mun ég þó frekar leita til þeirra heiðursbænda Gests á Kaldárbakka og Halldórs í Syðstu Görðum frekar en sérstaks saksóknara við rannsókn málsins.
Hún Tryggð kastaði bleikblesóttu hestfolaldi undan Hlyn frá Lambastöðum þann 14 júní.
Sá blesótti á albróðir sem reyndar er brúnblesóttur svo að þetta er bara kærkominn litur í safnið.
Hann var svolítið feiminn að sýna ykkur blesuna sína en gerir það örugglega þegar hann hefur fengið nafn.
Sunna kastaði svo í morgun og átti rauðskjóttan hest undan Sporði frá Bergi, myndir af honum koma við fyrsta tækifæri.
Þann 14 júní fórum við með Snör að Skáney þar fór hún undir stóðhestinn Soldán frá Skáney sem er sonur Aðals frá Nýja-Bæ og Nútíðar frá Skáney.
Folinn er stórmyndarlegur og algjör höfðingi í lund ekki skemmir svo Skáneyjarprúðleikinn útlitið.
Randi og Haukur færðu Sveinbirni frænda mínum þennan folatoll í afmælisgjöf í vor.
Í sömu ferð fórum við með þrjá ungfola í girðingu uppað Kistufelli í Lundareykjadal.
Þetta voru þeir Léttlindur Hróðsson, Blástur Gustsson og Kátur litli Auðsson.
Smelli inn myndum af þeim síðar.
16.6.2010
Gosi og dömurnar.
Nú er Gosi frá Lambastöðum (Is2001138455) farinn að taka á móti hryssum hér í Hlíðinni, hann hefur verið í fríi frá því í byrjun maí vegna hestaveikinnar.
Gosi er einstaklega geðgóður stóðhestur og alltaf tilbúinn að taka á móti nýjum hryssum í girðinguna sína.
Hann var þó eldhress eins og þið getið séð á myndbandinu sem hér fylgjir með þegar hann fór út.
Endilega smellið á myndina hér fyrir neðan til að skoða.
Gosi er einstaklega geðgóður stóðhestur og alltaf tilbúinn að taka á móti nýjum hryssum í girðinguna sína.
Hann var þó eldhress eins og þið getið séð á myndbandinu sem hér fylgjir með þegar hann fór út.
Endilega smellið á myndina hér fyrir neðan til að skoða.
Horfa á myndband
15.6.2010
Föðurættarhittingur.
Um helgina hittumst við flestir afkomendur Kjartans afa 0g Ástu ömmu sem að bjuggu í Haukatungu. Það var gaman að koma saman hér í Hlíðinni spjalla, veiða, grilla og hlæja........
Hér á myndinni eru sex afkomendur.................sjáið þið svip????
F.v Gunnar, Skúli, Sigrún, Einar Oddur, Jóhann, Guðrún Hildur, Ragnheiður, Halldór, Ásta, Guðmundur Margeir og Þórhildur................hinir voru að veiða og borða þegar myndin var tekin.
Þessir voru spekingslegir Mummi og afabróðir hans Jóhann Kjartansson.
Þessar voru sko hressar að vanda..............Ásta og Dunna.
Þessir frændur tóku lagið ásamt fleirum...............Mummi og Einar Oddur.
Aðeins meira stuð....................
Sæta frænka mín að gefa heimalingunum.
Þessi veiddu í matinn.........Birta, Gunnar og Mummi.
Og hér eru það kastæfingarnar............................
Nokkrar myndir hér í lokin koma frá henni Dunnu frænku.............takk Dunna mín.
Já þetta var skemmtileg helgi og vel heppnuð í alla staði, takk fyrir komuna ættingjar og vinir.
Svo verður þetta að sjálfsögðu endurtekið næsta sumar.
11.6.2010
Af.....stóðhestum, herraklippingum og silungum.
Auðséð mín í sólbaði.
Í gær voru framkvæmdar nokkrar ,,herraklippingar,, það var að sjálfsögðu Rúnar Gíslason dýralæknirinn okkar sem sá um það eins og venjulega.
Með öðrum orðum hann geldi hér fimm veturgamla fola þá Kost, Móa, Hóf, Loga og Dimmir.
Kátur litli Auðsson fær enn um sinn að halda sínu.
Nú fara veturgömlu tryppin að fara til fjalla og læra góða siði hjá þeim sem eldri eru.
Í gær kom líka rigning sem að nú telst til frétta hér um slóðir en mikið var hún kærkomin.
Þyrftum helst að fá svolítið meira af henni en samt ekki um heyskapinn.
Feðgarnir lögðu silunganet í fyrra dag og hafa fengið ljómandi afla meira að segja einn rúmlega 4 punda urriða og margar úrvals bleikjur. Myndir væntanlegar við fyrsta tækifæri.
Sparisjóður, Gosi og Hlynur eru byrjaðir að taka á móti hryssum, smelli inn frekari upplýsingum í kvöld.
7.6.2010
Blíðan og fleira..............
Þetta er hann Hellir litli Aldursson sem naut þess að slaka á í sólinni.
Bráðlát kastaði jarpstjörnóttu hestfolaldi þann 5 júní faðirinn er Stikill frá Skrúð.
Næst er að finna gott nafn á gripinn kannske það verði bara Fúsi hver veit ????
Hér eru Bráðlát og Stikilssonurinn ég smelli fljótlega inn betri myndum....... varð batterílaus.
Veðrið hefur verið yndislegt hér í Hlíðinni síðustu daga 20 stiga hiti sól og logn.
Gestirnir eru komnir á tjaldstæðin og veiðimennirnir mættir á bakkann allt að verða sumarlegt.
Hér er bara girt, gert og græað eins gott að nota tímann vel á meðan hrossin eru að jafna sig.
Skrítið að vera ekki að þjálfa á fullu núna í þessari blíðu:(
Núna eru bara 8 kindur eftir að bera og stór hluti af fénu er komið í fjallið þannig að þetta er alveg að verða búið. Alltaf er maður nú jafn feginn þegar blessaður sauðburðurinn er búinn.
Launaskerðingin okkar rölltir hér um sveitir að mestu óáreytt, glottir útí annað, blessar kreppuna og pólutíska friðunarsinna. Lág samt ein í valnum hér fyrir stuttu en nóg er eftir samt, vonandi eru ,,gömlu,, skytturnar hér um slóðir ekki alveg búnar að leggja upp laupana.
Já lambakjöt er gott það get ég tekið undir.
4.6.2010
Í útilegu...........bara uppá grín.
Bara að rifja upp fyrir ykkur að við erum með tjaldstæði hér í Hlíðinni, lúxusinn felst í vatnskósetti, veiði og svo að sjalfsögðu eru friðurinn, róin og blíðan á staðnum.
Og veiðin..................bleikja og urriði.
Og stemmingin............
Kannske bara sjáumst við ???????
31.5.2010
Landsmóti frestað og Rák hittir Þristinn.
Jæja þá er loks komin ákvörðun um að fresta Landsmóti hestamanna um eitt ár erfið en skynsamleg ákvörðun eins og staðan er um þessar mundir.
Þetta eru erfiðir tímar fyrir alla hestamenn, tjónið mikið og engan veginn allt komið í ljós.
Ég sat formanna fund hjá LH síðast liðinn föstudag þar sem þessi mál voru rædd og síðan fund hjá Sjávarútvegs og Landbúnaðarráðuneytinu í dag þar sem þessi ákvörðun var endalega tekin. Á fundinn mætti samráðshópur hagsmunaaðila um LM 2010 sem áður fundaði þann 21 maí s.l hópurinn var sammála um þessa ákvörðun. Sameiginlega yfirlýsingu getið þið séð á hestamiðlunum einnig bendi ég á yfirlýsingu frá Félagi tamningamanna sem ég birti hér á blogginu fyrir nokkru.
Nú er bara að snúa bökum saman fara varlega og reyna með því að lágmarka tjónið eins og unnt er. Í erfiðleikunum felast oft tækifæri sem erfitt er að koma auga á meðan mesti skellurinn gengur yfir. Vonandi gengur þetta fljótt yfir og hver veit nema í þessum erfiðleikum felist tækifæri handan við hornið sem að við höfum ekki ennþá komið auga á.
Nú stefnum við á Vindheimamela næsta sumar og eigum þar saman gott landsmót.
Þá er komið að daglegu dundi hér í Hlíðinni.
Rák og litla Brák dóttir hennar fóru suður á land í gær, tilgangur ferðarinnar var að hitta hann Þrist frá Feti. En hún Andrá mín sem að ég missti um daginn var einmitt með fyli undan honum. Svo að þetta er tilraun númer tvö við að fá gæðingsefni undan Þristi og núna heppnast það vonandi vel.
Sauðburðurinn er farinn að síga vel á seinni hlutann og bara 16 kindur eftir að bera. Hér hefur verið markað og sleppt af miklum móð að undanförnu.
Langt er komið að bera á en fjárfjöldinn á hluta túnanna tefur svolítið fyrir, klárast vonandi í vikunni.
28.5.2010
Folöld.........
Jæja þá er það smá sýnirhorn af fæddum folöldum hér í Hlíðinni.
Þetta er hryssan Auðséð frá Hallkelsstaðahlíð faðir er Sporður frá Bergi og móðir Karún frá Hallkelsstaðahlíð. Fyrir á ég tvær skjóttar hryssur sem að heita Fáséð og Sjaldséð svo að þetta nafn var nokkuð sjálfsagt í Skjónusafnið. Auðséð fæddist 22 maí.
Hér er Hellir frá Hallkelsstaðahlíð hann er undan Aldri frá Brautarholti og Þríhellu frá Hallkelsstaðahlíð. Hann var svolítið feiminn og frekar lítið fyrir myndatökur.
Þá er hér næstur Kalsi frá Hallkelsstaðahlíð faðir er Aldur frá Brautarholti og móðir Kolskör frá Hallkelsstaðahlíð. Hann var nokkuð efnileg fyrirsæta allavega miðað við aldur, menntun og fyrri störf..............hann fæddist í morgun.
Þetta er Brák frá Hallkelsstaðahlíð faðir er Piltur frá Sperðli og móðir Rák frá Hallkelsstaðahlíð. Brák og Hellir fæddust bæði þann 25 maí.
Og þá er það ,,folaldakóngurinn,, sem enn hefur ekki fengið nafn, hann er undan Ramma frá Búlandi og Snör frá Hallkelsstðahlíð. Á næstu dögum verður unnið markvisst í nafnavali.
Þessar myndir voru teknar svona á hlaupum en vonandi verð ég dugleg að mynda þessa gripi í sumar.
Hér hefur verið líflegt í sauðburði og ekki margar kindur eftir að bera. Ört fækkar í fjáhúsunum og þann 24 maí fóru fyrstu kindurnar út úr túninu til fjalla.
Við höfum verið heppin og fengið mikla og góða aðstoð við sauðburðinn bæði innan og utandyra, daga og nætur. Sendum okkar bestu þakkir og kveðjur til allra þeirra sem að hafa lagt okkur lið í fjárhúsunum, í eldhúsinu og bara hvar sem er.
Án ykkar værum við ennþá hrukkóttari, baugóttari, tættari............og bara enn ljótari:)
Kærar þakkir fyrir alla hjálpina.
Það eru mörg járn í eldinum þessa dagana..............
Á morgun fer ég á fund með formönnum hestamannafélaganna þar á að ræða þá stöðu sem upp er komin vegna hestapestar og varða landsmót.
27.5.2010
Yfirlýsing frá FT
Félag tamningamanna lýsir yfir áhyggjum vegna þeirrar stöðu sem er upp er komin varðandi smitandi kvefpest í hrossum. Þar sem ekki hefur tekist að greina veiruna eru afleiðingar pestarinnar enn óljósar og hún virðist þrálát og erfið viðureignar. Því vill Félag tamningamanna hvetja hesteigendur til að huga fyrst og fremst að velferð hrossa sinna og hafa hag hestsins ávallt að leiðarljósi.
FT hvetur félagsmenn sína og alla hestamenn til að fara varlega hvað þjálfun hrossa varðar og flýta sér hægt enda dæmi um hörmulegar afleiðingar ef of snemma er farið af stað. Samkvæmt siðareglum FEI, sem er alþjóðlegt stjórnvald hestaíþrótta og Landssamband hestamannafélaga er aðili að, skal velferð hestsins ætíð vera í fyrirrúmi. Í siðareglum FEI/LH segir m.a. að "á öllum stigum undirbúnings og þjálfunar keppnishrossa skal velferð hrossins hafa forgang fram yfir allt annað" og FEI geri þær kröfur að " allir þeir sem taka þátt í alþjóðlegum hestaíþróttum fari að siðareglum FEI og viðurkenni og virði öllum stundum að velferð hestsins skuli alltaf hafa forgang fram yfir keppnis-eða auglýsingakröfur." Um aðbúnað og þjálfun segir svo "Hesthús, fóðrun og þjálfun skulu uppfylla kröfur um góða meðferð hrossa og mega ekki stefna velferð þeirra í tvísýnu. Allt sem orsakað getur andlegar eða líkamlegar þjáningar, í keppni eða utan hennar verður ekki liðið" og "Hross skulu ekki vera þjálfuð á þann hátt að það stefni líkamlegri eða andlegri getu og/eða þroska í voða." Þessar reglur er rétt að hafa í huga í ljósi núverandi aðstæðna og muna alltaf að hafa hagsmuni hestsins í fyrsta sæti.
FT hefur miklar áhyggjur af afkomu tamningamanna um þessar mundir og hvetur fólk til að huga vel að hrossum svo lágmarka megi skaðann og hægt verði að vinna sig út úr þessum vanda sem fyrst.
Stjórn FT hvetur sína félagsmenn til að hafa samband og kynna sín sjónarmið þannig að stjórnina geti sem best beitt sér í þeirra þágu.
Einnig minnir Félag tamningamanna á reglur um smitvarnir, en þær má m.a. skoða á heimasíðu Matvælastofnunar, www.mast.is. Gríðarlega mikilvægt er að hestamenn sem ferðast á milli landa til vinnu eða samskipta við hross fylgi reglum um smitvarnir ítarlega. Ekki síður að hestamenn og ferðaþjónustuaðilar hér á landi fræði viðskiptavini sína um þessar reglur. Heilbrigði íslenska hrossastofnsins er í húfi.
Stjórn Félags tamningamanna.
23.5.2010
Karún mín köstuð.
Nú er kella kát...............Karún mín eignaðist skjótta hryssu í kvöld undan Sporði frá Bergi.
Þarna er sú litla að æfa jafnvægið í rökkrinu aðeins hálftíma gömul.
Já það má segja að það skiptist á skin og skúrir í hestamennskunni fyrir stuttu síðan missti ég Andrá sem var undan Karúnu og Hljómi frá Brún mikla uppáhaldshryssu. Hún fannst dauð út í haga alveg komin að köstun með fyli undan Þristi frá Feti.
Nú er bara að krossa fingur og vona að allt gangi vel með þessa flottu hryssu.
Fyrir á Karún Andrá sem ég missti, Kolskör, Hlátur, Glundroða, Sparisjóð, Jarp og Kát.
Næst er að finna nafn annars hét minn fyrsti hestur Skjóna svo það er spurning hvað ég geri?
20.5.2010
Frambjóðendur í Lindartungu.
Eins og þið hafið tekið eftir þá hefur ekki verið mikill tími aflögu til að setjast við skriftir að undanförnu. En nú kemur smá skammtur............................
Á mánudagskvöldið brunaði ég á fund í Lindartungu, þar voru frambjóðendur allra flokka að kynna sín baráttumál. Fundurinn var frekar fámennur enda strembið að fá frí hjá rollunum á þessum tíma. Svo getur nú líka hugsast að áhugi manna hér í sveit á því að kjósa sé ekki eins mikill og við ætti að búast.
Frambjóðendur gerðu sitt besta við að koma sínum málum á framfæri en það ,,besta,, var nú annsi misjafnt. Ég fékk svolítið á tilfinninguna að sumir þyrftu á svo sem einum landafræði tíma að halda og ekki hefði skemmt fyrir að fara aðeins yfir um hvað landbúnaður og búseta í sveit snýst um. Það skiptir máli að sýna lit og reyna að skilja blessaðan kjósandann eftir með smá von um skilning og áhuga.
Eitt verð ég þó að játa að djöf..... fór það í taugarnar á mér að ennþá sé verið að hamra á röngum tölum og samanburði vegna reksturs Laugargerðisskóla. Hvers eigum við hér fyrir vestan að gjalda og hvernig í lífinu stendur á að nefndarmenn sem að unnu að þessum málum og vita mæta vel að þessi samanburður var ekki réttur þegja?
Ég trúi og vona að úr því sem komið er komi Eyja og Miklaholtshreppur til með að reka skólann með glæsibrag. Því tel ég afar mikilvægt fyrir samfélagið hér að við stöndum með þeim og tryggjum að skólahald verði áfram í Laugargerði.
Sameiningamál voru líka rædd á fundinum en til að drepa ykkur ekki úr leiðindum ætla ég ekki að fara nánar út í þá sálma. Ætla þó að segja að ég var alltaf á móti sameiningu þrátt fyrir að hafa búið um langt skeið í Borgarnesi og vera afar vel til Borgnesinga og Borgfirðinga.
Hljóðið var mjög þungt í fundarmönnum og kom meira að segja fram að sumir vildu stíga skrefið til baka. Litlar sem engar efndir og stórauknar álögur.
Þar sem ekki er aftur snúið þá tel ég mikilvægt að reyna með öllum ráðum að sporna við því að enn frekari gjá myndist á milli þéttbýlis og dreifbýlis. Við erum jú öll ágæt:)
Ég vil þakka frambjóðendum fyrir að koma og hitta okkur í Lindartungu það er erfitt að takast á við sveitastjórnarmál um þessar mundir og full ástæða til að taka ofan fyrir þeim sem að gefa tíma og mannorð í þágu okkar allra.
Að lokum.... ég var ánægð með mitt fólk og þá sérstaklega Sveinbjörn sem að enn hefur þennan ákveðna vilja til að leggja sig fram og gera vel, þó með ákveðnum léttleika í bland.
Hljómar svolítið eins og umsögn um gæðing...........................................
Á mánudagskvöldið brunaði ég á fund í Lindartungu, þar voru frambjóðendur allra flokka að kynna sín baráttumál. Fundurinn var frekar fámennur enda strembið að fá frí hjá rollunum á þessum tíma. Svo getur nú líka hugsast að áhugi manna hér í sveit á því að kjósa sé ekki eins mikill og við ætti að búast.
Frambjóðendur gerðu sitt besta við að koma sínum málum á framfæri en það ,,besta,, var nú annsi misjafnt. Ég fékk svolítið á tilfinninguna að sumir þyrftu á svo sem einum landafræði tíma að halda og ekki hefði skemmt fyrir að fara aðeins yfir um hvað landbúnaður og búseta í sveit snýst um. Það skiptir máli að sýna lit og reyna að skilja blessaðan kjósandann eftir með smá von um skilning og áhuga.
