21.10.2011 16:19
Frumtamninganámskeið.
Frumtamninganámskeið
Tveggja helga námskeið í Söðulsholti:
Dagana 29.-30. Október og 12.-13. Nóvember
Kennari: Guðmundur M. Skúlason Tamningamaður og Þjálfari FT
Haustið er góður tími til að frumtemja gæðingsefnin.
Á námskeiðinu kemur hver nemandi með tvö trippi og vinnur með báðar helgarnar.
Allir þátttakendur fá heimaverkefni til að vinna með á milli helganna.
Það sem verður meðal annars farið yfir á námskeiðinu er:
Atferli hestsins (Hvernig hugsar hesturinn?)
Leiðtogahlutverk (hvað getur maður fengið hestinn til að gera?)
Undirbúningur fyrir frumtamningu (Við byrjum ekki að taka stúdentspróf í 1. Bekk!)
Frumtamning er grunnur að góðri tamningu á forsendum hestsins.
Tveir bóklegir tímar (sameiginlegir fyrir alla þátttakendur)
Átta verklegir tímar á hvern nemanda.
Samantekt í lok hvers dags þar sem farið er yfir verkefni dagsins og spurningum svarað.
Miðað er við að allir þátttakendur horfi á tímana hjá hinum og sjái mismunandi hestgerðir og hvernig þær bregðast við á mismunandi hátt.
Þá geta allir fengið mikið út úr námskeiðinu J
Námskeiðið kostar 19.000 kr á mann með hesthúsplássi frá föstudagskvöldi fram á sunnudag.
Ef einhverjum sem langar á námskeiðið en hafa ekki trippi á sínum vegum geta fengið lánuð trippi. J
Síðasti skráningadagur 24. október
Skráning í síma:7702025 (Guðmundur)
Eða á netfangið: [email protected]
Skrifað af Sigrún Ólafsdóttir
19.10.2011 21:39
Góðir dagar
Þessar elskur litu út eins og bangsar þegar ég kom við hjá þeim í gær.
Þarna er Fjarki sá brúni sem átti að vera skjótt hryssa, hann er undan Rák og Þristi frá Feti. Ég hef loforð frá Huldu Guðfinnu Geirs vinkonum minni að hann verði alveg rosalega góður því að ég fékk ekki skjótta litinn frá Þristi með. Svo eru það Krakaborg sú sokkótta undan Dimmu og Sporði frá Bergi og sú jarpa Randi undan Snör og Soldán frá Skáney.
Ég fór í eftirlitsferð til að skoða hvort að ekki væri allt í góðu lagi hjá folaldshryssunum og smellti þá þessari mynd af gripunum.
Þarf svo að fara að líta á stóðið í fjallinu og taka stöðuna á því, telja og skoða með ,,stóru,, gleraugunum.
Kannske væri bara rétt að auglýsa innrekstur á stóðinu og bjóða ykkur að koma skoða og sötra úr kaffibollum saman???
Tamningarnar ganga vel og nokkur spennandi tryppi að stíga sín fyrstu spor með knapa.
Veðrið hefur líka leikið við okkur síðustu tvo daga svo að birtutíminn hefur nýst afar vel.
Við höfum verið þrjú að ríða út að undanförnu en eftir þessa tvo vel nýttu góðviðrisdaga eru kosningar á ,,fyrirmyndarhesti dagsins,, í algjöru uppnámi.
Tuttugu og sjö hross voru í kjöri og var hugmyndin að aðeins eitt hross mundi hreppa titil dagsins en heimilisfriðsins vegna eru fyrirmyndarhestar dagsins þrír.
Melkorka, Muggison og Kæna.
Svona í lokin langar mig að segja ykkur frá símtali sem að ég átt fyrir stundu en á línunni var bóndi að segja mér frá meðalvigtinni sinni. Svo sem algengt umræðuefni þessa dagana allavega hjá okkur rolludellufólkinu en vitið þið hvað ???' Meðalvigtin var 25.55 ég segi nú eins og góður maður ,,Já sæll,, er svo bara farin að halla mér og láta mig dreyma um það þegar meðalvigtin verður 20+..............................og allt tví, þrí og fjórlembt.
Skrifað af Sigrún Ólafsdóttir
16.10.2011 22:26
Ýmislegt............
