Ó já ,,það er svo margt að minnast á,,  eins og segir í textanum góða en tíminn hefur þotið áfram og því hef ég ekki komið neinu í verk hér á síðunni.

Á myndinni hér fyrir ofan er hún Lene sem er komin frá Kaupmannahöfn til að hjálpa okkur í sauðburðinum. Þarna er hún að þjónusta hana Feru mína sem borin hefur þremur lömbum.
Þó svo að sauðburðurinn sé nú töluvert öðruvísi en síðustu ár þá eigu við okkar góðu tíma. Kella var t.d afar léttstíg þegar hún kom heim úr fjárhúsunum áðan búin að fá bónus lamb (m.v sónartalningu) undan sparikollu og Stera. Fyrir þá sem eru ekki á kafi í sauðfjárræktinni skal tekið fram að við erum ekki farin að sprauta rollurnar með sterum, heldur er þetta nafn á einum aðal kindasjarminum. Steri þessi var á sæðingastöðinni í vetur og var mikið notaður.
Annars fer sauðburðurinn frekar rólega af stað en það á örugglega eftir að breytast.



Lambadrottningarnar þær Vera og Óvera eru að verða unglingar og eiga enga samleið með þessum ,,barnalegu,, lömbum. Bíða bara spenntar eftir grænum grösum og vorblíðu.



Gemlingarnir eru rólegir og ekkert líklegir til að riðja úr sér lömbunum þó margir hafi náð tali.



Þessi mynd sýnir morgunverð í fjárhúsunum og að sjálfsögðu allir á heilsufæði.
Ég setti þessa mynd inná facebook síðuna mín og fékk þá eftirfarandi vísu til baka.

Áðan fór ég út í hlöðu
inn í jötu bar ég töðu.
Sentist inn í sinni glöðu
og setti á facebook þessa stöðu.

Takk fyrir vísuna Valur Óskarsson :)

Sigurður Heiðar Birgisson hlaut ásetu og reiðmennskuverðlaun Félags tamningamanna.

Gleðilegt sumar kæru lesendur.

Skeifukeppni nemenda Landbúnaðarháskólans á Hvanneyri fór fram á sumardaginn fyrsta eins og venjulega. Auk þess öttu kappi nemendur Reiðmannsins en það er áfangaskipt tveggja ára nám í hestamennsku við skólann. Voru nemendur verðlaunaðir fyrir árangur vetrarins bæði fyrir tamningar og reiðmennsku. Eins og áður kom fram hlaut Sigurður Heiðar ásetu og reiðmennskuverðlaun FT.
Morgunblaðaskeifuna hlaut Harpa Birgisdóttir, Gunnarsbikarinn hlaut Jónína Lilja Pálmadóttir, og Reynisbikarinn hlaut Jón Óskar Jóhannesson.
Nokkur undanfarin ár hef ég komið að dómstörfum hjá skólanum við þetta tækifæri og svo var einnig nú. Oftast höfum við verðið tvö auk kennara skólans sem höfum dæmt þessar keppnir og í ár var það Þórarinn Eymundsson, tamningameistari FT sem dæmdi auk mín.
Mestan veg og vanda af kennslunni sem varðar hestamennsku við skólann hafa þeir Heimir Gunnarsson og Gunnar Reynisson.
Mér fannst öllu umgjörð og yfirbragð Skeifudagsins til mikillar fyrirmyndar og gaman að fylgjast með þegar nemendur og kennarar kynntu hvað þeir hafa verið að gera í vetur. Greinilegat var að mikið hefur verið lagt uppúr fjölbreyttum vinnubrögðum með áherslu á léttleikanna.
Ágúst Sigurðsson rektor skólans lagði áherslu á það í setningarræðu sinni að menn ættu ekki að gleyma sér í harðri keppni og gleyma gleðinni í hestamennskunni.
Virkilega orð í tíma töluð og þörf áminning til okkar hestamanna.
Ekki spillti svo fyrir að við Astrid fengum báðar folatolla í happadrættinu sem nemendur seldu á staðnum. Astrid fékk toll undir Hvítserk frá Sauðárkróki en ég undir Hróa frá Skeiðháholti og Hákon frá Ragnheiðarstöðum.

Takk fyrir góðan dag.

Það hefur sennilega ekki farið fram hjá neinum að við íslendingar gengum að kjörborðinu í gær.

Ofurspennandi kosninganótt að baki þar sem húsfreyjan festi ekki blund fyrr en kl 7 um morguninn.
Vaknaði brosandi og hefur átt góðan dag.
Nánar um það síðar en af gefnu tilefni og til upprifjunnar fyrir þá sem fylgjast með pólutískum umræðum á netinu.

Ég hef mjög gaman af stjórnmálum og vangavelltum þar um, en er mjög hugsi eftir síðustu yfirferð um netheima.
Hatursfullar umræður með mannorðsmorðum, dónaskap og svívirðingum segja meira um þá sem þær aðferðir nota en þá sem fyrir þeim verða.

Það sem sagt og gert er á fésinu er sýnilegra en sumir virðast halda.

Það hefur  blásið ansi hressilega síðustu daga hér í Hlíðinni og lítið lát þar á.
Á myndinni hér að ofan er Mummi á Gangskör minni sem er hryssa á fjórða vetri, undan Kolskör frá Hallkelsstaðahlíð og Adam frá Ásmundarstöðum. Blásturinn var svo mikill að það er engu líkara en taglið og faxið sé allt fokið af Gangskör minni en hún lét rokið ekkert á sig fá.



Þessi kappi er nú kátur þegar tekinn er reiðtúr út í víðáttuna og spáir hvorki í vindinn né fylgi stjórnmálaflokkanna. Veit þó vel að léttara er yfir húsfreyjunni þegar vel gengur á ákveðnum vígstöðum.  Að öðrum hestum ólöstuðum þá er þessi nú svolítið uppáhalds hjá húsfreyjunni og kannske fleirum, enda hefur Mummi skellt sér í reiðtúr þegar ég var ekki heima.
Sparisjóður veit að hann er uppáhalds en fer vel með það.

Já hann veit ýmislegt hann Sparisjóður minn :)

Þó svo að það sé ,,sultardropaveður,, í Hlíðinni þennan daginn gæti það svo sannarlega verið verra.  Njótið dagsins.

Þessa skemmtilegu mynd fékk ég um daginn en hún er af Össu ,,okkar,, og Sören Madsen.
Myndin er tekin á Danska meistarmótinu 2001 en þar kepptu þau í tölti með góðum árangri.
Assa var í miklu uppáhaldi hjá Sören enda fyrsti keppnishesturinn hans. Assa var undan Fáfni frá Fagranesi og Trillu en Assa fórst því miður fyrir nokkru síðan.
Á myndinni finnst mér  hún nokkuð lík Skútu systur sinni sem er ein af okkar uppáhalds.
Ég vil benda ykkur á að þið getið skoðað síðuna hjá honum Sören með því að smella á nafnið hans hér í tenglasafninu á síðunni.

Enn er blíða hér í Hlíinni og frábært útreiðaveður sem vel var nýtt í dag eins og reyndar alla síðustu viku. Fyrirmyndarhestur dagsins var Bára litla frá Lambastöðum, dóttir Arðs frá Brautarholti og Tinnu frá Árbakka.