Eitt verð ég þó að játa að djöf..... fór það í taugarnar á mér að ennþá sé verið að hamra á röngum tölum og samanburði vegna reksturs Laugargerðisskóla. Hvers eigum við hér fyrir vestan að gjalda og hvernig í lífinu stendur á að nefndarmenn sem að unnu að þessum málum og vita mæta vel að þessi samanburður var ekki réttur þegja?
Ég trúi og vona að úr því sem komið er komi Eyja og Miklaholtshreppur til með að reka skólann með glæsibrag. Því tel ég afar mikilvægt fyrir samfélagið hér að við stöndum með þeim og tryggjum að skólahald verði áfram í Laugargerði.
Sameiningamál voru líka rædd á fundinum en til að drepa ykkur ekki úr leiðindum ætla ég ekki að fara nánar út í þá sálma. Ætla þó að segja að ég var alltaf á móti sameiningu þrátt fyrir að hafa búið um langt skeið í Borgarnesi og vera afar vel til Borgnesinga og Borgfirðinga.
Hljóðið var mjög þungt í fundarmönnum og kom meira að segja fram að sumir vildu stíga skrefið til baka. Litlar sem engar efndir og stórauknar álögur.
Þar sem ekki er aftur snúið þá tel ég mikilvægt að reyna með öllum ráðum að sporna við því að enn frekari gjá myndist á milli þéttbýlis og dreifbýlis. Við erum jú öll ágæt:)
Ég vil þakka frambjóðendum fyrir að koma og hitta okkur í Lindartungu það er erfitt að takast á við sveitastjórnarmál um þessar mundir og full ástæða til að taka ofan fyrir þeim sem að gefa tíma og mannorð í þágu okkar allra.
Að lokum.... ég var ánægð með mitt fólk og þá sérstaklega Sveinbjörn sem að enn hefur þennan ákveðna vilja til að leggja sig fram og gera vel, þó með ákveðnum léttleika í bland.
Hljómar svolítið eins og umsögn um gæðing...........................................
15.5.2010
Þessi græni dagur....................
Viðburðaríkur dagur langt kominn þó engan veginn búinn...... kindurnar sjá til þess.
Það var rok í Hlíðinni í dag og því ekkert markað út vont fyrir litlu greyin að lenda í roki fyrst á eftir. En það var afar líflegt í fjárhúsunum og kindurnar báru hver af annari komust meira að segja uppí 30 fyrir hádegi. Eins gott að hafa góða aðstoð sem er liðtæk í öllu þessu stússi.
Um hádegið kom hér fríður flokkur frambjóðenda vinstri grænna og þar sem að ég treysti mér ekki til að gefa þeim atkvæði mitt ákvað ég að gefa þeim þess í stað að borða. Á borðum var grjónagrautur og slátur sem þau kunnu bara vel að meta. Allavega held ég að þetta hafi farið mun betur í þau en atkvæðið mitt. Já allt er vænt sem vel er grænt.....................
Takk fyrir komuna alltaf gaman að fá góða gesti og ekki verra ef að það eru frambjóðendur á ferð.
Nú bíð ég bara eftir fleiri frambjóðendum...................
Fyrsta folaldið leit dagsins ljós í gær þegar hún Snör kastaði bleikálóttum hesti undan Ramma frá Búlandi. Þetta folald er afrakstur happadrættisvinnings sem að ég vann í fyrra á miða sem ég verslaði af Húnvetningum. Bara spennandi og nú fer ég að huga að góðu nafni á gripinn. Nokkrar hryssur eru að komast að köstun svo að nú er um að gera að fylgjast með.
Myndatökur eru á dagskrá en hafa bara ekki komist í verk ennþá.
14.5.2010
Þessi dauði tími............
Það var margt sem að húsfreyjan ætlaði að gera í dauða tímanum í dag en dauði tíminn var bara týndur. Ég var að koma heim úr fjárhúsunum eftir ansi líflegan dag lambanúmerin eru komin í rúmlega 300 stykki og virðist eins og staðan er núna vera verkefnið endalausa. En frábært að fá sem allra flest lömb og enn sem komið er hefur gengið vel enda úrvala lið í öllum hornum. Í dag fór þónokkur hópur af lambfé út en ég var með samviskubit á eftir því það kom hellidemba og hitinn fór niður í 3 stig.
En eins og ég hef stundum sagt það sem ekki drepur það herðir.
Ég renndi lauslega yfir árangurinn í sæðingunum hér á bæ og var bara kát þegar ég sá að það hefur haldið 90% við Rafti, nánari útlistun kemur síðar.
Úr hesthúsinu er það að frétta að nefrennslið er enn í gangi og stöku hósti heyrist svo að allir eru í fríi og fá að fara út að viðra sig þegar ekki rignir með kulda eins og í dag.
Folaldshryssurnar eru komnar í gæslu þær sem eru komnar á tíma og nú er bara að bíða og sjá hver verður nú fyrst þetta árið.
Á morgun er nýr dagur sem að öllum líkindum flýgur hratt eins og bræður hans og vinir.
Ég ætla að nota dauða tímann í eitthvað gáfulegt en sennilega þarf ég ekki að hafa áhyggjur af því....................frekar en í dag.
En eins og ég hef stundum sagt það sem ekki drepur það herðir.
Ég renndi lauslega yfir árangurinn í sæðingunum hér á bæ og var bara kát þegar ég sá að það hefur haldið 90% við Rafti, nánari útlistun kemur síðar.
Úr hesthúsinu er það að frétta að nefrennslið er enn í gangi og stöku hósti heyrist svo að allir eru í fríi og fá að fara út að viðra sig þegar ekki rignir með kulda eins og í dag.
Folaldshryssurnar eru komnar í gæslu þær sem eru komnar á tíma og nú er bara að bíða og sjá hver verður nú fyrst þetta árið.
Á morgun er nýr dagur sem að öllum líkindum flýgur hratt eins og bræður hans og vinir.
Ég ætla að nota dauða tímann í eitthvað gáfulegt en sennilega þarf ég ekki að hafa áhyggjur af því....................frekar en í dag.
12.5.2010
Sauðburðarkveðskapur.
Þarna sjáið þið lambakónginn og drottninguna þau voru að sjálfsögðu fyrstu lömbin til að fara út og það var sem sagt í gær. Í dag byrjaði svo fjörið og ég markaði nokkuð stóran hóp sem nú er kominn út að smakka á græna grasinu.
Sauðburðurinn hefur farið vel af stað (sjö níu þrettán) og allt innan eðlilegra marka ennþá.
Nú er allt komið í fastar skorður og vaktirnar farnar að ganga smurt en rosalega er nú samt skrítið að vera ekkert að ríða út á þessum tíma. Mummi hefur séð um hesthúsið og fylgjist grant með heilsufarinu. Vonum að pestin fari að ganga yfir svo að allt fari að færast í venjulegt horf. Á samt erfitt með að sjá fyrir mér hvernig landsmót kemur til með að vera en nánar um það síðar.
Eins og áður sagði eru vaktirnar farnar að rúlla og höfum við eins og stundum áður fengið hjálp góðra manna. Smalarnir okkar þeir Hrannar og Pétur hafa vakað síðustu nætur og hafa leyst vökuverkefnið af stakri prýði. Gist í því efra og stundum verið þar í mat líka. Það hefur verið hefð undan farin ár að vaktirnar hafa skipst á kveðskap og er það eins núna.
Í morgun var þessi vísa á töflunni.
Vorið það kemur og veturinn fer
um víðáttur ungviði skokka.
Rollurnar lömbunum ryðja úr sér
og Ragnar og Sveinbjörn þeir kokka.
Fyrir nokkrum dögum átti Pétur afmæli þá kom þessi sending frá ,,vökuvininum,,
Fertug tala á fantinum.
Fellur eystra askan.
Kaldur er á kanntinum.
Hvar er vodkaflaskan?
Já það er spennandi að sjá hvað verður á töflunni í fyrramálið.
10.5.2010
Mótorhjólapæja af bestu gerð..............
Ha ha þarna náði ég fjórhjólinu..............................
.............ummmmmm hver á ég nú að fara ?????????
ussssssssssss.............er nokkur að fylgjast með mér ?????
Ég er nú samt svolítið syfjuð...................................
Og nú set ég í gang.........................vííííííí.............................
Og bruna í bæinn............................................
9.5.2010
Hestapest, sauðburður og straumar........
Eins og hjá vel flestum hestamönnum er hestapestin komin til okkar þannig að orð dagsins hafa að undanförnu verið ,,hor og nefrennsli,,
Við hættum að ríða út um leið og við urðum vör við pestina og ætlum að sjá til hvernig þetta þróast allt saman. Eins gott að taka enga óþarfa áhættu og fara varlega með hrossin.
Mummi tók seinna verknámsprófið í síðustu viku og gekk bara vel enda eins gott að klára það af áður en að allir hestarnir yrðu lasnir.
Það er skrítið að vera ekki að ríða út á fullu á þessum tíma, veðrið yndislegt og vorið komið.
Klárlega skemmtilegasti tíminn.
En við höfum svo sem nóg að gera sauðburður að hefjast og endalaus verkefni þar.
Núna eru rúmlega 20 kindur bornar og allt gengið þokkalega nokkur álitleg afkvæmi Rafts, Ats og Grábotna hafa litið dagsins ljós. Nú skilja bara þeir sem eru á kafi í sauðfjárræktinni.
Sindri Kveiksson sem að ég hef sagt ykkur frá bíður þess nú að verða ábyrgur faðir......
..................það gerir líka Mókollur Mókollsson besti vinur Sindra, úti bíður sumarið með löngu og dýrðlegu feðraorlofi alveg fram í desember.
Annars voru allir eldri hrútarnir settir á Hafurstaðatúnið í dag en þessir ungu félagar fá að vera aðeins lengur inni.
Hún Fáséð litla heimalingurinn frá því í fyrra tilheyrir flokknum ,,geldir gemsar,, sem að enn fær að vera inni. Hvort að flokkurinn mun bjóða fram í næstu kostningum er enn á huldu en spekingsleg er hún Fáséð það er ekki spurning.
Það mætti ungur aðstoðarmaður í húsin um helgina hér er hann að gefa gömlu Feru góðgæti.
Já það er í nógu að snúast og vaktirnar að komast í gang nú er bara að vona að veðri haldist gott svo að fljóttlega sé hægt að sleppa út lambfé.
Ég hugsa mikið til bændanna sem eru nú á kafi í sauðburði og öðrum bústörfum með öskuna eins og dökk ský allt í kring, hlýtur að vera skelfilegt. Sendi þeim mína bestu strauma.
Að lokum ég veit ekki hvað ég á að segja um straumana sem að ég sendi ríkisstjórninni sem að nú ræðir breytingar á ráðuneytum m a breytingar á Sjávarútvegs og landbúnaðarráðuneytum.........................það er allavega ekki mínir ,,bestu,, straumar þeir fara á öskuslóðir..................................
5.5.2010
Vorveðrið góða.
Stundum fær maður það sem óskað er, núna er t.d rigningarúðinn, þokan og vorveðrið sem að ég óskaði mér. Já ég vildi fá vætu og sprettutíð svona áður en sauðburðurinn fer á fullt.
Væri nú óskandi að hægt yrði að sleppa lambfénu sem fyrst út á góðan gróður.
Sauðburðurinn fer að hefjast fyrir alvöru nú um helgina enda er allt að verða tilbúið.
Astrid (brjálaði daninn okkar) komin heim úr fríinu og Lalli mættur á svæðið.
Það voru 47 kindur sæddar þær eiga að bera fyrst og nú er bara að krossa fingur og vona að árangurinn verði góður.
Í dag var fundadagur hjá mér fyrst var það fundur í Umhverfis og landbúnaðarnefnd Borgarbyggðar þar höfum við þrír sveitungar setið sem fulltrúar okkar flokka.
Í dag var væntanlega síðasti fundur þessarar nefndar á kjörtímabilinu og því líklegt að okkar tími sé liðinn. En kannske gerist það ólíklega að okkar tími muni aftur koma. Það hefur stundum skeð að einhvers tími hafi komið aftur hvort sem það hefur nú verið til góðs eða ekki. Það virðist endalaust vera hægt að ,,lappa,, uppá stjórnmálamenn þrátt fyrir slæma meðferð almennings og minnkandi traust.
Síðan átti ég smá skrepp inná fund hjá sveitarstjórn Eyja og Miklaholtshrepps, bara gaman að hitta sveitunga mína í þeirri sveit.
Væri nú óskandi að hægt yrði að sleppa lambfénu sem fyrst út á góðan gróður.
Sauðburðurinn fer að hefjast fyrir alvöru nú um helgina enda er allt að verða tilbúið.
Astrid (brjálaði daninn okkar) komin heim úr fríinu og Lalli mættur á svæðið.
Það voru 47 kindur sæddar þær eiga að bera fyrst og nú er bara að krossa fingur og vona að árangurinn verði góður.
Í dag var fundadagur hjá mér fyrst var það fundur í Umhverfis og landbúnaðarnefnd Borgarbyggðar þar höfum við þrír sveitungar setið sem fulltrúar okkar flokka.
Í dag var væntanlega síðasti fundur þessarar nefndar á kjörtímabilinu og því líklegt að okkar tími sé liðinn. En kannske gerist það ólíklega að okkar tími muni aftur koma. Það hefur stundum skeð að einhvers tími hafi komið aftur hvort sem það hefur nú verið til góðs eða ekki. Það virðist endalaust vera hægt að ,,lappa,, uppá stjórnmálamenn þrátt fyrir slæma meðferð almennings og minnkandi traust.
Síðan átti ég smá skrepp inná fund hjá sveitarstjórn Eyja og Miklaholtshrepps, bara gaman að hitta sveitunga mína í þeirri sveit.
4.5.2010
Sennilega væri gaman að vera Lionessa?
Það var föngulegur hópur Lionskvenna sem mætti í heimsókn til okkar á laugardaginn.
Trausti bóndi í Skógarnesi var með þeim í för og var ferðinni heitið til hans eftir heimsóknina til okkar.
Hópurinn skoðaði í fjárhúsin og hesthúsið hjá okkur en svo var sötrað saman kaffi spjallað og hlegið enda margs að mynnast frá góðum árum í Borgarnesi.
Þessum stelpum kynntist ég í Sparisjóðnum mínum góða, leikskólanum og að sjálfsögðu hestamennskunni í Borgarnesi.
Gerða, Steinunn, Íris og Lilja.
María Erla, Sigrún, Jónína og Guðbjörg ræða heimsmálin.
Og þessar voru hressar að vanda Kristín Finndís, Hanna Calla og Ingibjörg Hargrave.
Gerða, Lilja, Íris og Elva................og þið allar.........takk fyrir komuna skemmtilegu konur.
29.4.2010
Dagurinn í dag.
Þarna er hann Glundroði minn og eldgýgurinn Rauðakúla í baksýn.
Það er eins gott að hún fari ekki að gjósa á næstunni nóg er nú komið af eldgosum.
Enn einn dagurinn með strekkingi hér í Hlíðinni ég fer nú alveg að fá leið á því en veðurfræðingurinn í sjónvarpinu lofaði hægviðri á morgun og ég treysti á það.
Við erum að verða frekar sandblásin og veðurbarin eftir síðustu daga en kannske fær maður bara sigg á trýnið og verður svo bara sætur og fínn eftir hálfa dós af júgusmyrsli.
Fyrirmyndarhestur dagsins var Von vinkona mín sem tekur sko á því í megruninni og nær vonandi sambærilegum árangri og ætlast er til.
Tíminn þýtur áfram og það er alltaf stutt í eitthvað, núna styttist óðfluga í sauðburðinn. Þegar ég hugsa til baka þá finnst mér eins og sá síðasti hefi verið fyrir svo sem þremur mánuðum. En ekki aldeilis þá var sko þorrablót og fyrir sex mánuðum voru réttir.
Þetta er ekki eðlilegt....................en mér létti stórlega um daginn þegar ég komst að því að þetta er ekki bara svona hjá mér heldur flestum sem að ég þekki. Og ég þekki fólk á öllum aldri svo að þetta er ekki aldurinn hjá mér. Bara svona til að undirstrika það við ykkur og ekki síður kellu sjálfa.
Ég hef líka komist að því síðustu daga að það er atvinnuleysi á Íslandi. Ekki eins og það séu nýjar fréttir eða góðar nei öðru nær. Fyrir stuttu síðan var mikið basl að fá fólk til að vinna almenn landbúnaðarstörf hvað þá að koma og vinna í sauðburði. Það þótti ekki par fínt og auglýsingar báru sjaldnast árangur. Nú er öldin önnur eins og eitt sinn var sagt og örugglega hægt að manna öll fjárhús án teljandi vandræða. Vandinn er bara sá að þeir sem að helst sækjast eftir því að komast í sveit hafa litla sem enga reynslu og eru oftar en ekki full ungir að árum. Það er þó afar ánægjulegt að fólk vilji koma í sveitina og taka þátt í fjörinu með okkur.
Ég krossa bara puttana og vona að okkar góða sauðburðar og aðstoðakokkalið sjái sér fært að mæta. Kella var svo ánægð með liðsaukann í fyrra.
28.4.2010
,,Grasið grænkar alltaf aftur,,
Vá nú eru þið heppin..............af hverju ??? Jú vegna þess að ég komst ekki inn úr hesthúsinu að blogga fyrr en ég var orðin svo þreytt að allur hamur er horfinn út í norðan garrann og húsfreyjan orðin eins og ljúfasta lamb. Sem húnvar sko ekki fyrr í dag en er samt næstum alltaf (að eigin sögn)........................
Já þá var það pólitíkin, útrásin, bankarnir, fallega fræga fólkið og margt margt fleira.
Spurning hvort að ég ætti ekki bara að hætta að hlusta á útvarpið????
Sennilega hollara.............fyrir blóðþrýstinginn.
En sem betur fer er þetta liðið hjá og lífið dásemdin ein..... Hnappadalurinn gullfallegur, hrossin góð og húsverkin leikur einn.
Skrítið hvað það er létt að skipta um skap en dekkjaskipti hreinasta ógn við geðheilsuna.
Hitastigið var gott í dag en vindurinn full ríflegur svo að mannskapurinn er svolítið blómlegur eftir útiveruna.
Við erum ennþá laus við hestapestina sem gengur nú um landið , hvað svo sem það verður nú lengi. Heyrði aðeins frá Hólum í dag og þar er bara búið að aflýsa prófum og fresta útskriftum um óákveðinn tíma. Leiðinlegt fyrir krakkana og setur strik í reikninginn hjá þeim með þeirra skipulag.
Nú styttist óðfluga í seinna prófið sem að Mummi tekur í Steinsholti eins gott að allir haldi heilsu og verði tilbúnir í slaginn bæði hestar og menn.
Spurning hvaða afleiðingar þetta hefur svona á landsmótsári fyrir sýninga og mótahald?