Haustveðrið réði ríkjum hér í dag þegar gekk á með hvössum skúrum og allt að því éljum.
Vorkenni alltaf hestunum sem að úti eru þegar svona bleytu tíð er í boði en skjólin í fjallinu eru góð og eflaust finnst þeim þetta ágætt á með þau hafa gott gras og frið fyrir mannfólki.
Á fimmtudagskvöldið kom stjórn Félags tamningamanna saman hér í Hlíðinni og fundaði.
Að sjálfsögðu byrjuðum við fundinn á því að hlaða okkur orku og snæða Hnappdalsfjallalamb með öllu því helsta ,,grænfóðri,, sem að spettur hér í Hlíðinni.
Það er ekki nokkur von til þess að við gerum eitthvað gáfulegt nema við séum södd og sæl.
Ýmis mál voru á dagskránni svo sem skipulagning viðburða sem verða í boði á næstunni, undirbúningur fyrir aðalfund og margt fleira. Bara góður og gagnlegur fundur.
Við áttum ljómandi kvöldstund með spjalli og skemmtilegheitum, takk fyrir komuna.
Föstudagurinn var fundadagur fyrst var það fundur með forsvarsmönnum LH, FHRB, hrossaræktarráðunauti, dómarafélögum LH og Sigríði Björns dýralækni hrossasjúkdóma.
Umræðuefnið að fara yfir niðurstöður áverkaskráninga á Landsmóti 2011.
Seinni fundurinn var svo aðalfundur Gæðingadómarafélags LH, góður fundur með nokkuð góðri mætingu. Alltaf fróðlegt að mæta á aðalfundi.
Laugardagurinn var svo slátursgerðardagurinn mikli sem er alltaf svo góður þegar hann er búinn. Afurðin var svo prófuð um kvöldið og hlaut bara þó nokkuð lof allt frá okkur heimafólkinu ,,upp,, til kærkomins þyrluflugmanns sem að mætti í matinn.
Það voru nokkurnveginn 77 ár sem að skildu þann yngsta og elsta að í aldri sem tóku þátt í slátursgerðinni. Já kynslóðabil er ekki til í skyldustörfunum hér á bæ.
Í dag voru svo veisluhöld hjá Stellu sem að fagnar 70 árum á morgun, já þær voru ekki af verri endanum veitingarnar hjá henni frekar en venjulega.
Helgin var svo þétt skipuð að enginn tími var til að fara á sauðamessu í Borgarnes hvað þá hrossauppboð og hrútasýningar. Já það er ekki einleikið hvað maður vildi vera víða og gera margt, kannske vex ég uppúr þessu þegar ég verð ,,stór,, ????
Ýmislegt er líka á döfinni næstu vikuna en ofarlega á stefnuskránni er sviðaveisla, Geirmundartjútt, smalamennskur og folaldasýning.
En kannske verð ég bara til friðs og fer ekki neitt.
Vorkenni alltaf hestunum sem að úti eru þegar svona bleytu tíð er í boði en skjólin í fjallinu eru góð og eflaust finnst þeim þetta ágætt á með þau hafa gott gras og frið fyrir mannfólki.
Á fimmtudagskvöldið kom stjórn Félags tamningamanna saman hér í Hlíðinni og fundaði.
Að sjálfsögðu byrjuðum við fundinn á því að hlaða okkur orku og snæða Hnappdalsfjallalamb með öllu því helsta ,,grænfóðri,, sem að spettur hér í Hlíðinni.
Það er ekki nokkur von til þess að við gerum eitthvað gáfulegt nema við séum södd og sæl.
Ýmis mál voru á dagskránni svo sem skipulagning viðburða sem verða í boði á næstunni, undirbúningur fyrir aðalfund og margt fleira. Bara góður og gagnlegur fundur.
Við áttum ljómandi kvöldstund með spjalli og skemmtilegheitum, takk fyrir komuna.
Föstudagurinn var fundadagur fyrst var það fundur með forsvarsmönnum LH, FHRB, hrossaræktarráðunauti, dómarafélögum LH og Sigríði Björns dýralækni hrossasjúkdóma.
Umræðuefnið að fara yfir niðurstöður áverkaskráninga á Landsmóti 2011.
Seinni fundurinn var svo aðalfundur Gæðingadómarafélags LH, góður fundur með nokkuð góðri mætingu. Alltaf fróðlegt að mæta á aðalfundi.