Undarleg þessi veröld..........kreppa, skýrsla, eldgos og hestapest, eins gott að rifja upp það sem oft er sagt á þessum bæ...............,,það sem ekki drepur það herðir,,
Í dag hringdi svo fyrsti veiðimaður vorsins í mig til að forvitnast um hvort að við værum farin að veiða. Eins og við var að búast var lítið um að vera í þeim málum hjá okkur en ég bauð hann bara hjartanlega velkominn og vonast til að hann geti gefið mér upplýsingar um stöðu veiðimála sem fyrst.
Annars er mikill hugur í okkur og er ætlunin að taka vel á móti veiði og tjaldgestum í sumar.
Verið hjartanlega velkomin með tjaldið, góða skapið og stöngina.
Ekki má nú gleyma fyrirmyndarhesti dagsins í öllum látunum sem í dag var Gosinn góði:)
27.4.2010
Smá fréttir.
Það var hlýtt rok og sólin yljaði vel hér í Hlíðinni þennan daginn.
Þegar ég kom inn í kvöld var ég ánægð með flottu brúnkuna sem ég hafði fengið af sólinni í dag. En kella var ekki lengi brún pæja því liturinn var víst ekki orðinn vatnsheldur þannig að nú er ég bara hvít lumma:(
Ég veit nú svo sem ekki hvað stendur til en Vegagerðin sendi okkur nokkur hlöss af vikri hingað á afleggjarann í dag. Og það sem meira var hefillinn mætti líka á staðinn og strauk höslið ofaní holurnar. Svona gerast hlutirnir þegar væntingarnar eru nær engar:)
En auðvita þurfum við að komast til að kjósa í næsta mánuði svo að þetta er alveg skiljanlegt.
Einu sinni voru fréttirnar skemmtilegasta sjónvarpsefnið að mínu mati en svo er nú ekki lengur. Reyndar eru þær svo leiðinlegar að ég veit ekki alveg af hverju ég er að rembast við að horfa á þær. En vitið þið hvað að undanförnu hafa skotið upp kollinum fréttir sem hafa gert það að verkum að núna er ég að hugsa um að fara að horfa á fréttirnar svona kl 19.23
Ég veit ekki hvort það er nýja mannauðsstjóranum hjá RUV, sálfræðingi eða forsetanum að þakka að nú koma ein og ein frétt um jákvæða hluti og meira að segja stundum skemmtilega hluti. Til dæmis fréttin um naustgripina á suðurlandi sem að fá fullan sturtuvagn af ávöxtum og grænmeti vikulega. Fréttin sýndi bóndann koma keyrandi með vagninn og sturta ,,heilsufæðinu,, á jörðina. Nautin komu hlaupandi og voru greinilega ánægð með sendinguna. Bananarnir voru lang vinsælastir en þar á eftir papríkur og anans, ég tók samt eftir því að nautin eru ekki komin eins langt í þessu matarræði eins og aparnir sem að kunna að opna bananana. Ég veit ekki af hverju en mér varð hugsað til Jónínu Ben eftir að hafa horft á þessa frétt. Ætli naut viti eitthvað um Detox????????????????
Eins var skemmtileg fréttin um granna okkar í Dölunum sem eru komnir á fullt með heimavinnslu mjólkur, Erpstaðaís, skyr og osta. Það er ekki oft sem að maður bæði heyrir í morgunútvarpinu og sér í sjónvarpinu jákvæðar fréttir úr sveitum landsins.
Ég kíkti í bókina mína góðu í dag sem inniheldur flest það sem kella þarf að muna svo sem hvenær fyrstu hryssurnar eiga að kasta og ýmislegt fleira. Þá kom í ljós að fyrstu hryssurnar geta kastað í byrjun maí svo það er eins gott að fara að fylgjast með. Það eru nefnilega tvær hryssur hér í stóðinu sem að flýta sér alltaf og ganga frekar stutt með sín folöld.
Annars er ansi langt á milli þeirrar fyrstu og síðustu sem sagt maí til og með ágústmánuði.
Tamningar og þjálfun gengu bara vel í dag og því nokkuð erfitt að finna út fyrirmyndarhest dagsins. En eftir smá umhugsun..............Krapi ,,litli,, og Geisli Glapma:)
Þegar ég kom inn í kvöld var ég ánægð með flottu brúnkuna sem ég hafði fengið af sólinni í dag. En kella var ekki lengi brún pæja því liturinn var víst ekki orðinn vatnsheldur þannig að nú er ég bara hvít lumma:(
Ég veit nú svo sem ekki hvað stendur til en Vegagerðin sendi okkur nokkur hlöss af vikri hingað á afleggjarann í dag. Og það sem meira var hefillinn mætti líka á staðinn og strauk höslið ofaní holurnar. Svona gerast hlutirnir þegar væntingarnar eru nær engar:)
En auðvita þurfum við að komast til að kjósa í næsta mánuði svo að þetta er alveg skiljanlegt.
Einu sinni voru fréttirnar skemmtilegasta sjónvarpsefnið að mínu mati en svo er nú ekki lengur. Reyndar eru þær svo leiðinlegar að ég veit ekki alveg af hverju ég er að rembast við að horfa á þær. En vitið þið hvað að undanförnu hafa skotið upp kollinum fréttir sem hafa gert það að verkum að núna er ég að hugsa um að fara að horfa á fréttirnar svona kl 19.23
Ég veit ekki hvort það er nýja mannauðsstjóranum hjá RUV, sálfræðingi eða forsetanum að þakka að nú koma ein og ein frétt um jákvæða hluti og meira að segja stundum skemmtilega hluti. Til dæmis fréttin um naustgripina á suðurlandi sem að fá fullan sturtuvagn af ávöxtum og grænmeti vikulega. Fréttin sýndi bóndann koma keyrandi með vagninn og sturta ,,heilsufæðinu,, á jörðina. Nautin komu hlaupandi og voru greinilega ánægð með sendinguna. Bananarnir voru lang vinsælastir en þar á eftir papríkur og anans, ég tók samt eftir því að nautin eru ekki komin eins langt í þessu matarræði eins og aparnir sem að kunna að opna bananana. Ég veit ekki af hverju en mér varð hugsað til Jónínu Ben eftir að hafa horft á þessa frétt. Ætli naut viti eitthvað um Detox????????????????
Eins var skemmtileg fréttin um granna okkar í Dölunum sem eru komnir á fullt með heimavinnslu mjólkur, Erpstaðaís, skyr og osta. Það er ekki oft sem að maður bæði heyrir í morgunútvarpinu og sér í sjónvarpinu jákvæðar fréttir úr sveitum landsins.
Ég kíkti í bókina mína góðu í dag sem inniheldur flest það sem kella þarf að muna svo sem hvenær fyrstu hryssurnar eiga að kasta og ýmislegt fleira. Þá kom í ljós að fyrstu hryssurnar geta kastað í byrjun maí svo það er eins gott að fara að fylgjast með. Það eru nefnilega tvær hryssur hér í stóðinu sem að flýta sér alltaf og ganga frekar stutt með sín folöld.
Annars er ansi langt á milli þeirrar fyrstu og síðustu sem sagt maí til og með ágústmánuði.
Tamningar og þjálfun gengu bara vel í dag og því nokkuð erfitt að finna út fyrirmyndarhest dagsins. En eftir smá umhugsun..............Krapi ,,litli,, og Geisli Glapma:)
24.4.2010
Góðviðrið í fjöllunum.
Einn góðviðrisdaginn í vetur fórum við Mummi og smelltum nokkrum myndum af stóðinu.
Þarna eru fyrirsæturnar samvinnuþýðar..............
Og sumir vönduðu sig meira en aðrir................svona í stellingum.
Ljósmyndarinn var stundum í hættu...................rétt búið að troða hann undir.
Við Karún mín heilsumst alltaf með kossi.
Vá hvað eigum við að standa svona lengi ??????
23.4.2010
Gleðilegt sumar kæru vinir.
Sumarið hefur heilsað okkur með fallegu veðri en ekki hefur hitastigið nú verið sumarlegt en sannarlega er ég hæðst ánægð með það að vetur og sumar skulu hafa frosið saman. Hjátrúafull kellan.
Hún amma mín sem að ég vitna svo oft í hefði verið ánægð með þetta veðurlag á þessum dögum. Ég hef ekki ennþá kynnst neinum sem að hefur haldið jafn mikið uppá sumardaginn fyrsta eins og hún gerði blessunin. Ég held að þessi dagur hafi verið meiri hátíðisdagur í hennar huga en sjálf jólahátíðin.
Á sumardaginn fyrsta átti að vakna snemma því það gaf til kynna að maður yrði duglegur og kæmi miklu í verk á nýju sumri. Æskilegt var að það væri sólskin eftir að vetur og sumar höfðu frosið saman það boðaði birtu og hamingju á nýju sumri.
Matur og kaffi áttu að vera með hátíðlegasta móti og að sjálfsögðu átti að klæða sig upp fyrir sumarið. Og messan já ekki má nú gleyma henni, amma hlustaði alltaf á sumarmessuna í útvarpinu og þá voru læti illa séð.
Margar vísur kenndi amma mér um vorið og helstu vorboðana fuglana, ég held meira að segja að ég hafi rétt verið farin að tala þegar hún kenndi mér aðalsumarvísuna.
Nú er sumar,
gleðjist gumar,
gaman er í dag.
Brosir veröld víða,
veðurlagsins blíða.
Eykur yndishag,
eykur yndishag.
Látum spretta,
sporin létta.
Spræka fáka nú.
Eftir sitji engi,
örvar vif og drengi.
Sumarskemmtun sú,
sumarskemmtun sú.
Ég kann ekki fleiri erindi og held að þetta sé eftir Steingrím Thorsteinsson.
Mér finnst gaman að rifja þetta upp og þá sérstaklega af því að ég er fædd á sumardaginn fyrsta og átti afmæli núna á sumardaginn fyrsta:)
En að öðru............nokkur undanfarin ár hef ég farið að Miðfossum og dæmt skemmtilegt hestamót sem hefur verið haldið síðasta vertardag og á sumardaginn fyrsta.
Þetta er mót sem haldið er í tengslum við Skeifudag nemenda og er virkilega skemmtilegt.
Ég sá marga góða hesta og knapa sem að öttu kappi af miklum móð, bara svona til að nefna eitthvað þá var ég mjög hrifin af hesti undan Pegasus frá Skyggni og einnig af hryssu undan Hrynjanda frá Hrepphólum. Er ekki með nöfnin alveg á hreinu svo að það er best að nefna þau ekki.
Reynir Aðalsteinsson og nemendur við setninguna.
Og þarna eru verðlaun veitt.........Gunnarsbikar, Reynisbikar, Morgunblaðsskeifan, Eiðfaxaverðlaun og reiðmennskuverðlaun Félags tamningamanna.
Innilega til hamingju krakkar þetta var flott hjá ykkur.
Þegar heim kom eftir mótið á Miðfossum komu góðir gestir til okkar, hvorki meira né minna en eitt ,,stykki,, Búnaðarfélag Eyrarsveitar.
Skemmtilegur hópur sem var í árlegu ferðalagi sínu að skoða bændur í örðum sveitum.
Takk fyrir komuna.
Léleg myndataka dæmist á húsfreyjuna en það var ekki með vilja gert að mismuna fólki með því að hafa suma sólarmegin en aðra í skugganum.
Dagurinn í dag var alveg draumur fyrir tamningafólk blíða, gott reiðfæri og já góðir hestar mitt í þessari jákvæðni. Nánar um það síðar.
Hún amma mín sem að ég vitna svo oft í hefði verið ánægð með þetta veðurlag á þessum dögum. Ég hef ekki ennþá kynnst neinum sem að hefur haldið jafn mikið uppá sumardaginn fyrsta eins og hún gerði blessunin. Ég held að þessi dagur hafi verið meiri hátíðisdagur í hennar huga en sjálf jólahátíðin.
Á sumardaginn fyrsta átti að vakna snemma því það gaf til kynna að maður yrði duglegur og kæmi miklu í verk á nýju sumri. Æskilegt var að það væri sólskin eftir að vetur og sumar höfðu frosið saman það boðaði birtu og hamingju á nýju sumri.
Matur og kaffi áttu að vera með hátíðlegasta móti og að sjálfsögðu átti að klæða sig upp fyrir sumarið. Og messan já ekki má nú gleyma henni, amma hlustaði alltaf á sumarmessuna í útvarpinu og þá voru læti illa séð.
Margar vísur kenndi amma mér um vorið og helstu vorboðana fuglana, ég held meira að segja að ég hafi rétt verið farin að tala þegar hún kenndi mér aðalsumarvísuna.
Nú er sumar,
gleðjist gumar,
gaman er í dag.
Brosir veröld víða,
veðurlagsins blíða.
Eykur yndishag,
eykur yndishag.
Látum spretta,
sporin létta.
Spræka fáka nú.
Eftir sitji engi,
örvar vif og drengi.
Sumarskemmtun sú,
sumarskemmtun sú.
Ég kann ekki fleiri erindi og held að þetta sé eftir Steingrím Thorsteinsson.
Mér finnst gaman að rifja þetta upp og þá sérstaklega af því að ég er fædd á sumardaginn fyrsta og átti afmæli núna á sumardaginn fyrsta:)
En að öðru............nokkur undanfarin ár hef ég farið að Miðfossum og dæmt skemmtilegt hestamót sem hefur verið haldið síðasta vertardag og á sumardaginn fyrsta.
Þetta er mót sem haldið er í tengslum við Skeifudag nemenda og er virkilega skemmtilegt.
Ég sá marga góða hesta og knapa sem að öttu kappi af miklum móð, bara svona til að nefna eitthvað þá var ég mjög hrifin af hesti undan Pegasus frá Skyggni og einnig af hryssu undan Hrynjanda frá Hrepphólum. Er ekki með nöfnin alveg á hreinu svo að það er best að nefna þau ekki.
Reynir Aðalsteinsson og nemendur við setninguna.
Og þarna eru verðlaun veitt.........Gunnarsbikar, Reynisbikar, Morgunblaðsskeifan, Eiðfaxaverðlaun og reiðmennskuverðlaun Félags tamningamanna.
Innilega til hamingju krakkar þetta var flott hjá ykkur.
Þegar heim kom eftir mótið á Miðfossum komu góðir gestir til okkar, hvorki meira né minna en eitt ,,stykki,, Búnaðarfélag Eyrarsveitar.
Skemmtilegur hópur sem var í árlegu ferðalagi sínu að skoða bændur í örðum sveitum.
Takk fyrir komuna.
Léleg myndataka dæmist á húsfreyjuna en það var ekki með vilja gert að mismuna fólki með því að hafa suma sólarmegin en aðra í skugganum.
Dagurinn í dag var alveg draumur fyrir tamningafólk blíða, gott reiðfæri og já góðir hestar mitt í þessari jákvæðni. Nánar um það síðar.
19.4.2010
Íþróttamót Glaðs.
Þetta eru herrar einbeittir................Mummi og Gosi.
Þið hafið vafalaust verið farin að halda að ég væri flutt af landi brott eða allavega farin úr netsambandi hérna í fjöllunum. En nú er kerla mætt á ,,bloggvöllinn,,
Við skruppum í dalina á laugardaginn í blíðunni, erindið var að smella sér á íþróttamót Glaðs í Búðardal. Mummi sá um að keppa fyrir hönd okkar allra og gerði bara býsna góða ferð að þessu sinni. Hann keppti á Gosa í fjórgangi og tölti en Fannari sínum í fimmgangi, tölti og skeiði. Hann náði með báða hestana í tvenn úrslit. Hann og Gosi sigruðu fjórganginn eftir spennandi keppni og höfnuðu svo í fjórða sæti í töltinu. Fannar hafnaði svo í þriðja sæti í fimmgangi og varð að vera á bekknum í töltinu þar sem að Mummi valdi að fara með Gosa þangað.
Þarna eru keppendur í fimmgangi að taka við verðlaunum Sólon og Haukur efstir, Styrmir og Litla-Jörp þá Mummi og Fannar, Randi og Skvísa á myndina vantar Hlyn Hjaltason.
Sjáið þið Fannar hann öfundar svolítið Litlu-Jörp að hafa fengið bikar sem efsti Glaðskeppandinn.
Því miður sveik myndavélin mig þegar verðlaunaveitingin fór fram svo að myndirnar urðu ekki eins góðar eða margar og ég hefði viljað.
Veit samt að ,,hirðljósmyndari,, Glaðsmanna var á staðnum svo að vafalaust koma flottar myndir á www.gladur.is
Hún Iðunn í Söðulsholti tók fullt af myndum sem að þið getið séð inná Söðulsholtssíðunni.
Og hér er bóndinn hennar í þungum þönkum enda bráðabani yfirvofandi.
Eins og alltaf var gaman að koma í dalina mótið heppnaðist vel og við fórum í nokkrar heimsóknir í leiðinni. Einnig örmerkti ég nokkur gæðingsefni í leiðinni.
Hér heima gengur allt sinn vana gang og er ekkert annað en að krossa fingur og vona að ekki komi aska hingað. Alveg skelfilegt þetta gos og vonandi að því fari að linna.
Hef hugsað mikið til fólksins sem er í basli með allt sitt á gossvæðinu er viss um að maður getur ekki gert sér það í hugalund hvernig þetta er í raun og veru.
12.4.2010
Gef ykkur skýrslu.
Nei, nei ég ætla sko ekki að nefna neina skýrslu hér......................ekki einu sinni hrossaskýrslu, forðagæsluskýrslu, skattaskýrslu eða neina aðra skýrslu takk fyrir.
En lofa spennandi hrossasögum á næstunni.
Bara svona áður en ég fer að halla mér eftir góðan dag í hesthúsinu vildi ég benda ykkur á að ég setti inn nokkrar myndir frá afmælisveislunni hans Sveinbjörns í gær.
Hann átti frábæran 70 ára afmælisdag og fékk margar góðar heimsóknir af því tilefni og fékk m a folatoll í afmælisgjöf kallinn. Skemmtilegur dagur og vel heppnaður.
Einnig setti ég inn vetrar myndir sem voru teknar í Hnappadalnum á páskadag.
En lofa spennandi hrossasögum á næstunni.
Bara svona áður en ég fer að halla mér eftir góðan dag í hesthúsinu vildi ég benda ykkur á að ég setti inn nokkrar myndir frá afmælisveislunni hans Sveinbjörns í gær.
Hann átti frábæran 70 ára afmælisdag og fékk margar góðar heimsóknir af því tilefni og fékk m a folatoll í afmælisgjöf kallinn. Skemmtilegur dagur og vel heppnaður.
Einnig setti ég inn vetrar myndir sem voru teknar í Hnappadalnum á páskadag.
10.4.2010
Allt frá hesthúsfréttum til afmælisfrétta
Það hefur ekki verið nokkur tími til að skrifa síðustu daga, veðrið hefur verið einstaklega gott og kella svo þreytt á kvöldin að þið eruð bara heppin að hún settist ekki við skriftir.
Já þetta hafa verið frábærir dagar í hesthúsinu mikið riðið út og einnig teknir nokkrir rekstrar. Hér koma hross og fara hross alltaf eitthvað spennandi að gerast í Hlíðinni.
Það er skemmtileg fjölbreyttni í hesthúsinu núna mismundandi hross á mismunandi tamningastigum. Og ekki skemmir það fyrir að fá að kynnast hrossum undan mörgum þekktum stóðhestum sem við höfum ekki tamið undan áður.
Fyrirmyndarhestar ?????? þeir eru nokkrir eftir þessa daga, eigum við ekki að hafa þá þrjá ??
Krapi Gustsson, Léttir Randvers og Baltasar Arðsson.
Hrossaræktin er skemmtileg þó svo að hún kosti blóð, svita og tár. Þessa dagana er verið að skoða (með stóru gleraugunum) tveggjavetra folana sem fóru ekki í ,,herraklippingu,, í fyrra og meta hvort að þeir muni safna áfram eða fara í ,,herraklippingu,, hjá Rúnari dýralækni.
Þetta eru þeir Blástur sonur Gusts frá Hóli og Kolskarar frá Hallkelsstaðahlíð og Léttlindur sonur Hróðs frá Refsstöðum og Léttar frá Hallkelsstaðahlíð.
Svo eru það veturgömlu kapparnir þar hef ég nú bara gjóað augunum á tvo þá Kát minn Auðsson og Karúnarson og síðan Loga Arðsson og Léttarson. En eins og þið vitið er langt fram í júní svo að við höfum nægan.................tíma.
Já vel á minnst nú fer að styttast í að folaldaspenningurinn hefjist rétt um það bil mánuður.
Nú fer 11 apríl að bresta á og það sem meira er ,, strákurinn,, í því efra eins og við hér gjarnan segjum er að verða sjötugur. Hann ætlar að vera heima og tryggt hefur verið að hann eigi með kaffinu kallinn (hans sterkasta hlið liggur ekki svo ég viti í bakstri).
Hann yrði nú óður ef að hann vissi að ég væri að gaspra með þetta hér en eins og þið vitið þá er þetta bara svona okkar á milli. En þið sem til þekkið..............við bara sjáumst á morgun.
Já þetta hafa verið frábærir dagar í hesthúsinu mikið riðið út og einnig teknir nokkrir rekstrar. Hér koma hross og fara hross alltaf eitthvað spennandi að gerast í Hlíðinni.
Það er skemmtileg fjölbreyttni í hesthúsinu núna mismundandi hross á mismunandi tamningastigum. Og ekki skemmir það fyrir að fá að kynnast hrossum undan mörgum þekktum stóðhestum sem við höfum ekki tamið undan áður.
Fyrirmyndarhestar ?????? þeir eru nokkrir eftir þessa daga, eigum við ekki að hafa þá þrjá ??
Krapi Gustsson, Léttir Randvers og Baltasar Arðsson.
Hrossaræktin er skemmtileg þó svo að hún kosti blóð, svita og tár. Þessa dagana er verið að skoða (með stóru gleraugunum) tveggjavetra folana sem fóru ekki í ,,herraklippingu,, í fyrra og meta hvort að þeir muni safna áfram eða fara í ,,herraklippingu,, hjá Rúnari dýralækni.
Þetta eru þeir Blástur sonur Gusts frá Hóli og Kolskarar frá Hallkelsstaðahlíð og Léttlindur sonur Hróðs frá Refsstöðum og Léttar frá Hallkelsstaðahlíð.
Svo eru það veturgömlu kapparnir þar hef ég nú bara gjóað augunum á tvo þá Kát minn Auðsson og Karúnarson og síðan Loga Arðsson og Léttarson. En eins og þið vitið er langt fram í júní svo að við höfum nægan.................tíma.
Já vel á minnst nú fer að styttast í að folaldaspenningurinn hefjist rétt um það bil mánuður.
Nú fer 11 apríl að bresta á og það sem meira er ,, strákurinn,, í því efra eins og við hér gjarnan segjum er að verða sjötugur. Hann ætlar að vera heima og tryggt hefur verið að hann eigi með kaffinu kallinn (hans sterkasta hlið liggur ekki svo ég viti í bakstri).
Hann yrði nú óður ef að hann vissi að ég væri að gaspra með þetta hér en eins og þið vitið þá er þetta bara svona okkar á milli. En þið sem til þekkið..............við bara sjáumst á morgun.
6.4.2010
Vangavelta..............
Þá eru páskarnir frá og hversdags stússið hefur tekið öll völd, Mummi farinn í Steinsholt og allt komið á fullt hér á bæ. Var reyndar á þó nokkrum snúningi um páskana en svona öðruvísi snúningi. Það var mikið afrekað í dag og öll hrossin sem hér eru á járnum fengu gott trimm. Nokkur voru járnuð en þegar það var frá var dagurinn því miður búinn.
Fyrirmyndarhestur dagsins................já þeir voru bara tveir (svona eins og í auglýsingunni báðir betri) annar var Geisli Glampa sem er að stíga sín fyrstu skref í náminu og hin var Baltasar Arðsson frískur að vanda.
Bíðið nú við ég ætlaði að segja meira frá gæðingunum sem að ég sá á laugardaginn.
Fyrstan skal nefna Arð frá Brautarholti sem mér hefur lengi litist vel á og varð ég ekki fyrir vonbrigðum um helgina. Hreyfingafallegur, mjúkur, rúmur og viljugur............ já er ekki bara best að tala íslensku. Gæðingur punktur.
Aron frá Strandarhöfði kom fram undir öruggri stjórn húsfreyjunnar á Árbakka, þau voru glæsilegt par að vanda og afkvæmin flott. Verð reyndar að játa að mér fannst hann sjálfur bestur. Undantekningin var þó sonurinn Stígandi frá Stóra-Hofi flottur gæðingur sem er sonur Hnotu frá sama bæ.
Álfur frá Selfossi kom fram undir eiganda sínum Christinu Lund og var gaman að sjá það, svolítið öðruvísi uppsettur en áður. Álfadrottningin frá Austurkoti gerði það samt að verkum að ég næstum gleymdi að horfa meira á Álf og hin afkvæmin var bara starsýnt á hana. Þvílíkt djásn.
Höfðinginn Orri frá Þúfu mætti og var heiðraður skemmtileg athöfn og gaman að sjá hann svona vel útlítandi kominn vel á þrítugsaldurinn.
Fláki frá Blesastöðum er líka flugrúmur, fallegur gæðingur en hann og Þórður Þorgeirs áttu frábært loka atriði þar sem að báðir nutu sín vel. Virkilega góðir saman ,,strákarnir,,
Fláka fylgdi systir hans sammæðra Alfa frá Blesastöðum snildargæðingur sem Sigursteinn Sumarliða sýndi. Mumma leist svo vel á hana að hann hefði ekki verið í vafa með stóðhestavalið ef að hún hefði verið stóðhestur.
Mídas frá Kaldbak átti góðan dag og er alltaf svolítið spennandi.
Ég gæti nefnt miklu fleiri hesta sem voru góðir en líka aðra sem að stóðu alls ekki undir mínum væntingum. En það er sem betur fer þannig að misjafn er smekkur manna og eru því örugglega ekki allir sammála mér enda alveg óþarfi.
Íshesta vangaveltur bíða betri tíma.
4.4.2010
Gleðilega páska kæru vinir.
Svona var nú veðrið gott í Hlíðinni í dag, sannarlega Drottinsblíða eins og vera ber á þessum degi.
Dagurinn var ljómandi fallegur og skemmtilegur alltaf gaman að fá góða vini í heimsókn.
Nú svo varð hann Salómon svarti 11 ára í dag eða kannske 77 ár svona miðað við kött.
Hér komu ungar dömur í röðum til að óska honum til hamingju með daginn og er ég alveg viss um að einhverjir hefðu nú öfundað hann af því kossaflensi. Hann tók því samt af karlmennsku og lét sér fátt um finnast en brúnin hefur nú stundum verði léttari.
Í gær var farið í mikla menningarferð um suðurland nánar tiltekið á Stóðhestaveislu sem haldin var í Rangárhöllinni. Síðan var farið á ístölti í Reykjavík og endað með góðri veislu áður en heim var komið.
Frábær ferð með skemmtilegu fólki takk fyrir daginn kæra samferðafólk.
Að sjálfsögðu sá ég mikið af spennandi hestum og á næstunni ætla ég aðeins að fara yfir það hér á blogginu..............bara svona fyrir mig þið skiljið.
Verð samt að lauma því hér að hvað ég varð stórhrifin af honum Stíganda frá Stóra-Hofi og ekki síður af honum Fláka frá Blesastöðum, hrifning mín af Arði frá Brautarholti hefur svo að sjálfsögðu ekkert dvínað. Nánar um þetta síðar.
Á ísnum voru þó nokkuð margir flottir en nafnið á samkomunni ,,Þeir allra sterkustu,, það var ekki alveg að gera sig.
Þar sem að ég er í páskafríi þá verður þetta ekki lengara að sinni........................
31.3.2010
Skítakuldi.
Orð dagsins ,,skítakuldi,, svo sannarlega norðan rok og hálfgerð leiðindi í veðrinu en þar sem þetta er bara páskahretið þá er ég ekkert að ergja mig á því.
Dagurinn í dag var bara vel nýttur í verkefni innandyra sem höfðu beðið vegna anna og þá helst vegna verðurs, sko á meðan það var blíða.
Í gær var fundur hjá Fagráði í hrossarækt mörg mál voru á dagskrá og fundurinn ljómandi góður og vonandi að sama skapi gagnlegur.
Það er greinilegt að mars er að vera einn vinsælasti fundamánuður ársins og fyrir fólk eins og mig er úr nógu að moða. Verst hvað ég er að verða löt að sækja fundi nema þeir snúist um hross. En það er kannske bara þroskamerki hjá kellu, aldrei að vita nema hún vitgist með árunum.
Ég átti alltaf eftir að segja ykkur frá því að feðgarnir fóru að keppa í KB mótaröðinni um síðustu helgi. Mummi fór á Fannari í A flokkinn og Skúli á Gosa í B flokkinn.
Þeim gekk nú bara nokkuð vel Fannar og Mummi höfnuðu í 3 sæti en Gosi og Skúli í því 6.
Annars eru skipti í gangi núna Fannar er hér í þjálfun
en Skriða fór í Steinsholt með Mumma. Ég er svo lukkuleg þegar nóg er af Gusturum í hesthúsinu eins og núna.Nú verður kella að fara að taka sig á og mynda eitthvað af viti til að setja hér inn.
Ég hef skoðað eldgosið eins og meiri partur landsmanna og einhver hluti jarðarbúa.........en ég skoðaði það í sjónvarpinu og Mogganum. Finnst það bara fínt og algjörlega nóg.
Það er nefninlega þannig að mér verður kalt á tánum við tilhugsunina um að þramma þarna upp svo keypti ég ekki flugelda fyrir síðustu áramót svo ég á enga heimtingu á björgun ef að ég gefst upp á miðri leið. Ég sagði reynar í dag að líklega mundi ég nú kíkja á gos sem yrði hér á næstu slóðum en fékk mjög hörð viðbrögð þar sem fólk greinilega misskildi mig eitthvað og hélt að ég væri að spá gosi í Kolbeinsstaðahreppnum.
En þar gýs bara mannauðurinn og verður bara vonandi svo áfram.
Framundan eru skemmtilegir dagar og sennilega með góður veðri og allt.
29.3.2010
Fréttir fyrir unga aðdáendur Salómons.
Ooooooo............þessi sími hvenær fæ ég spennandi símtal ?
Nenni bara ekki að bíða lengur, ætla bara að leggja mig og vita hvað mig dreymir.
Úlla laaaaaaaaa..................Skagfirska draumaprinsessu ekki amalegur draumur það.
Æiiiiiiii............hún var ekki á face book og á ekki síma.
Hættur að huga um dömur þær eru bara til vandræða........................enda er ég alvöru kall, fer bara í sudoku.
Ég er ,,soldið,, góður í því..................en frekar nærsýnn.
Þetta getur nú verið þreytandi fyrir vinnuþjakaða ketti.
En þá er bara að líta á björtu hliðarnar brosa framan í heiminn og muna kjörorð dagsins sem er....................Salómon sæti gerir lífið skemmtilegra:)
26.3.2010
Vonin hún Von.
Þetta er hún Von frá Reykjavík, sóma hryssa sem hér var í tamningu fyrr í vetur.
Já það eru mörg skemmtileg hross í hesthúsinu núna, mörg af þeim eru mjög ung og á mismunandi stigum. Von og systir hennar Nótt voru hér fyrr í vetur mjög skemmtilegar hryssur og lofa eigendum sínum góðu. Það er líka gaman að fá hross undan hestum sem við höfum ekki tamið undan áður. Annars gengur allt sinn vana gang mikið að gera í hesthúsinu og bara gaman. Mummi kemur öðru hvoru heim úr Steinsholti svona til að herða uppá ,,gömlu,, en er svo sæll og glaður með dvölina þar að við sjáum hann nú ekki mikið.
Bara gaman fyrir hann að fá góða kennslu og fullt af mjög góðum hestum hjá þeim Jakobi og Torunni.
Á morgun er svo gæðingakeppni í Borgarnesi sem gaman er að kíkja á og skoða hvað er spennandi að gerast í hestamennskunni á Vesturlandi.
Svo er bara að krossa putta og vona að ekki verði svona hvasst næstu daga eins og undanfarið.
25.3.2010
Sauðburður hafinn
Sauðburður er hafinn í Hlíðinni................og þarna er Astrid með lambakónginn og lambadrotninguna sem hlutu nöfnin Astrid og Lalli.
Flottar nöfnur Astid fyrst og Astrid önnur.
Ég er orðin töluvert á eftir með fréttafluttning og dagbókarskrif en er alltaf að reyna að bæta mig.
Ærin bar sem sagt 18 mars daginn áður en hann Jón okkar norski kom að sónarskoða kindurnar.
Útkoman úr sónarskoðuninni var mun betri en á síðasta ári og gemlingarnir stóðu sig frábærlega rúmlega lamba á gemling þrátt fyrir að ég telji með nokkrar smágimbrar sem ekki var hleypt til. Það fæðast þá ef Guð lofar vel á tólftahundarð lömb hér í Hlíðinni.
Stæðsti hluti þeirra kinda sem voru geldar fóru svo í bíltúr með honum Óla á Völlum norður í Skagafjörðinn fína.
Það hefur verið svolítið hvasst hér í Hlíðinni að undanförnu en hlýtt svo að það hefur gengið vel að ríða út. Ég verð nú að fara að gefa ykkur ítarlega skýrslu þar um enda margt spennandi í hesthúsinu.
24.3.2010
.......og ferðin endaði vel.
Já við sáum svo sannalega margt spennandi í ferðinni..................
............................................og eins og þið sjáið þá komum við í ævintýraland.
Þarna er tukkthúsið sem að sumir lentu í...............................sjá eldra blogg:)
Aðeins annað sjónarhorn.
Ævintýraland er sko rammgirt.
Bæjarlækurinn vel brúaður.
Og ævintýralands eigandinn var gestrisinn og skemmtilegur, takk kærlega fyrir okkur.
Þarna sýndi hrossaræktarráðunauturinn ótvíræða klifur og fimleikahæfni og slapp út úr ævintýralandinu.
Gaman var að koma í Hornafjörðinn og móttökurnar hreint frábærar.
Fundurinn var ágætlega sóttur og áttum við gott spjall við heimamenn og er alveg ljóst að það er hugur í hestamönnum í Hornafirði.
Snemma morguns 17 mars flugum við svo til Reykjavíkur.
Þarna er rellan sem skilaði okkur í bæinn, svo sem ekki stór en gerði sitt gagn með sóma.
Það hefur verið frábært að fá tækifæri til að hitta hestamenn vítt og breytt um landið, sjá hvað þeir eru að gera og skoða fullt af spennandi hrossum.
Þar með lauk þessari skemmtilegu fundaferð okkar um landið, ferð sem vonandi gerði bæði okkur og öðrum hestamönnum gagn og gaman.
23.3.2010
Og meira um ferðina
Þarna erum við ferðafélagarnir í ævintýralandi.......... en nánar um það síðar í máli og myndum.
Frá Úlfsstöðum var ferðinni heitið til Stefáns bónda á Útnyrðingsstöðum, þangað höfðu safnast nokkrir hestamenn úr nágreninu sem nýttu sér tækifærið og sýndu Gulla nokkra gripi sem væntanlega mæta til dóms í vor.
Gustsaðdáandi eins ég var ánægð að sjá alla þessa Gustara sem leiddir voru fram á þessum bæ. Góð heimsókn og greinilega mikill hugur í mannskapnum á þessum slóðum.
Næsti viðkomustaður var Hryggstekkur þar ræður ríkjum Guðröður Ágústsson. Það var gaman og einstaklega líflegt að koma í hesthúsið, þar í einu horninu var galandi hani sem reyndi að heilla púddurnar sínar og smalahundarnir voru allt um kring tilbúnir í vinnu hvenær sem færi gafst. Kötturinn röllti svo um til að passa að allt færi vel fram.
Hljómar kannske tvírætt að tala um hesthús með ,,púttnahúsi,, en svona er það nú samt.
Guðröður sýndi okkur nokkur bráðefnileg hross í reið m.a gráa hryssu sem ég hefði gjarnan viljað taka með mér heim. Eins gott að fara vel með svona flottan grip svo að tölurnar í vor verði jafn ánægjulegar og hún lofaði núna.
Næsti viðkomustaður var Höskuldsstaðir í Breiðdal þar tóku á móti okkur heiðurshjónin Pétur og Marietta. Þar áttum við skemmtilegt spjall og þáðum góðar veitingar, húsfreyjan brá sér svo á bak bráðefnilegum syni Hróðurs frá Refsstöðum. Takk fyrir okkur.
Frá Höskuldsstöðum var svo ferðinni heitið áleiðis í Hornafjörð, skyggnið var ekki nógu gott en samt sáum við nokkra hópa af hreindýrum.
Það var gaman fyrir svona heimaling eins og mig að koma á þessar slóðir enda aldrei farið þessa leið. Ég segi stundum í gamni en þó alvöru að ég hafi ekki skoðað Ísland nema þar sem haldin hafi verið hestamannamót.
Næst komum við í Dynjanda til þeirra Hanniar og Tobba þar var allt fullt af hrossum og margt spennandi að sjá. Það verður spennandi að sjá útkomuna hjá þeim í framtíðinni, hún gallharður aðdáandi Hornafjarðarhrossa en hann skyldleikaræktar Hindisvíkurhross.
Svo var það ævintýraland........................sem ég skrifa um í næsta bloggi.
20.3.2010
Spennan eykst.....framhald ferðasögu kemur bráðum.
Hver verða örlög formannsins??????