Laugardagurinn var svo slátursgerðardagurinn mikli sem er alltaf svo góður þegar hann er búinn. Afurðin var svo prófuð um kvöldið og hlaut bara þó nokkuð lof allt frá okkur heimafólkinu ,,upp,, til kærkomins þyrluflugmanns sem að mætti í matinn.
Það voru nokkurnveginn 77 ár sem að skildu þann yngsta og elsta að í aldri sem tóku þátt í slátursgerðinni. Já kynslóðabil er ekki til í skyldustörfunum hér á bæ.
Í dag voru svo veisluhöld hjá Stellu sem að fagnar 70 árum á morgun, já þær voru ekki af verri endanum veitingarnar hjá henni frekar en venjulega.
Helgin var svo þétt skipuð að enginn tími var til að fara á sauðamessu í Borgarnes hvað þá hrossauppboð og hrútasýningar. Já það er ekki einleikið hvað maður vildi vera víða og gera margt, kannske vex ég uppúr þessu þegar ég verð ,,stór,, ????
Ýmislegt er líka á döfinni næstu vikuna en ofarlega á stefnuskránni er sviðaveisla, Geirmundartjútt, smalamennskur og folaldasýning.
En kannske verð ég bara til friðs og fer ekki neitt.
Skrifað af Sigrún Ólafsdóttir
12.10.2011 21:29
Já það er langt síðan.......
Þarna er hann Ríkur minn að njóta veðurblíðunnar og safna kröftum fyrir næstu verkefni.
Kannske verða það smalamennskur, skemmtireiðtúr húsfreyjunnar nú eða nýja hlutverkið hans ,,ásetuæfingakennslutæki,, Mumma sem að notar hann óspart fyrir nemendur sína.
Jæja þá er loksins tími til að setjast niður og pára eitthvað á ,,blað,, af fréttum héðan úr Hlíðinni, af nægu er að taka.
Eins og undanfarnar vikur hefur mikill tími farið í smalamennskur og kindastúss en brátt sér fyrir endann á því svona í bili að minnsta kosti. Heimtur eru að skána en eru langt í frá góðar enn vantar t.d rúmlega 60 lömb af fjalli.
Í gær og dag hafa farið um 250 lömb í slátur.
Smaladagarnir hafa verið margir og langir með misjöfnum árangri, verstur var samt síðasti laugardagur en þá var boðið uppá rok og rigningu í óhóflegu magni sem að gerði litla læki að stórfljóti og árnar ófærar.
Um síðustu helgi voru svo þrjár réttir tvær sem að við gerðum skil í þ.e.a.s Hólmarétt og Vörðufellsrétt síðan var það Mýrdalsréttin líka.
Sunnudagurinn fór svo í vigtun og vísindarannsókir þar sem að væntanleg líflömb voru valin til þess að mæta fyrir æðsta dómi.
Á mánudaginn komu þeir Lárus ráðunautur og Torfi frá Búvest að sónarskoða og stiga lömbin hjá okkur. Margar góðar gimbrar fengu staðfesta búsetu í líflambakrónni fyrir veturinn en þeir voru færri hrútarnir sem að þangað komust þetta haustið. Bæði er að hrútaásetningurinn í fyrra var með rílegara móti og eins að við vorum ekki eins ánægð með útkomuna á hrútunum eins og í fyrra. Þrír kappar hlutu samt náð og standa vonandi undir væntingum.
Tveir af þeim eru synir Hriflons frá Hriflu og einn er sonur Asks okkar sem að er sonur Papa, hann stigaðist hæsta af þeim köppum.
Bestu gimbrarnar er undan Hriflon, Kosti, Frosta og honum Svartakolli okkar sem að stendur svo sannarlega fyrir sínu eins og áður. Hér fæddust bara tvennir tvílembingar undan uppáhalds hrútnum mínum honum Kveiki frá Hesti. Heppnin var ekki með afkvæmunum því báðar mæðurnar fengu júgurbólgu þannig að stærð og þroski lambanna var eftir því. Ein gimbur undan Kveik var þó stiguð og kom vel út úr því þrátt fyrir að vera bara 37 kg. Svo er það leynivopnið mitt hann Litli-Sindri Kveiksson sem að frestaði stigun þangað til næsta haust en þá hefur hann vonandi tvöfaldað stærð og þyngd sína. Segir það ykkur ekki nóg??? Hann lúrir samt á góðum genum kallinn.