Hefur þetta eitthvað með Landsmótið í Reykjavík að gera????
Hvað verður með kynbótasýningarnar í sumar?????
Verður auglýst eftir nýjum hrossaræktarráðunauti á næstunni?????
Framhald í næsta þætti......................
19.3.2010
Ferðasagan heldur áfram en gengur hægt.
Egilsstaðir hér komum við........sko mánudagskvöldið 15 mars..............það hefur bara ekki fundist tími til að segja ykkur fréttir. Þið megið ekki skilja það sem svo að við höfu skriðið beint á barinn þegar við komum austur nei ekki aldeilis. Mér fannst þetta borð bara alveg snild og vel til þess fallið að gegna því hlutverki að vera skilti.
Við sem sagt flugum frá Reykjavík síðdegis og smelltum okkur beint á fund þegar við komum austur. Mér hlýnaði nú bara um hjartarætur hversu vel var tekið á móti okkur fyrir austan og alltaf gaman að hitta góða kunningja. Valli og þið öll takk fyrir okkur.
Fundurinn var skemmtilegur og miklar umræður um hin ýmsustu mál.
.................og af því ég er svo hrifin af gömlu dóti þá varð ég að láta þetta fylgja með drauma plötuspilarinn.
Það var eins og ég hefði valið bílaleigubílinn alveg sjálf...............hvað annað en Patrol???
Guðlaugur þorði samt ekki annað en fara vel yfir gripinn................við voru jú að leggja í fjallaferð.
Við byrjuðum á því að líta við hjá ræktendum á Úlfsstöðum, þarna er Guðlaugur að skoða ung stóðhestsefni í blíðunni. Sá grái undan Gusti leit vel út.............já ég er Gustsaðdáandi.
Þau voru falleg folöldin á Úlfsstöðum enda sjáið þið hvað ,,bekkurinn,, var þétt setinn.
Jónas, Úlfsstaðabóndinn, Pétur, Bergur, Kristinn og Guðlaugur.
Þarna er ferðin rétt að byrja og mun ég á næstu dögum bæta við ferðasöguna, einnig er mikið um að vera hjá okkur þessa dagana.
Þannig að ég mun færa ykkur fréttir af sónarskoðun, dómstörfum, aftekningu og ýmsu fleiru.
14.3.2010
Og ferðasagan heldur áfram.
Usssss ...........hundlöt húsfreyja hefur ekki staðið sig vel í fréttaskrifum að undanförnu en nú skal úr því bætt. Verð samt að deila því með ykkur að síðustu sólarhringar hafa verið í styttra lagi ég held jafnvel að einhverjir tímar hafi hreinlega týnst. En nóg um það.
Við vorum komin í Húnavatnssýslurnar þegar ég bloggaði síðast........var það ekki????
Þegar við komum að Blönduósi tók Gunnar bóndi á Þingeyrum á móti okkur og fylgdi okkur um svæðið. Fyrst fórum við í hesthúsið til Tryggva Björnssonar á Blönduósi þar var greinilega nóg um að vera og fullsetið í hverju plássi. Margir kunnir gripir voru þar og einnig margir nýjir sem miklar væntingar eru bundnar við. Við komum líka við hjá þeim Ragnari og Söndru sem reka sína tamningastöð í hesthúsinu við reiðhöllina á Blönduósi.
Frá Blönduósi var svo brunað í Grafarkot til þeirra Herdísar og Indriða þar var mikið um að vera og margir spennandi gripir að sjá. Ekki má gleyma ný endurnýjuðum fjárhúsum sem við skoðuðum auðvitað líka og ekki litu þær dónalega út kindurnar á þeim bænum.
Frá Grafarkoti var farið að Þingeyrum þar var byrjað á því að skoða í hesthúsið undir góðri leiðsögn Gunnars bónda. Eins og við var að búast fengum við konunglegan kvöldverð hjá frú Helgu heimareykt sauðalæri sem að Kristinn er enn að dásama enda ekki skrítið.
Um kvöldið var svo fundur á Blönduósi sem var nokkuð vel sóttur og ljómandi góður.
Að fundi loknum var svo brunað heim eftir skemmtilegan dag.
Takk fyrir okkur Húnvetningar.
Mánudaginn 8 mars var svo haldið af stað á ný en þá var fundur í Reykjavík, ágætis fundur en eitthvað voru nú straumarnir öðruvísi en á fyrri fundunum.
Vonandi verður betra andrúmsloftið á Landsmótinu þar árið 2012.
Þriðjudagsfundurinn var svo haldinn á Hvanneyri þar var góð mæting og skemmtilegur fundur og það sama má segja um miðvikudagsfundinn sem haldinn var á Selfossi.
Nú eru bara tveir fundir eftir í þessari fundaherferð Egilsstaðir og Hornafjörður spennandi dagar fram undan. Nánar um það síðar. Verð líka að standa mig betur með myndavélina.
Annars er það helst í fréttum að við fórum á töltmót í Borgarnesi um helgina. Feðgarnir tóku þátt í mótinu Mummi á Fannari og Skúli á Gosa. Þeir voru bara nokkuð ánægðir með árangurinn og komust þeir félagar Skúli og Gosi í úrslit. Gosi er allur að ná sér af meiðslum sem hann hlaut í fyrravor og er útlitið bara nokkuð gott.
Mummi kom heim í smá helgarfrí og hefur nýtt tímann hér heima vel við að prófa hross og ríða út af kappi. Hann er svo ánægður með dvölina í Steinsholti að hann hefur lítið verið á ferðinni enda um að gera að læra sem mest og nota tímann vel.
Svo er náttúrulega tekur hann foreldrana í gegn og reynir af fremsta megni að herða upp á þeim í reiðmennskunni. Vá hvað er spennandi að vera Hólanemi.
Vorveðrið síðustu daga gerir það að verkum að hér hefur verið riðið út langt fram á kvöld og ekki var nú slæmt að ríða út í þoku og súld framm í myrkur þetta kvöldið.
Hann Lalli okkar kom líka um helgina og var tekin smá sveifla í aftekningum, bara svona til að rifja upp fyrir honum hvernig á að leggja kindur.
Við vorum komin í Húnavatnssýslurnar þegar ég bloggaði síðast........var það ekki????
Þegar við komum að Blönduósi tók Gunnar bóndi á Þingeyrum á móti okkur og fylgdi okkur um svæðið. Fyrst fórum við í hesthúsið til Tryggva Björnssonar á Blönduósi þar var greinilega nóg um að vera og fullsetið í hverju plássi. Margir kunnir gripir voru þar og einnig margir nýjir sem miklar væntingar eru bundnar við. Við komum líka við hjá þeim Ragnari og Söndru sem reka sína tamningastöð í hesthúsinu við reiðhöllina á Blönduósi.
Frá Blönduósi var svo brunað í Grafarkot til þeirra Herdísar og Indriða þar var mikið um að vera og margir spennandi gripir að sjá. Ekki má gleyma ný endurnýjuðum fjárhúsum sem við skoðuðum auðvitað líka og ekki litu þær dónalega út kindurnar á þeim bænum.
Frá Grafarkoti var farið að Þingeyrum þar var byrjað á því að skoða í hesthúsið undir góðri leiðsögn Gunnars bónda. Eins og við var að búast fengum við konunglegan kvöldverð hjá frú Helgu heimareykt sauðalæri sem að Kristinn er enn að dásama enda ekki skrítið.
Um kvöldið var svo fundur á Blönduósi sem var nokkuð vel sóttur og ljómandi góður.
Að fundi loknum var svo brunað heim eftir skemmtilegan dag.
Takk fyrir okkur Húnvetningar.
Mánudaginn 8 mars var svo haldið af stað á ný en þá var fundur í Reykjavík, ágætis fundur en eitthvað voru nú straumarnir öðruvísi en á fyrri fundunum.
Vonandi verður betra andrúmsloftið á Landsmótinu þar árið 2012.
Þriðjudagsfundurinn var svo haldinn á Hvanneyri þar var góð mæting og skemmtilegur fundur og það sama má segja um miðvikudagsfundinn sem haldinn var á Selfossi.
Nú eru bara tveir fundir eftir í þessari fundaherferð Egilsstaðir og Hornafjörður spennandi dagar fram undan. Nánar um það síðar. Verð líka að standa mig betur með myndavélina.
Annars er það helst í fréttum að við fórum á töltmót í Borgarnesi um helgina. Feðgarnir tóku þátt í mótinu Mummi á Fannari og Skúli á Gosa. Þeir voru bara nokkuð ánægðir með árangurinn og komust þeir félagar Skúli og Gosi í úrslit. Gosi er allur að ná sér af meiðslum sem hann hlaut í fyrravor og er útlitið bara nokkuð gott.
Mummi kom heim í smá helgarfrí og hefur nýtt tímann hér heima vel við að prófa hross og ríða út af kappi. Hann er svo ánægður með dvölina í Steinsholti að hann hefur lítið verið á ferðinni enda um að gera að læra sem mest og nota tímann vel.
Svo er náttúrulega tekur hann foreldrana í gegn og reynir af fremsta megni að herða upp á þeim í reiðmennskunni. Vá hvað er spennandi að vera Hólanemi.
Vorveðrið síðustu daga gerir það að verkum að hér hefur verið riðið út langt fram á kvöld og ekki var nú slæmt að ríða út í þoku og súld framm í myrkur þetta kvöldið.
Hann Lalli okkar kom líka um helgina og var tekin smá sveifla í aftekningum, bara svona til að rifja upp fyrir honum hvernig á að leggja kindur.
6.3.2010
Eyjafjörður............ferðasaga.
Þetta fína skilti sá ég í Skagafirði svo skrítið sem það nú er en ég gat ekki annað en myndað það svona til að eiga hugmyndina ef á þyrfti að halda. Gauka kannske hugmyndinni að mínum æviráðna hreppsstjóra........ æi nei þetta er fínnt hjá okkur hér í sveit eins og það er.
Ég hef vellt því fyrir mér hvort þetta skilti hafi eitthvað með val á landsmótsstað að gera........aldrei að vita hvað þar réði för en hver veit ?
En nú ætla ég að halda áfram með ferðasöguna af ferðalaginu góða norðan heiða.
Þegar við höfðum snætt ljómandi morgunverð að hætti Akureyringa brunuðum við í hesthúsahverfi þeirra Léttirsmanna á Akureyri.
Þar hittum við fyrir hressa hestamenn sem voru reyndar að leggja af stað í vikulegan rekstur.
Resktrinum var hinsvegar slegið á frest og í staðinn hellt á könnuna og okkur boðið uppá dýrindis kaffi. Skemmtilegt spjall og sögur úr ,,mislitum,, heimi hestamennskunnar.
Takk fyrir okkur Baldvin Ari og félagar.
Frá Akureyri var svo ferðinni heitið að Skriðu til þeirra Þórs og Sigríðar, þar beið okkar kaffi og skemmtilegt spjall.
Og við sluppum í fjárhúsin líka........... skemmtilegt að skoða gullfallegt fé og ekki síður nýtt hús sem hýsir bæði sauðfé og hross.
Þór sýndi okkur kind sem var sérstaklega lágfætt og lærin eins og alla kokka dreymir um.
Málin rædd Guðlaugur, Kristinn, Sigríður og Þór.
Auðvitað var þessi gullfallega Moladóttir skoðuð vel og vandlega, Guðlaugur ekki daglegur gestur í Skriðu svo það var rétt að nota kappann.
Skriðuhúsfreyjan og Kristinn fylgjast vel með, já það var mjög gaman að koma í Skriðu og ræða við ábúendur þar og ekki síður skoða nýbyggt og skemmtilegt hús.
Þá var ferðinni heitið í Húnavatnssýsluna, meira um það síðar.
6.3.2010
Skemmtileg kvöldstund með Rúnu Einars.
Hann var brosmildur formaður Skugga í kvöld enda ekki skrítið í svona góðum félagskap.
Félag tamningamanna í samstarfi við Félag hrossabænda stóð fyrir viðburði með Rúnu Einars sem haldinn var í félagsheimili Skugga í Borgarnesi.
Rúna flutti fróðlegan og afar skemmtilegan fyrirlestur og hreyf svo sannarlega gesti með sér sem kunnu vel að meta það sem hún hafði fram að færa. Sagði hún meðal annars frá sambandi sínu og gæðingsins Freys sem hefur verið hennar aðal keppnishestur síðustu ár. Kom fram að sambandið hafi ekki alltaf verið báðum þóknanlegt og jafnvel stirt á köflum en engu að síður skilað góðum árangri. Sagði Rúna frá hvernig hún þjálfaði og fóðraði Frey og byggði hann upp fyrir keppni. Margt annað kom fram m.a ræddi hún tæpitungulaust um dómstörf og keppni einnig rifjaði hún upp kynni sín af Orra frá Þúfu og Dimmu frá Gunnarsholti.
Þessir herrar vöskuðu upp með bros á vör.................og ekki af ástæðulausu.
Spekingar spjalla......................Finnur og Marteinn ræða heimsmálin og vonandi bjarga þeim líka. Spurning að setja þá í Icesavesamningana..................????
Bændur á Oddsstöðum létu sig ekki vanta Sigurður Oddur og Guðbjörg.
5.3.2010
Ferðasaga fyrsti hluti
Þarna er formaður Félags hrossabænda Kristinn Guðnason að taka út gæðingshryssu hjá henni Heklu dóttur sinni. En þær tóku sýningu fyrir okkur þegar við komum að Hólum, sýningin heppnaðist með miklum glæsibrag og alveg ljóst að þær eru bráðefnilegar báðar tvær.
Eins og þið hafið kannske tekið eftir þá hefur húsfreyjan verið að heiman og því ekki skrifað neinar fréttir um nokkurt skeið. En nú er ætlunin að bæta þar úr.
Nú stendur yfir mikil fundaherferð sem ég hef tekið þátt í fyrir hönd Félags tamningamanna.
Við lögðum uppí ferð síðasta þriðjudag. Ég frá FT, Guðlaugur Antonsson hrossaræktarráðunautur Bændasamtakanna og Kristinn Guðnason formaður Félags hrossabænda. Ferðinni var heitið norður í land til að vera frummælendur á þremur fundum sem haldnir voru á Sauðárkróki, Akureyri og Blönduósi.
Í næstu viku heldur svo ferðin áfram og þá verða fundir í Reykjavík, Hvanneyri og Selfossi.
Fyrsti fundurinn var haldinn á Sauðárkróki og var nokkuð fjölmennur. Þar sem að þetta var fyrsti fundur var mannskapurinn aðeins að slípa til lengd og efni á framsögunum.
Góðar umræður urðu og almennt gott hljóð í hestamönnum í Skagafirði.
Að fundi loknum var brunað í Miðsitju þar sem við gistum fyrstu nóttina, húsráðendur þar eru Eyþór Einarsson og Þórdís Sigurðardóttir. Við fengum höfðinglegar móttökur og ekki skemmdi fyrir að húsfreyjan á gullfalega og skemmtilega læðu sem ekki væri slæmt að eignast ,,kattakynbótagrip,, undan við tækifæri.
Þarna sjáið þið glæsigripinn sem mér leist svo vel á og ekki skemmdi fyrir að hugsanlega er hún frænka Salómons svarta.
Á miðvikudagsmorgun hófst svo mikil yfirreið um Skagafjörðinn þar sem við komum við á nokkrum stöðum.
Frá Miðsitju fórum við að Flugumýri til þeirra Páls Bjarka og Önnu, Páll sýndi okkur bráð efnilegan fola undan heimsmeistaranum Krafti frá Bringu. Það er ljóst að mikill hugur er í þeim hjónum hvort sem er varðandi ferðaþjónustuna eða landsmót á komandi sumri.
Frá Flugumýri fórum við að Hólum, þar byrjuðum við á að fylgjast með samverustund reiðkennaranna sem fer oftast fram á miðvikudagsmorgnum. Þá hittast þeir allir með hesta og bera saman bækur sínar. Að því loknu fórum við í hesthúsið og skoðuðum gripi og hittum nemendur. Kristinn notaði tækifærið og skoðaði hrossin sem að dóttirin er með í þjálfun og mutum við hin góðs af því.
Sum hrossin voru dæmd meira en önnur......Guðlaugur, Hekla, Sveinn Ragnarsson og Kristinn.
Mér finnst alltaf jafn gaman að koma að Hólum en reyndar vantaði Mumma, svona miðað við undan farnar heimsóknir.
Frá Hólum var ferðinni heitið að Sleitustöðum þar beið okkar dekkað borð með frábærum veitingum. Þar áttum við skemmtilegt spjall við húsráðendur og þar öðlaðist ég fullkominn skilning á því afhverju þetta er staður sem skapast hefur hefð að heimsækja í þessum árlegu fundarferðum.
Næst var brunað að Þúfum þar sem að Gísli bóndi sýndi okkur margan glæsigripinn og mikið var spjallað og spáð í hrossarækt.Alltaf gaman að koma þangað.
Rikka , Bjarni og Kristinn ræða málin.
Þarna erum við komin að Narfastöðum, þar ræður ríkjum Bjarni Jónasson sem tók vel á móti okkur og sýndi okkur marga álitlega gripi meðal annars gæðinginn Kommu frá Garði.
Komma og Bjarni voru að undirbúa sig fyrir keppni í KS mótaröðinni um kvöldið.
Frá Narfastöðum fórum við í Skörðugil til þeirra Elvars og Fjólu þau voru að sjálfsögðu í hesthúsinu og sýndu okkur tvo efnilega fola.
Við Kristinn eru forfallnir sauðfjáráhugamenn og fengum við að sjá gullfallegt fé hjá þeim Skörðugilsbændum. Í þessari ferð hefur það sannast að flestir hrossaræktendur og tamningamenn hafa líka brennandi áhuga á sauðfé.
Nánar um það síðar.
Frá Skörðugili var brunað norður til Akureyrar þar sem fundur var haldinn í Hlíðrbæ.
Framhald af ferðasögu birtist við fyrsta tækifæri.
Munið svo fyrirlestur Rúnu Einars í Félagsheimili Skugga í kvöld kl. 19.00
27.2.2010
Ja hérna.
Þessi dama fór í smá veikindafrí og notar það vel er fylfull við Aldri frá Brautarholti.
Annars er allt gott að frétta úr hesthúsinu verð meira að segja að vera þakklát fyrir risjótt veður nokkra dag því þá komst skikk á járningamálin.
Svo eru bara nokkuð mörg skemmtileg verkefni sem liggja fyrir í hesthúsinu.
Mér finnst íslendingar skemmtilegir...........................
Einu sinni voru allri bara venjulegir stunduðu vinnu, fóru í frí, áttu áhugamál, voru stundum blankir og stundum ríkir. Sem sagt uppfylltu öll skilyrðin sem var svo vel komið fyrir í einni setningu. Vinna, sofa og éta.......stundu var svo einhverju fleira smellt með í setninguna á tillidögum.
Svo kom tímabilið sem aldrei ,,gat,, breyst og átti að vara til eilífðar...............allir ríkir og allir höfðu vit á öllu og ef ekki þeir þá vissi ,,besti,, vinurinn það. Ef að maður leyfði sér að efast um eitthvað þá var það bara vanþekking af því að búa í fjöllunum.
Allir áttu að kaupa hlutabréf í banka það gat ekki klikkað................en það klikkaði.
Allir áttu að keyra á heilsársdekkjum annað var rugl..............jafnvel þó þau væru ekki að gera sig og virkuðu ekki í hálku.
Allir áttu að vernda náttúruna................en trilltu á trukkum alla daga, sóuðu og flugu svo heimshornana á milli en friðuðu samviskuna með moltutunnu í garðinum.
Allir áttu að borða hollt og það var að sjálfsögðu best ef að það var langt að komið og allir áttu að fara í megrun jafnt vænir sem rírir.
En hvar stöndum við í dag ????
Okkur langar ekki að eiga banka.
Við erum skítblönk.
Við verðum að keyra á nöglum því við höfum ekki efni á tjóni.
Við svínum á náttúrunni...............og þó ?
Trukkurinn minnkar og breytist í Yaris, við fljúgum í huganum og seljum helv.... moltutunnuna.
Við etum það sem að kj.... kemur, látum bara engan sjá þegar við borðum óhollt og segjum ekki frá því.
Þorum ekki í megrun og friðum samviskuna með því að segja ,,lífið er yndislegt,,
Eigið góðar stundir elskurnar.
24.2.2010
Í þá gömlu góðu daga.
Rollukellingin Sigrún að gefa Golsu sinni að drekka, takið eftir fína stígvélinu sem var ,,krummafótur,, af stæðstu gerð svona fimm númerum of stórt.
Myndin er tekin fyrir örfáum árum.......... en þó á seinni hluta síðustu aldar.
Þrátt fyrir þó nokkur afrek í hesthúsinu í dag var ég rollubóndi í huganum stóran hluta dagsins. Það kom fyrst og fremst til af því að ég fékk lambanúmerin í pósti frá henni Ástu í dag og er þar með létt af mér eins og einu stresskasti fyrir sauðburðinn. Alltaf gott að hafa hlutina klára svona fyrir alvöru stríð. Eins hef ég verið að fara yfir niðurstöður úr sauðfjárbókum og eins og í öðru ræktunarstarfi verður að huga að grisjun. Helst er ég að horfa í hrútahópinn með stóru gleraugunum en hef ekki komist að ásættanlegri niðurstöðu ennþá.
Já rollubækurnar voru snemma spennandi fræði ekki síður en hrossafræðin. Ég er samt ekki viss um að hafa verið til mikils gagns við rollufræðin á þessum árum.
Ragnar frændi minn sýndi samt ótrúlega þolinmæði eins og honum einum er lagið.
Kattatamningar...... já þær eru sko ekkert grín hvort heldur maður er fimm ára eða eitthvað svolítið meira. Mímí nokkuð sátt þó svo að temjarinn hafi fengi sér blund.
Alltaf svo gaman að rifja upp gamla og góða daga þegar ekkert óyfirstíganlegt angraði mann.
23.2.2010
Kuldaboli bítur mig.
Þarna eru þeir félagar Mummi og Dregill frá Magnússkógum á góðum degi en Dregill er nú kominn á járn. Hann hefur verið í góðu fríi og nú hefjast bara megrunnar og mýkingaæfingar.
Hann er einn af þessum skemmtilegu Gustsbörnum sem ég var að tala um í gær.
Þarna eru svo Mummi og Dregill, Skúli og Freyja frá Lambastöðum að ríða út í blíðunni.
Þetta var heldur kaldur dagur svo það var bara tekið á því í járningunum ekki veitir víst af.
Það er eins með járningarnar og vikudagana mér finnst alltaf vera mánudagur og mörg hross komin að járningu. En þó nokkur afrek voru unnin í þeim málum í dag.
Mér hefur verið talin trú um að einungis sér og hámenntaðir snillingar geti járnað einkaleikfang húsfreyjunnar Sparibleik svo vel sé. Er reyndar farin að efast um þetta held að þetta komi frekar til af því að þeir sem séu samtíða okkur Sparibleik dags daglega telji það mun friðvænlegar að bera ekki persónulega ábyrgð á verkefninu ef að illa fer.
Játa fúslega að andrúmsloftið var frekar spennuþrungið síðasta sumar þegar skeifur, botnar og hálfir hófar fuku út um víðan völl og húsfreyjan ekki búin að nota gripinn eins og hún ætlaði sér. Nú er bara að bíða og sjá hvort að einhver birtist og bíður fram þjónustu sína til að bjarga hófum og heimilisfriði.
Nú er bara að vona að það verði gott veður á næstunni nóg er að gera í hesthúsinu svo líður tíminn svo hratt að innan tíðar brestur á með rúningi, páskum og Guð veit hvað.
Bara svona í lokin...............það væri nú gaman ef að þið smelltuð inn línu í gestabókina hjá okkur.
23.2.2010
Hann Colgatekallinn.
Þið haldi vafalaust að þetta sé auglýsing frá Colgate en svo er nú ekki, þetta segir bara til um ástand húsfreyjunnar þegar hún er að skrifa þessar línur........frekar sibbin.
Ljómandi góður dagur að baki gott veður og mörg hross hreyfð svo bættist líka við í ,,Gustssafnið,, hjá okkur svo að dagurinn var ánægjulegur. Þó svo að ég dragi ekki hross í dilka eftir ætterni verð ég samt að játa fyrir ykkur einlæga aðdáun mína á afkvæmum Gusts frá Hóli. Það er sannarlega ekki ytri fegurð sem ræður þar mestu heldur þetta skemmtilega samvinnufúsa geðslag og góða ganglag. Hér voru eitt sinn 9 Gustsafkvæmi á sama tíma í heshúsinu þá var gaman. Gustsafkvæmi eru ekki gallalaus frekar en við hin en hreinlega mín uppáhalds.
Ég brunaði í gær norður á Blönduós með tveimur skemmtilegum fylgdarsveinum, erindið var að sækja endurmenntun íþróttadómara. Það var gaman að fara norður í svona björtu og fallegu vetrarveðri. Námskeiðið var ljómandi gott og farið yfir þau mál sem oft hafa orðið út undan við samhæfingu dómara. Mesta áherslan var löggð á gæðingaskeið og slaktaumatölt.
Svo er alltaf gaman að hitta aðra dómara, spjalla og bera saman bækur sínar.
20.2.2010
Frjálsar ástir í Kolbeinsstaðahreppi og sitthvað fleira.
Þeir væru sennilega nokkrir herrarnir sem vildu hafa svona prúðan hnakka á efri árum eins og hann Ríkur minn, ekkert tungl þar.
Já það er margt sem er fréttnæmt þessa dagana en eitt er það sem núna ber hæðst hér á bæ.
Ég var svo sem ekkert sérlega hrifin en hef ákveðið að taka þessu með bros á vör eins og sannri konu sæmir. Svo er auðvitað gott að fá stundum aðra vexti en dráttarvexti og þetta eru sannarlega innlánsvextir af einstakri gerð.
Þannig er að eftir að hún Viðja kom í leitirnar hefur nú ýmislegt á daga hennar drifið meðal annars hefur hún leikið í heimildarmynd þar sem enginn annar en Gísli Einarsson leikstýrði og verið tamin í rúman mánuð með góðum árangri. Jafnvel svo góðum að ég sá ástæðu til að bjóða Mumma á bak um daginn til deila ánægju minni með árangurinn.
Hann tók þennan fína prufutúr og var eins og ég nokkuð viss um skemmtilegt og árangursríkt framhald. Góðar hreyfingar, vilji, þjálni.............og mikill kraftur.
En að undanförnu hefur samræmiseinkunin sem komið hefur uppí hugann alltaf verið að lækka og lækka og lækka. Varða að lokum svo lág að ég hringdi í Rúnar dýralæknir og óskaði liðsinnis. Þið haldið vafalaust að ég eigi við lýtaaðgerð eins og voru svo sjálfsagðar í góðærinu að nær sjálfsagt var að fara freka í tvær en eina jafnvel þó engin væri þörfin.
Nei þetta var meira svona mæðraskoðun.............og er skemmst frá því að segja að Rúnar prísaði sig sælan að ekki væri sparkað í hann við rannsóknina.
Það hefur því komið í ljós að Viðja var ekki í tilgangslausu ferðalagi þegar hún týndist heldur í hinni eilífu leit að draumaprinsinum sanna. Hvort að hann hefur fundist skal ósagt látið en allavega hefur hún séð ástæðu til að kanna hæfni einhvers folans og úr því hefur allavega eitthvað orðið. Hver hann er kemur sennilega seinnt í ljós en til að hafa allt sem ábyggilegast verður væntanlegur gripur skráður eitthvað á þessa leið í Worldfeng: Halldór Gestur frá Hallkelsstaðahlíð, faðir Bestur frá Kolbeinsstaðhreppi móðir Viðja víðförla frá Hallkelsstaðahlíð. Gripurinn verður allavega mánaðartaminn þegar hann kemur í heiminn.
Það verður svo einhverntímann undir vor sem dregur til tíðinda og verða þeim þá gerð skil hér á síðunni.
Hópurinn góði sem fór saman í hestaferð og Laufskálarétt átti góða kvöldstund saman í Borgarnesi í gær. Alltaf svo gaman að hittast og rifja upp góðar minningar hvort sem þær eru úr ferðunum eða bara frá gömlu góðu árunum í Sparisjóði Mýrasýslu. Takk fyrir frábæran hitting ættum nú að gera þetta miklu oftar.
Í dag var svo riðið út í kuldanum, vorum svo heppin að vera boðin í kaffi í því efra þar sem á borðum var Guðdómlegt Stellubakkelsi. En þær mæðgur Stella, Hildur og Daniella komu í gær að skila Lóu úr afmælisleiðangrinum.
19.2.2010
Menn já bæði þing og hesta.
Vetur konungur hefur aðeins rifjað upp með okkur undanfarna daga að enn er bara febrúar og ekki tímabært að reikna með því að ríða út á peysunni alla daga.
Verð þó að segja að áminningin er mjög pen bara lítið frost, smá föl og gjóla.
Í fyrra kvöld brá ég mér á fund í Borgarnesi aðalerindið var að hlusta á nokkra þingmenn deila sínum hugleiðingum. Maður getur svo sem ekki búist við neinum skemmtierindum þessa dagana en alltaf gott að fylgjast með og kanna hvort að mannskapurinn sé enn með hugann við efnið. Og síðast en ekki síst að menn hafi rokið af stað til að finna draumahlutverkið í eigin leikriti og í framhaldi af því á hröðu flugi frá ,,sínu,, fólki.
En það var í góður lagi með þessa þingmenn hvort sem þeir komu úr suðurkjördæmi eða norðvestrinu okkar. Sérstaklega var ég ánægð með Gunnar Braga sem var greinilega alveg jarðfastur og ekki í neinum ábyrgðarleik heldur í góðu sambandi við mannskapinn.
Það voru svo tamningamenn sem ég fór til fundar við í gærkvöldi þegar við í stjórn Félags tamningamanna hittumst og funduðum. Við erum reyndar orðin mjög tæknivædd allavega svona á hestamannamælikvarða. Herdís okkar Reynisdóttir býr erlendis en var svo sannarlega með okkur á þessu fundi því við voru í sambandi við hana í gegnum skype.
Þórarinn Eymundsson var svo í símanum þar sem að þau heiðurshjón áttu von á barni og því ekki óhætt að fara langt frá Sauðárkróki. Enda kom á daginn að það hefði alls ekki verið óhætt því þeim fæddist dóttir í nótt. Innilega til hamingju með barnið Tóti og Sigga.
Af fundinum er það m a að frétta að afmælishátíð Félags tamningamanna verður hadin í haust, ákvörðun var tekin um það í síðustu viku. Var fólk sammála um að hátíð eins og við höfðum hugsað okkur ætti ekki heima á þeim tíma sem hvað mest er að gera hjá tamningamönnum. Verður því blásið til veglegrar afmælishátíðar í haust og nefnd komin á stað með undirbúninginn. Nokkrir viðburðir eru fram undan hjá félaginu og má þar nefna fyrirlestur Rúnu Einarsd Zingsheim og námkeið og fyrirlestur Guðmundar Einarssonar.
Svo eru mörg fleiri má sem er verið að vinna í og verða vonandi sýnileg innan tíðar.
Það er ánægjulegt hvað atvinnuástandið í hestamennsku virðist vera stöðugt og vonandi að svo haldi áfram. Ekki veitir af að eitthvað haldist á réttu róli í þjóðfélaginu og hvað er betra til bjargar en íslenski hesturinn?
16.2.2010
Bolla.....búmmmm.......sprakk
Rok og fjúk.............birrrr.... kalt er þetta ekki típíst byrjuð að kvarta strax kellan um leið og sólin og lognið fara í smá frí. Nei ekkert kvart þetta er fínnt og það sem ekki drepur það herðir. En samt............ég verð að tuða smá vildi ég nú hafa blíðuna sem var í síðustu viku.
Á sunnudaginn fóru tvær skemmtilegar dömur úr hesthúsinu heim til sín sem er svo sem ekki í frásögu færandi. En það verður að viðurkennast að sumra er meira saknað en annara.
Það er tilhlökkunnar efni að eiga von á þeim aftur undir vorið.
Stían þeirra var fljót að fyllast og bara spennandi gripir sem komu í staðinn.
Síðustu dagar hafa verið sannkallaðir ofátsdagar í gær var slegið í bollur og það var sannarlega rokinu að kenna nú eða þakka að tegundirnar urðu þrjár. Gömlu góðu vatnsdeigs sem eru alveg nauðsynlegar, gerbollurnar hefðbundnu og síðan var það frumraun mín í Holakerbollunum góðu. Til nánari útskýringa þá eru það bollur sem ein góð vinnkona mín bakar við afar góðan orðstír, slógu t.d alveg í gegn á Hólum. Gömul uppskrift frá Noregi sem krefst bæði þolinmæði og biðlundar............svona, svona ekki hlæja ég gat bakað þær. Þær urðu samt svolítið vel við vöxt og mannskapurinn sem að mætti í kaffi gerði grín að þeim og haft var á orði að ég hefði rugglast á brauði. En þegar að fyrsti bitinn hafði verið tekinn var ég vinsamlegast beðin að hafa þær svona stórar framvegis það veitti sko ekki af. Þær eru sem sagt Guðdómlegar með jarðaberjum, súkkulaði og rjóma.
Já það hefur margt gott komið hingað með góðu vinnufólki.
Í dag var það svo saltkjötið og baunirnar sem heppnuðust með ágætum og verða enn betri upphitaðar á morgun.
Ég sem sagt borðaði bollur í gær, saltkjöt og baunir í dag og vitið þið hvað ????
Er ekki með snefil af samviksubiti enda væru ekki til nema örfáir íslendingar ef að þetta væri svona skelfilega óhollt eins og mjóa fallega fólkið segir.
Á sunnudaginn fóru tvær skemmtilegar dömur úr hesthúsinu heim til sín sem er svo sem ekki í frásögu færandi. En það verður að viðurkennast að sumra er meira saknað en annara.
Það er tilhlökkunnar efni að eiga von á þeim aftur undir vorið.
Stían þeirra var fljót að fyllast og bara spennandi gripir sem komu í staðinn.
Síðustu dagar hafa verið sannkallaðir ofátsdagar í gær var slegið í bollur og það var sannarlega rokinu að kenna nú eða þakka að tegundirnar urðu þrjár. Gömlu góðu vatnsdeigs sem eru alveg nauðsynlegar, gerbollurnar hefðbundnu og síðan var það frumraun mín í Holakerbollunum góðu. Til nánari útskýringa þá eru það bollur sem ein góð vinnkona mín bakar við afar góðan orðstír, slógu t.d alveg í gegn á Hólum. Gömul uppskrift frá Noregi sem krefst bæði þolinmæði og biðlundar............svona, svona ekki hlæja ég gat bakað þær. Þær urðu samt svolítið vel við vöxt og mannskapurinn sem að mætti í kaffi gerði grín að þeim og haft var á orði að ég hefði rugglast á brauði. En þegar að fyrsti bitinn hafði verið tekinn var ég vinsamlegast beðin að hafa þær svona stórar framvegis það veitti sko ekki af. Þær eru sem sagt Guðdómlegar með jarðaberjum, súkkulaði og rjóma.
Já það hefur margt gott komið hingað með góðu vinnufólki.
Í dag var það svo saltkjötið og baunirnar sem heppnuðust með ágætum og verða enn betri upphitaðar á morgun.
Ég sem sagt borðaði bollur í gær, saltkjöt og baunir í dag og vitið þið hvað ????
Er ekki með snefil af samviksubiti enda væru ekki til nema örfáir íslendingar ef að þetta væri svona skelfilega óhollt eins og mjóa fallega fólkið segir.
13.2.2010
KB liðakeppnin er hafin.
Hvernig er það á ekkert að færa okkur rúllur í dag????
Í dag var brunað í Borgarnes og setið frá 12-18 og horft á hross, eins og það hafi nú ekki skeð áður. Ó jú oft og mörgum sinnum en alltaf jafn gaman, ætli sé hægt að fá eitthvað við þessu?
Þetta fyrsta mót í KB mótaröðinni var afar vel heppnað mikil þátttaka, feiknasterkir hestar og margir áhorfendur mættir til að fylgjast með og hvetja sín lið.
Úrslitin voru vafalaust góð en ég var nú svo sem ekki mikið að spá í þau heldur að skoða góð hross og fallega reiðmennsku. Það er gaman að sitja í stúkunni og hugsa og skoða ábyrgðarlaust þ e a s vera ekki að dæma. Þá getur maður leyft sér að eiga uppáhaldshross og knapa. Verð þó að nefna úrslit sem ég var afar ánægð með en það var sigur þeirra Sólons frá Skáney og Hauks Bjarnasonar. Flottir saman að vanda til hamingju Skáneyjarfólk.
Mig langar líka að deila með ykkur nöfnum á nokkrum hestum sem að mér fannst gaman að sjá í dag þó svo ég hafi marg oft séð þau..............en takið eftir bara nokkrum það voru miklu fleiri flottir. Og svo öll þau hross sem ég hafði ekki áður séð.
Sunna frá Grundarfirði vekur alltaf athygli mína svona rúm og hreyfingafalleg, kannske ekki í sínu besta formi en alltaf gaman að sjá hana. Snild frá Hellnafelli sjarmatröll og skiljanlega eitt af uppáhaldaleikföngunum hennar Kollu, skil vel að folaldseignum hafi verið frestað. Elva frá Miklagarði ganglag hreinlega eins og öllum vantar þarf ekki að segja meira um það.