Það er ekkert grín að þykjast vera sauðfjárbóndi..........með vaxandi viti.
Ekki hefur allt púður farið í kindur því á fimmtudagskvöldið greip menningarþráin öll völd hér á heimilinu. Og vitið þið hvað ??? bara rokið í bæinn á tónleika hjá ,,veiðibóndanum,, í Kjósinni Bubba sjálfum sem að lét gamminn geysa með Sólskuggunum sínum.
Bara flottur kallinn.
Skemmtileg tilbreyting frá kyrrðinni í fjöllunum já og kindajarminu góða.
Já svona láta þessir bændur stundum...................
Á ferðinni um fjöllin hef ég oft fengið að mér finnst góðar hugmyndir um efni til að setja hér á bloggið en hvort það er fjallaloftið, lognið eða rokið þá er hugurinn blankur núna.
Skrifað af Sigrún Ólafsdóttir
05.10.2011 22:33
Birrrrrrrr
Sá sem að raðaði saman þessum fallegu haustlitum hér í hnjúkinn er í meira lagi smekklegur.
Fallegir haustlitir hafa skartað sínu fegursta að undanförnu en í morgun var þetta í boði........
Já það var eins gott að kartöflurnar ,,drifu,, sig uppúr garðinum í gær..................... þökk sé húsasmiðnum á heimilinu. Verkaskiptingin var þannig í gær að við Mummi rukum til fjalla að smala og þá varð það hlutskipti Skúla að smala kartöflum uppúr garðinum. Við Mummi vorum kát með skiptin en þó endaði það nú þannig að Skúli mætti líka í kindasmalamennsku með okkur en við sluppum við kartöflurnar.
Þarna brunar einn smalinn af stað um hádegið en þá var orðið nokkuð útséð með að ekki væri neitt betra í boði hjá veðrinu þennan daginn.
Árangurinn varð samt ekki svo slæmur og heimturnar hér á bæ stór löguðust þennan daginn.
Já Tófudalirnir eru oft gjöfulir á fé..............héðan úr Hlíðinni.
En svona til að væla svolítið þá er þetta nú aðeins of snemmt fyrir minn smekk ég man nú ennþá eftir vorinu og finnst bara allt í góðu að fara fram á blíðu í haust.
Tamningahrossin eru öll inni og ekkert á leiðinni út ef að þetta verður svona áfram.
Skrifað af Sigrún Ólafsdóttir
02.10.2011 20:31
Ósréttin var í dag.
Baksvipur vaskra Kolhreppninga...............
Ósréttin var í dag og veðrið sem boðið var uppá vorblíða, lognrigning með 13 stiga hita svona alveg eins og við vildum hafa í júní.
Réttir eru góðar til að spjalla og blanda geði..........þarna eru Flosi og Kristín bændur á Emmubergi að ræða málin við Sveinbjörn.
Margir af Skógarstrandarbændum voru mættir í réttirnar enda réttir sannkallaðar hátíðir fyrr og síðar. Þarna eru bændur m.a frá Breiðabólsstað og Ósi mættir í réttina.
Þarna er bóndinn í Litla-Langadal að segja eitthvað skemmtilegt.......nú eða fara að stjórna söng.......hver veit?
Allavega er gaman þarna hjá honum, Bíldhólshjónum og Haukabrekkubóndanum.
Það voru margar réttir um helgina auk Ósréttar voru Þverárrétt, Hólmarétt, Hítardalsrétt og örugglega margar fleiri. Við fengum nokkurn reiting úr þessum réttum en heimtur lagast sennilega ekki fyrr en um næstu helgi þegar smalað verður til annarar réttar hér hjá okkur og nágrönnunum.
Nú koma frumtamningatryppin hvert af öðru svo að það fer aftur að lifna yfir hesthúsinu.
Í dag komu fimm trippi sem að byrja sitt nám á næstu dögum, bara spennandi að sjá hvað verður úr þeim.
Skrifað af Sigrún Ólafsdóttir
29.09.2011 18:04
Hvanneyrarheimsókn.
Við fengum heldur betur góða heimsókn frá Hvanneyri hingað til okkar í Hlíðina.
Þarna voru á ferðinni nemendur á 1 og 2 ári í búfræði við skólann með kennurum sínum.