Biskup frá Sigmundarstöðum ganglag, mýkt og þjálni alltaf eftirtektarvert, þau eru svo flott saman hann og Sigrún Rós. Gæðingurinn Mósart frá Leysingjastöðum hvað er hann eiginlega búinn að vera góður í mörg ár ? Alveg rosalega mörg fyrst hjá Hrafnhildi og síðan hjá syninum. Sólon frá Skáney fjórgangari í dag fimmgangari á morgun viljum við það ekki öll?
Smá hugleiðingar og upprifjun á því sem að ég sá í dag.
Á morgun eru að fara hestar og koma hestar, alltaf eitthvað að gerast í Hlíðinni.
12.2.2010
Kennslusýning og latur bloggari
Þriðjudaginn 9 febrúar hélt Félag tamningamanna í samvinnu við þrjá unga reiðkennara kennslusýningu í reiðhöllinni Borgarnesi. Þetta vor þau Haukur Bjarnason, Randi Holaker og Heiða Dís Fjeldsted. Eins og við var að búast stóðu krakkarnir sig með mikilli prýði og gerðu þessa kvöldstund bæði fróðlega og ánægjulega.
Reiðkennararnir komu greinilega vel undirbúnir fyrir sýninguna og tóku fyrir mismunandi atriði með góða og vel tamda hesta. Það var gaman að fylgjast með þeim og sjá þau fara vítt og breitt allt frá upphafi tamningar til skeiðþjálfunnar og notkunar á íslenskum stöngum.
Á annað hundrað manns mættu til að fylgjast með og sumir langt að komnir.
Takk fyrir skemmtilegt kvöld flottu reiðkennarar það er spennandi að mæta á námskeið til ykkar.
Það var þétt setinn bekkurinn í þessari frábæru reiðhöll og áhorfendur spenntir að fylgjast með.
,,Hallarforsetinn,, og vinnufólkið í Steinsholti skemmtu sér vel.
Hressar hestakonur úr Borgarfirði og af Skaganum.
.........og enn fleiri hestamenn voru mættir.
Þau náðu sko alveg athyggli krakkarnir....................
Svo var spjallað á milli atriða.......örugglega um spennandi stóðhesta.
Lárus ætlar ekki að tapa af neinu og er frekar þungbúinn...........ætli það sé skeiðið???
Það er heldur léttara yfir Jóni............það gera stangirnar.
Sveinbjörn .....maður hugsar ekki um bæjarmálin allan sólarhringinn.....jú jú ætli það veiti af.
Og þarna eru stelpurnar á fremsta bekk að spjalla saman.
Eins og þið hafið séð hef ég verið löt að skrifa fréttir í vikunni en það hefur samt ýmislegt verið framkvæmt fyrir utan það að fara á þessa fínu sýningu.
Síðasta sunnudag var allt stóðið rekið inn og gefið ormalyf, mikið var tekið af myndum við það tækifæri sem að ég mun setja hér inn við fyrsta tækifæri.
Eins stendur til að mynda folöldin en ég lofa samt ekki að það verði alveg á næstunni.
Í gær brunaði ég upp að Miðfossum þar sem fyrsta vetrarmót Grana var haldið. Það var skemmtilegt mót með þó nokkrum skráningum og bara gaman að þula og skoða nýja hesta.
Vorveður hefur verið alla vikuna sem hefur verið kærkomið til útreiða, ég veit ekki hvað yrði úr manni ef að það kæmi allt í einu vetur.
8.2.2010
Meira af þorrablóti og munið kennslusýninguna.
Jæja þá er það smá viðbót af þorrablótsmyndum, þessi mynd heitir.....stungið saman nefjum. Hjónakornin Hrannar og Björg.
Þarna er beðið eftir matnum og að sjálfsögðu var reynt að múta einum úr nefndinni.
Þarna er ráðherra ekillinn Magnús Magnússon sem að kom sterkur inn með snildar kveðskap úr eigin fórum.
Svo eru þarna fastagestir á þorrablóti Sesselja í Haukatungu og Herdís og Reynir úr Borgarnesi.
Hljómsveitinni bættist óvæntur liðsstyrkur............já þær eru efnilegar þessar flottu Hólameyjar.
Ég veit ekki eftir hverju þessar voru að bíða................en allavega átti það að koma af himnum ofan.
Og hér að lokum getið þið séð hvað fólk leggur mikið á sig til að mæta á þorrablót.........labbar sveitina á enda til að geta blótað þorra með okkur:)
Það er búið að vera líflegt í hesthúsinu og mikið riðið út, einnig eru myndir af nýjum söluhrossum í vinnslu. Margt nýtt að koma á skrá ....................þegar húsfreyjan kemur því í verk að setja inn myndir og upplýsingar. Ef að ykkur leiðist að bíða þá er bara að mæta í hesthúsið og skoða verið hjartanlega velkomin.
Að lokum vil ég benda ykkur á stórskemmtilega kennslusýningu sem haldin verður í reiðhöllinni Borgarnesi á morgun kl 20.00
Þar koma fram í samvinnu við Félag tamningamanna ungir og efnilegir reiðkennarar þau Haukur Bjarnason, Heiða Dís Fjeldsted og Randi Holaker.
Aðgangi verður stillt í hóf og er kr 1.000.- frítt fyrir 12 ára og yngri.
Skuldlausir FT félagar fá frían aðgang.
Sjáumst vonandi sem flest.
7.2.2010
Þorrablót í Lindartungu.
Þá er frábært þorrablót að baki já örugglega eitt af þeim bestu með troðfullu húsi og frábærum mat sem eins og oft áður kom frá Guðmundi í Venus og hans fólki.
Skemmtiatriðin voru fín fréttaauki úr Kolbeinsstaðahreppi unnin af þorrablótsnefndinni og stílfærð af Gísla Einarssyni frétta og út og suðurmanni.
Síðan söng Magnús ráðherraekill Magnússon skemmtilegar vísur sem hann hafði sett saman um sveitungana. Mummi og Sparisjóður fengu sinn toll af kveðskap og væri gaman að hafa uppá honum og smella hér inn. Að lokum spiluðu sprækir sauðfjárbændur og skógarpúkar fyrir dansi sem stóð nærri því fram á næsta dag.
Myndavélin var með í för og verður afraksturinn týndur hér inn á næstunni.
Þó fyllsta velsæmis gætt...................
Já skemmiatriðin voru spennandi...............Astrid, Guðbjörn, Jóhanna og Jón.
...........Sigfríð, Þóru, Ölmu og Mumma fannst líka gaman.
Þessi voru bara sæt og stillt.................sko þarna.
Það var líka gaman hjá þessum Astrid og Guðbjörn.
Þá var það biðröðin..........sumir biðu svo lengi að þeir skruppu saman af hungri. Í öfugri röð Ásberg, Siguroddur(samanskroppinn), Lalli, Gísli og Guðbjörg.
Brjálaði handboltadaninn borðaði svið af mikilli innlifun..................eins og sjá má.
Þarna voru líka góðir fulltrúar af Skógarströndinni Jóhanna og Jón Zimsen Leitishjón hress að vanda.
Það fór vel á með Skúla og sauðburðarkonunni......................
Svo var að sjáfsögðu dansað af líf og sál................................
.............og þessi voru sko í stuði Lalli og Astrid í sveiflu.
Svo voru heimsmálin rædd og lagt á ráðin fyrir næstu leitir.
Já þetta var frábært þorrablót.
3.2.2010
Notalegt.
Smá sýnishorn af notalegum folaldamyndum frá 2008.
Ummmm............. gott að hafa mjúka mömmu til að halla sér að, þarna eru Tryggð og Tryggur og svo baksvipurinn á Kolamola.
Jæja hvað er að frétta í dag ?
Nú.......ég var ekki búin að frétta það......................
Við hefðum alveg mátt vita það....................
En nú skal ég segja þér magnaða sögu.................komdu aðeins nær ég þarf að hvísla.
Snekkja og Jarpur Glottabörn árið 2008.
2.2.2010
Súrt og sætt
Erilsamur dagur senn á enda, já það er alltaf þreytandi að æða á milli staða í höfuðborginni.
Ég brunað sem sagt til Reykjavíkur eldsnemma í morgun því ég hafði fengið boð um að mæta á stjórnarfund hjá Félagi hrossabænda í Bændahöllinni.
Við áttum góðan fund um hin ýmsu málefni og alltaf gaman að hitta hressa hrossabændur.
Samstarfið er ánægjulegt og þá er það að sama skapi líklegt til árangurs.
Með mér í för til höfuðborgarinnar var líka hún Lóa frænka mín sem ákvað að eyða 80 ára afmælisdeginum sínum á morgun í borginni.
Til hamingju með daginn Lóa vonandi verður hann góður og ánægjulegur hjá þér.
Hér heima var riðið út af miklu kappi í blíðunni en án húsfreyjunnar sem verður að bæta fyrir flakkið á morgun.
Ég fór á fund í Laugargerðisskóla í gær þar sem Byggðasamlagi um rekstur skólans var slitið og undirritaður nýr þjónustusamningur milli Eyja og Miklaholtshrepps og Borgarbyggðar.
Samningurinn felur í sér að Eyja og Miklaholtshreppur tekur að sér rekstur skólans en Borgarbyggð kaupir þjónustu fyrir börnin úr gamla Kolbeinsstaðahreppi.
Það voru blendnar tilfinningar sem fylgdu þessum gjörningi. Annars vegar ánægja með að Eyja og Miklaholtshreppur ætli að halda rekstrinum áfram og bjarga því að skólinn verði lagður niður. Hinsvegar gríðarleg vonbrigði með svikin loforð og flaustursleg vinnubrögð sem verða sennilega frekar til þess að spilla friði en spara peninga í mínum sveitarfélagi.
Ég vona bara að rekstur skólans gangi sem allra best og Möllerinn hreki ekki Eyja og Miklaholtshrepp saman við einhvern þéttbýlisstaðinn í bráðu fljótræði.
En að léttara hjali......................og auðvita um okkur Kolhreppinga.
Ég heyrði það í útvarpinu í dag að klukkan á Íslandi er vitlaus, alltof fljót. Þar kom líka fram að þessi tímamunur hefur slæm áhrif á sálarheill fólks og getur rugglað það ærlega í ríminu.
Þessu var slegið upp eins og þarna væri um eitthvað stórmerkilegt og nýuppfundið fyrirbæri að ræða. En þetta kom okkur Kolhreppingum ekkert á óvart.
Oft hefur verið deilt á okkur Kolhreppinga fyrir að við værum róleg á morgnana og jafnvel fengið viðurnefni eins og ,,hálfellefuhreppurinn,,
Nú hefur heldur betur komið í ljós að þessi unaðslegu rólegheit er eingöngu til komin vegna meðfæddra hæfileika til að vita hvað tímanum líður.
Nú styttist óðum í þorrablót og tilhlökkunin farin að segja til sín.
Ég brunað sem sagt til Reykjavíkur eldsnemma í morgun því ég hafði fengið boð um að mæta á stjórnarfund hjá Félagi hrossabænda í Bændahöllinni.
Við áttum góðan fund um hin ýmsu málefni og alltaf gaman að hitta hressa hrossabændur.
Samstarfið er ánægjulegt og þá er það að sama skapi líklegt til árangurs.
Með mér í för til höfuðborgarinnar var líka hún Lóa frænka mín sem ákvað að eyða 80 ára afmælisdeginum sínum á morgun í borginni.
Til hamingju með daginn Lóa vonandi verður hann góður og ánægjulegur hjá þér.
Hér heima var riðið út af miklu kappi í blíðunni en án húsfreyjunnar sem verður að bæta fyrir flakkið á morgun.
Ég fór á fund í Laugargerðisskóla í gær þar sem Byggðasamlagi um rekstur skólans var slitið og undirritaður nýr þjónustusamningur milli Eyja og Miklaholtshrepps og Borgarbyggðar.
Samningurinn felur í sér að Eyja og Miklaholtshreppur tekur að sér rekstur skólans en Borgarbyggð kaupir þjónustu fyrir börnin úr gamla Kolbeinsstaðahreppi.
Það voru blendnar tilfinningar sem fylgdu þessum gjörningi. Annars vegar ánægja með að Eyja og Miklaholtshreppur ætli að halda rekstrinum áfram og bjarga því að skólinn verði lagður niður. Hinsvegar gríðarleg vonbrigði með svikin loforð og flaustursleg vinnubrögð sem verða sennilega frekar til þess að spilla friði en spara peninga í mínum sveitarfélagi.
Ég vona bara að rekstur skólans gangi sem allra best og Möllerinn hreki ekki Eyja og Miklaholtshrepp saman við einhvern þéttbýlisstaðinn í bráðu fljótræði.
En að léttara hjali......................og auðvita um okkur Kolhreppinga.
Ég heyrði það í útvarpinu í dag að klukkan á Íslandi er vitlaus, alltof fljót. Þar kom líka fram að þessi tímamunur hefur slæm áhrif á sálarheill fólks og getur rugglað það ærlega í ríminu.
Þessu var slegið upp eins og þarna væri um eitthvað stórmerkilegt og nýuppfundið fyrirbæri að ræða. En þetta kom okkur Kolhreppingum ekkert á óvart.
Oft hefur verið deilt á okkur Kolhreppinga fyrir að við værum róleg á morgnana og jafnvel fengið viðurnefni eins og ,,hálfellefuhreppurinn,,
Nú hefur heldur betur komið í ljós að þessi unaðslegu rólegheit er eingöngu til komin vegna meðfæddra hæfileika til að vita hvað tímanum líður.
Nú styttist óðum í þorrablót og tilhlökkunin farin að segja til sín.
31.1.2010
Farin í hundana..................
Heimurinn stækkar hratt þessa dagana og þá sérstaklega hjá þeim bræðrum Ófeigi og Þorra sem nýlega hafa fagnað 1 árs afmæli. Það sem sagt gerðist ,,allt,, í gær..............þeir fóru að feta menntaveginn sem reyndar hófst með skelfilegum bíltúr og síðan hverju undrinu á fætur öðru. Já það er undur að vera hundur og hreint enginn leikur eins og margir eflaust halda.
Það er sko betra að fylgjast með og halda einbeitingu ef að markmiðin eru háleit.
Ferðinni var heitið á ,,hvolpahitting,, sem haldinn var í Söðulsholti þar bauð Svanur Dalsmynnisbóndi uppá fræðslu sem henntaði fyrir hvolpa og hvolpaeignedur.
Hvolparnir voru á mismunandi aldri og áhuginn fyrir kindum var ansi misjafn, ég er ekki frá því að sá eða sú yngsta hafi sýnt mestan áhuga.
Eins og þið vitið eru þeir bræður Ófeigur og Þorri aldir upp með tamningamönnum og hestafólki sem getur nú stundum komið sér vel. En stundum lærir ungviði fyrst það sem ekki er ætlast til. Þeir til dæmis höfðu miklu meiri áhuga á hvað væri að gerast í áhorfendastúkunni og sáu enga skemmtun eða tilgang í því að smala nokkrum stríðöldum utansveitarkindum. Þeir hafa jú aðgang að 700 stykkjum heima en ekki svona flottum áhorfendum eða reiðhöll....................vá hvað það var spennandi.
Þrátt fyrir mismikinn smalaáhuga nú um stundir hafa þessir þrír kappar skýr markmið í framtíðinni................að gera eftirleitir allt að því óþarfar í Hnappadalnum..........nema þá svona til gamans.
Þarna eru þeir Ófeigur, Þorri og Moli Tálknfirðingur sem nú er upprennandi smalahundur í Hraunholtum. Þeir ætla sér að taka það.............................sko féð.
Hann er hugsi yfir þessum nemendum hundatemjarinn er sennilega að vellta fyrir sér hvernig í ósköpunum eigi að vera hægt að kenna þessum hrossatamningamönnum.
Þessar ungu dömur voru mættar frá Hrísdal og áttu það sameiginlegt að vera yngstar.
Þarna er hún Ásdís að æfa sig og sína.
Það var gaman að koma svona saman og sannarlega nauðsynlegt að gera meira af því til að hundar og menn haldi sig við efnið og verði klári í leitirnar næsta haust.
Bíð spennt eftir næsta skrefi.....................
27.1.2010
Blíða............
Það verður stuttur fréttapistill sem ég smelli hér inn í kvöld kellan er alveg búin á því eftir þennan góða dag. Blíðan var yndisleg hér í dag hvort sem maður vildi njóta útsýnisins eða ríða út og temja já eða gera hvað sem er. Fyrstu sprettir voru teknir í birtingu og þeir síðustu í tunglsljósinu ekki leiðinlegt. Væri nú gaman að hafa svona birtu og veður eitthvað áfram. Svo verða hrossin svo góð þegar veðrið og færið er svona flott.
Fyrirmyndarhestur dagsins Von frá Reykjavík
Hér á bæ voru tveir kappar sem fögnuðu eins árs afmæli í gær fengu reyndar ekki veislu enda má það alveg bíða betri tíma. Þetta voru að sjálfsögðu þeir Ófeigur og Þorri.
Annars bíða þeir spenntir eftir niðurstöðum frá ,,sérstökum menntaráðgjafa,, sem kemur til með að úrskurða um það hvort að þeir eigi að sækja sér fróðleik og félagsskap í aðra sveit á laugardaginn. Það er alltaf spurning um hvort að hundar treysti sér til að verða sér og sínum til sóma á almannafæri eða hvort ómótaðar sálir lendi á glapstigum þegar út fyrir landareignina er komið. Verður kannske bara að koma í ljós.
Það voru góðar fréttir úr því efra í dag þegar Ragnar kom heim eftir að hafa farið í aðgerð norður á Akureyri. Hann er búinn að henda hækjunum og ég held svei mér þá að hann hafi bara yngst heilan helling við það. Gaman að sjá hvað hægt er að gera fyrir fólk.........þegar það kemst að á sjúkrahúsunum.
Fyrirmyndarhestur dagsins Von frá Reykjavík
Hér á bæ voru tveir kappar sem fögnuðu eins árs afmæli í gær fengu reyndar ekki veislu enda má það alveg bíða betri tíma. Þetta voru að sjálfsögðu þeir Ófeigur og Þorri.
Annars bíða þeir spenntir eftir niðurstöðum frá ,,sérstökum menntaráðgjafa,, sem kemur til með að úrskurða um það hvort að þeir eigi að sækja sér fróðleik og félagsskap í aðra sveit á laugardaginn. Það er alltaf spurning um hvort að hundar treysti sér til að verða sér og sínum til sóma á almannafæri eða hvort ómótaðar sálir lendi á glapstigum þegar út fyrir landareignina er komið. Verður kannske bara að koma í ljós.
Það voru góðar fréttir úr því efra í dag þegar Ragnar kom heim eftir að hafa farið í aðgerð norður á Akureyri. Hann er búinn að henda hækjunum og ég held svei mér þá að hann hafi bara yngst heilan helling við það. Gaman að sjá hvað hægt er að gera fyrir fólk.........þegar það kemst að á sjúkrahúsunum.
26.1.2010
Brjálaður dani og margt fleira skemmtilegt
Þarna er hún Astrid að horfa á handboltaleik Noregur - Danmörk.................. það er að sjá að hann hafi verið spennandi.....................................hún er sko dani á tillidögum en íslendingur alla hina dagana.
.............................. og þá kom mark frá Noregi.......................úff..................
...............þarna er hún hætt að tolla í sófanum..................sennilega er Noregur að vinna?????
Jeeeeeeeeeeeeee.....................danskt mark.................... Danmörk að sigra.................
Hjúkkkkkkk þeir unnu veiiiiiiiiiiii.........................
Bara góður handboltadagur í dag fyrst unnum við svo unnu danir.
En dagurinn bauð ekki bara uppá handbolta ónei, fyrir hádegi mætti galvaskur blaðamaður í heimsókn og tók út og myndaði menn, málleysingja og málefni.
Þetta voru ekki fréttamenn frá BBC eins og mættu hingað í sumar og heldur ekki frá þorrablótsnefndinni þannig að þið verðið bara að finna út hvaða góði miðill þetta var.
Síðan í beinu framhaldi hófst mikið hestastúss þegar við sóttum hryssurnar sem að ganga úti í stóðinu og komum þeim heim. Edda dýralækinir mætti svo á staðinn og sónaði hryssurnar og staðfesti þannig hverjar væru með fyli. Útkoman var ótrúlega góð og einungis ein hryssa sem að ekki var fylfull, mjög mörg ár eru síðan útkoman hefur verið svona.
Þannig að núna liggur það fyrir á hverju við eigum von í folaldsfæðingum næsta sumar ef að Guð lofar.
Karún - Sporður frá Bergi.
Sunna - Sporður frá Bergi.
Kolskör - Aldur frá Brautarholti.
Þríhella - Aldur frá Brautarholti.
Létt - Glymur frá Innri-Skeljabrekku.
Skúta - Glymur frá Innri-Skeljabrekku.
Andrá - Þristur frá Feti.
Rák - Piltur frá Sperðli.
Snör - Rammi frá Búlandi.
Skeifa - Gosi frá Lambastöðum.
Upplyfting - Gosi frá Lambastöðum.
Dimma - Gosi frá Lambastöðum.
Bráðlát - Stikill frá Skrúð.
Tryggð - Hlynur frá Lambastöðum.
Spóla - Hlynur frá Lambastöðum.
Tign - Sparisjóður frá Hallkelsstaðahlíð.
Alltaf gott þegar þetta er frá og komið á hreint, hefði samt þurft að vera í Reykjavík í dag til að funda með góður fólki um spennandi málefni. En svona er þetta ekki hægt að vera alsstaðar.
26.1.2010
Mánudagur
Sumarið er tíminn..................þarna er hún Ansu að vinna í hringgerðinu og Deila passar að allt fari vel fram. Ansu við söknum þín.
Helgin var skemmtileg og bauð uppá mikla fjölbreyttni í störfum hjá mér allt frá bakstri og húsmóðursleik til tamninga og handboltagláps. Nokkrir gestir ráku inn nefið,hestar komu í tamningu og Bikar flutti til nýrra heimkynna.
Á laugardaginn var handboltaleikur Ísland - Danmörk.....Astrid hver vann leikinn aftur????
Já handbolti .....hvar endar þetta ? Ég lagið mig fram í dag að halda ró minni og haga mér eins og virðulegri húsfreyju sæmir en það bara tókst ekki. Blóðþrýstingurinn var kominn á fulla ferð og stríðsástand í sófanum. Ég verð alveg pollróleg í næstu leikjum ég hef nefninlega komist að því að Íslendingar verða Evrópumeistarar.
Í kvöld fór ég á sveitastjórnarfund í Eyja og Miklaholtshreppi sem haldinn var á Breiðabliki.
Ég verð að játa að mér fannst gaman að mæta á sveitastjórnarfund í ,,öðru,, sveitafélagi.
Spurning um að fara bara að breyta og bæta hreppamörkin hér í dalnum? Það er örugglega einhver vatnsföll sem hægt er að miða við og finna út góðar línur. Ég er nokkuð viss um að þeir mundu ekkert taka eftir því þessar elskur þarna í höfuðstöðvunum hjá okkar sveitafélagi. Þeim er ekki svo tamt að hugsa hér vestur hvort eð er.
Og ekki má gleyma fyrirmyndarhesti dagsins sem var hann Vörður ekki spurning.
22.1.2010
Bónda hvað????
Ég þurfti að skreppa aðeins af bæ í dag og á leiðinni heim var dimm snjókoma svo ég smelli bara inn góðri sumarmynd svona í tilefni dagsins.
Já það var skrítið veðrið rigning, sól, logn, vindur, snjór og meira að segja hundslappadrífa á köflum.
Myrkur og snjókoma er ekki góð blanda fyrir náttblinda svo að ég bara dólaði í rólegheitunum og rabbaði við skemmtilegan viðmælanda í leiðinni.
Össsss........... var með handfrjálsan svo ég gat alveg keyrt og fékk ekki sekt.
Það er gaman að vera bóndi á bóndadaginn............já ekki bara fyrir ykkur strákar, líka fyrir mig og hina kvennbændurna. Ég fór samt ekki berleggjuð út að hlaupa kringum húsið í annari buxnaskálminni eins og lög gera víst ráð fyrir á þessum degi.
Á meðan vangavellturnar um hvort að það væri ekki fastur liður þennan dag og sjálfsagt að allir bændur gerðu það missti ég eiginlega alveg heyrnina. Hún kom ekki aftur fyrr en ég var orðin viss um að einungis ætti eftir að ræða gæði og fríðindi þessa dags. Þá var ég orðin með á nótunum.
Mér hefur oft fundist að jafnrétti kynjanna snérist um eitthvað sem væri svo sem enginn gróði af fyrir hvorugt kynið svona í heildina. Meira eitthvað svona innan tómt fagurgal en ekki tekið á því sem máli skiptir eins og launamun og þess háttar.
Almennt er jafnrétti þannig að kallarnir eiga að gera það sem konurnar geta ekki og konurnar það sem kallarnir nenna ekki.
Já eða öfugt.............mér finnst það t.d jafnrétti að einhver skipti um dekk fyrir mig og ég bara baki köku í staðinn.
Ég er orðin það ,,þroskuð,, að ég tilheyri ekki eldhúsfælnu dömunum sem fölna og forða sér ef að eldhús ber á góma.
Er ekki mikið skynsamlegra að leggja áherslu á það sem maður er góður í ?
Er ekki öll sérhæfing inn í dag eða var það bara 2007 ?
Ég er mjög ánægð með að eiga góðan konudag og fá svo bóndadaginn í bónus, annars eru allir dagar hjá mér bændadagar.
Er það annars ekki dæmigert jafnrétti hjá mér sem konu að eigna mér báða þessa góðu daga ?
21.1.2010
Ég fékk auka kast
Þessi mynd var tekin í haust þegar rúningur var frá og sýnir meðal annars tvo botnótta liti.
Þessi dagur einkenndist af miklum spenningi fyrst var að drífa sig í hesthúsið og vera búin að hreyfa sem flest hross áður en handboltafárið byrjaði, síðan var næst að höndla fárið mikla.
Og á slaginu fimm voru öll sæti í heimastúkunni þétt setin.
Þetta byrjaði strax með látum en þar sem húsfreyjan er alla jafnan nokkuð spök var allt á þokkalegu róli framan af. Reyndar var nammi borðað eins og matur,svolítið öskrað og ætt fram í eldhús öðru hvoru, það er passlegur göngutúr þegar losa á um andlega angist.
Strax í byrjun seinni hálfleiks mögnuðust lætin og urðu þá öskrin og köllin jafnt á íslensku og dönsku. Sko til að upplýsa ykkur nánar þá er Astrid íslendingur alveg þangað til Danmörk fer að keppa. Þegar hér er komið við sögu kom Salómon rölltandi fram og labbaði framhjá sjónvarpinu og gaf okkur í leiðinni skipun með augnaráðinu að nú væri mál að sökkva í það minnsta lækka á imbanum. Nokkru seinna kom hann til baka og hefði öruggleg skellt hurðum yfir hávaða ef að hann hefði verið kona.
Leikurinn hélt áfram og Dolli dropi íþróttafréttamaður var orðin svo æstur að ég hafði á tilfinningunni að hann færi að stökkva inná og henda Óla Stef útaf.
Ég verð að játa að þegar hér var komið við sögu var blóðþrýstingurinn kominn yfir leyfileg mörk hjá virðulegri spússu og göngutúrinn í eldhúsið allt of stuttur til að ná sálarró.
Þannig að eini kosturinn í stöðunni var öskur, óp og nammiskálin sem var fyrir löngu orðin tóm.
Síðasti hluti leiksins var svo spennandi að það var jafn hvass fyrir framan sjónvarpið og úti í storminum. Eins gott á svona stundum að eiga bara gamlan imba en ekki rándýran flatskjá allavega ef að leikurinn hefði verið aðeins lengri.
Svo komst ég líka að því að það eru ekki bara dómarar í hestíþróttum sem eru ,,vitlausir,, og sjálfsagt að skamma ef ekki gengur vel, það geta líka verið Rúmenskir handboltadómarar.
Þetta eru nú strákarnir okkar svona sætir og flottir...............en þeir klúðruðu samt. Arrrg.
Ég ákvað að sleppa því að horfa á seinni leikinn en Astrid sem nú var orðin dönsk horfði á danina sigra örugglega. Henni var komið í skilning um að njóta þess í dag og á morgun að danirnir hefðu sigrað því þeir tapa örugglega á laugardaginn. Hún hefur nú ákveðið að fara uppí gamla bæ og horfa á leikinn með Svenna svo að hún geti hugsanlega haldið áfram að vera dani.
Sjónvarpskvöldið endaði svo ljómandi vel hjá mér því á fimmtudögum er helgistund þegar ég horfi á heimildarþættina góðu Aðþrengdar eiginkonur.
Ég renndi yfir Skessuhornið á vefnum í dag eins og ég geri flesta daga og rakst þá á ánægjulega frétt. Þar er verið að tíunda afurðahæstu kúabúin og bestu kýrnar yfir landið.
Þar kemur fram að efstur á Vesturlandi og í fjórða sæti yfir landið er sveitungi minn og frændi Steinar Guðbrandsson í Tröð hér í gamla góða Kolbeinsstaðahreppi.
Hann og Rannveig kona hans hafa rekið þetta bú af miklum myndarskap í áraraðir og hvorki látið glepjast af róbótum eða mjaltaþjónum.
Innilega til hamingju með þetta Rannveig og Steini.
20.1.2010
Skeggi Stælsson og ýmislegt fleira
Þetta var nú ljómandi góður dagur og mörg skemmtileg hross sem voru vinnufélagar mínir í dag. Fyrir þá sem ekki vita þá er eins að vinna með mörgum mismunandi hestum eins og að vinna með stórum hópi af fólki, allir eru mismunandi líkir og ólíkir.
Maður kann misjafnlega við ólíka persónuleika og þarf að einbeita sér að gera það besta úr hverjum og einum. Svo eru alltaf einhverjir í uppáhaldi og þá er að passa sig á því að leyfa ekki meira en góðu hófi gegnir. Sem sagt púra uppeldi.
Oftar en ekki eru það hrossin sem að eru erfið og svolítið sérstök sem að lokum verða í miklu uppáhaldi. Það er svo gaman þegar hestur hefur náð að skilja, vilja og njóta.
Fyrirmyndarhestur dagsins var Skeggi Stælsson, það var hreint enginn betri miðað við aldur menntun og fyrri störf.
Næsta sunnudag 24 janúar verður Þórarinn Eymundsson tamningameistari FT með sýnikennslu í reiðhöll Hestamannafélagsins Sörla í Hafnarfirði. Sýningin hefst kl 16.00
Þórarinn kom í Borgarnes á haustdögum með kennslusýningu sem tókst alveg frábærlega ég vil hvetja hestafólk til að fara á sýninguna og sjá sannkallaða meistaratakta.
18.1.2010
Bara góður dagur
Stóðið að spóka sig.
Það var voða lítið um að vera í dag en samt gerðist nú margt...............hvernig passar það nú saman? Jú sumir dagar eru bara svona venjulegir og góðir með fullt af afrekum.
Í dag voru tekin DNA sýni úr folöldunum, það fer þannig fram að stórum eyrnapinna er stungið uppí nefið á þeim með það fyrir augu að ná í smá sýni. Þau eru nú skiljanlega ekki öll voða hrifin af þessu brasi samt mesta furða. Ekki yrði ég ánægð með þessa meðferð.
Þetta er gert til að þau hafi staðfest ætterni í sínum pappírum þegar við taka ýmiss hlutverk í framtíðinni.
Það var í fleiri búgreinum hér á bæ sem ræktunarupplýsingar voru skráðar í dag.
Nú er búið að skrá allar kindur hjá þeim hrútum sem þær áttu gleðileg jól með. Þannig að nú getur útgáfa ,,lambafæðingavottorða,, hafist. Á næstu dögum verða svo flestir hrútarnir komnir í frí þangað til 19 desember 2010.
Svo er talað um langt sumarfrí hjá sumum starfsstéttum en það er sko ekkert miðað við hrútasumarfríðið.
Næsta stórvirki í fjárhúsunum fyrir utan daglegt amstur verður svo sónarskoðun.
Úr hesthúsinu er allt gott að frétta en DNAfolöldin eru sannarlega hestar dagsins.
17.1.2010
Jæja...........Laxi hvað segir þú í dag ?
Hér er hann Laxi yfirhani í hænsnakofanum í eftirlitsferð......................
Laxi er sko ,,húsbóndi,, í sínum hænsnakofa............ alveg þangað til hann verður hræddur við eitthvað þá laumast hann á bak við hænurnar og sendir karlmennskuna í frí.
Hann er af aðalsættum og rekur uppruna sinn í gamla Borgarhreppinn.
Sönghæfileikar kappans er miklir og óspart notaðir en ég efast reyndar um að hann kunni á klukku. Allavega væri ég að fara á fætur á ansi misjöfnum tíma ef að ég færi að ráðum Tuma sem fer á fætur við fyrsta hanagal..................
Helgin hefur að mestu leiti farið í hestastúss og tamningar þó með smá sauðfjársveiflu.
Svo var tekinn góður skurkur í rakstri undan faxi og nokkrar bumbur látnar fylgja með.
Í gær komu góðir gestir og er á engan hallað þó svo að mér hafi fundist sá (sú) yngsta skemmtilegust hún var örugglega hressust um miðnættið.
Takk fyrir komuna Kristín Eir og fylgdarfólk.
Það hefur verið vorveður og hreint ótrúlegt að koma út á morgnana í 6 stiga hita dag eftir dag, já í janúar. Ég ætla svo sannarlega að njóta þess næstu daga að ríða út í blíðu.
Eins gott að hún verði ekki afturkölluð.
Þegar ég ætlaði að velja hest dagsins vandaðist málið og margir komu til greina.
Held samt að ég velji Roða Blikason sem stóð sig með prýði í dag.
14.1.2010
Gömul folaldasýning og Fannar farinn.
Þetta eru hryssurnar Fáséð og Sjaldséð Baugsdætur frá Víðinesi að sýna sig á folaldasýningu í Söðulsholti árið 2007. Fáséð er undan Tryggð minni en Sjaldséð er undan Venus frá Magnússkógum, gæðingshryssu sem var hér í tamningu og í framhaldi af því fengum við að halda henni.
Ég var að fara í gegnum gamla myndir og rakst á myndir frá sýningunni og læt hér nokkrar fljóta með til gamans.
Þarna eru Lyftingur, Góðlátur og Vestri á sömu sýningu. Lyftingur er undan Lyftingu og Hlyn frá Lambastöðum, Góðlátur eru undan Bráðlát og Glotta frá Sveinatungu en Vestri er undan Rifu og Óði frá Brún.
Þarna hefur Vestri gefið í og ákveðið að taka stjórnina.
Þetta er hún Hlíð sem er undan Kolskör og Glym frá Skeljabrekku, myndgæðin eru nú ekki sérstök en læt hana fljóta með.
Í gær brunaði ég til Reykjavíkur á stjórnarfund hjá FT ljómandi góður fundur og alltaf gaman að hitta skemmtilegt fólk. Veðrið var svo gott að það jaðraði við helgispjöll að þurfa að rjúka í burtu á miðjum degi. En það var líka gott veður í dag og verður vonandi áfram enn um sinn.
Ég gaf mér tíma til að líta við á velvöldum alltof fáum stöðum sína mig og sjá aðra.
Fannar er nú kominn í Steinsholt til Mumma sem fær nú að hafa leikfangið mitt (sitt) næstu mánuðina. Það er ekki laust við að ég saknu hans heilmikið en þá er bara að snúa sér að litla bróður hans sem lofar góðu. Já við Vörður förum bara að njóta lífsins saman á næstunni.
Margt spennandi framundan nánar um það síðar....................
13.1.2010
Í mörg horn að líta.
Þarna er Glundroði sonur Frægs frá Flekkudal og Karúnar, ég hef trú á því að hann sé farinn að hafa miklar áhyggjur af því hvort að ekki standi til að taka hann neitt á hús í vetur.
Hann var gerður reiðfær í fyrra þá fjögura vetra en nú bara bíður hann eftir því að húsfreyjan komi og taki til við að mennta hann að nýju.
Vafalaust hefur Hlátur stóri bróðir hans enn meiri áhyggjur því hann er að fara á sjötta vetur og er ekki heldur kominn inn. En hann getur þó verið sáttari kominn mun lengra í tamningunni fer að útskrifast sem fyrirmyndarreiðhestur.
Hann er undan Vetri frá Hallkelsstaðhlíð og Karúnu.
Með okkur á myndinni er annar garpur sem heitir Sviftingur hann er á fjórða vetri undan Faxa frá Hóli og Tign. Hann hefur það göfuga verkefni í vetur að safna faxi sem hann ákvað að skilja eftir á girðingum og steinum í sumar. Hann er hæðst ánægður með klippinguna en hún er full stutt fyrir minn smekk. Systkyni hans sem öll eru mjög faxprúð fara nú bara hjá sér þegar þau sjá hann og verður eflaust hugsað til vissrar dýrategundar sem byrjar á A.
Annars er það helst að frétta að veðrið hefur verið mjög gott og frábært færi til að ríða út.
Hross koma og fara og alltaf eitthvað að gerast í hesthúsinu en þar var nokkuð gestkvæmt í gær. Það er líka svo gaman að fá í tamningu hross undan þekktum, góðum stóðhestum sem við höfum ekki tamið undan áður.
Í gær fjölgaði líka í fjárhúsunum þegar vaskir menn lögðu til fjalla í Hörðudalnum og fundu tvær kindur frá okkur. Þær fengu klippingu um leið og þær komu í hús og litu svona ljómandi vel út. Það er spurning hvort það er ekki bara vesen að taka inn svona snemma........æi nei hefur víst aldrei talist búmannlegt að gefa á Guð og gaddinn.