Föngulegur hópur sem að bætist vonandi í bændastéttina sem allra fyrst.
Gaman að hitta krakkana sem að komu vítt og breytt af landinu.
Kennararnir voru kátir og ánægðir með sitt fólk.
Þarna eru krakkarnir að kynna sig hvert fyrir öðru og fyrir okkur sem að var frábært framtak hjá kennurunum, því þá gat ég áttað mig á mörgum andlitum sem ég þóttist þekkja.
En ykkur að segja svona alveg í trúnaði þá komst ég að því að ég er komin á ,,einhvern aldur,, því ég þekkti miklu fleiri foreldra, ömmur og afa en krakkana.
Ég fer líka aldrei á Kollubar.
Þegar nemendurnir kynntu sig sögðu þau okkur hvernig búsetu og búfjáreign þeirra væri háttað. Það var afar fróðleg upptalning og ýmislegt sem að þau töldu sig eiga sem að verðmæti væri í svo sem sauðfé, kýr, hross og jafnvel Geirmund Valtýrsson.
Mummi var ekki heima þegar að hópurinn kom svo að hann verður bara að taka upp þráðinn á kynningarmálunum og viðskiptahorninu næst þegar hann mætir á Kollubarinn.
Spurning hvort hann selur þá Honduna........???
Þessi strákur sá um aksturinn á hópnum eins og mörgum hópum í gengum tíðina.
Þau voru líka ófá árin sem að hann keyrði lömbin okkar í sláturhús og kom þá gjarnan í kaffi.
Alltaf gaman að sjá þennan hressa og káta kappa.
Já þetta voru skemmtilegir gestir, takk fyrir komuna flottu búfræðingar það var gaman að fá ykkur í heimsókn hingað í Hlíðina.
Skrifað af Sigrún Ólafsdóttir
27.09.2011 21:29
Lofandi Logi og ýmislegt annað......
Þetta er Logi frá Ármóti tveggja vetra stóðhestur undan Glotta frá Sveinatungu og Virðingu frá Hala.
Ég sá hann í fyrra vor þegar ég kom með hesta í girðingu á Kistufelli og varð stórhrifin af hreyfingunum. Ganglagið, mýktin og fasið gerði það að verkum að ég hugsaði strax ,,þennan verð ég að nota,, ekki skemmir fyrir hvað hann er yfirvegaður og skemmtilegur karater.
Þegar ég fór að spyrjast fyrir um hestinn kom í ljós að ættin sem að honum stendur er ekkert slor.
Faðirinn Glotti hefur hlotið 8.64 í aðaleinkun þar af 8.97 fyrir hæfileika hreint ekki slæmt.
Móðirin Virðing hefur hlotið 8.35 í aðaleinkun þar af 8.40 fyrir hæfileika.
Hryssan sem að fór undir Loga og kom heim í dag með 45 daga gömlu fyli er hún Dimma.
Nú er bara að bíða og sjá hvað bætist í hópinn næsta vor.
Í gær komu tvær hryssur heim af suðurlandinu sem að hafa verið hjá stóðhestum. Það voru þær systur Gefn og Tign Fáfnisdætur frá Fagranesi. Gefn var hjá Leikni frá Vakursstöðum en Tign hjá Ugga frá Bergi, báðar hryssurnar eru fyllausar. Gefn var sleppt uppí fjall og mun bíða þar eftir nýju stefnumóti við Leiknir næsta vor. Aldeilis frábær þjónustan hjá Halldóru og fjölskyldu á Vakurstöðum.
Húsfreyjan er hinsvegar í miklum vangavelltum um það hvort að Tignin eigi ekki bara að ,heilsa,, uppá einhvern kappann hér heima. Hún yngist nú ekki blessunin.............frekar en sumir aðrir.
Ég rakst á þetta draumatæki í Þykkvabænum, mundi gefa mikið til að fá það lánað svona hluta úr degi. Við eigum sem sagt eftir að taka upp slatta af kartöflum og í trúnaði sagt er það ekki draumastarfið. En kannske er bara betra að láta vaða með forkinn að vopni og vita hvort þetta tekur ekki fljótt af heldur en væla í ykkur.
Svo að því sé haldið til haga þá fengum við 33 kindur úr Bakkamúlanum en engin var það Evran. Það ætlar ekki að ganga snuðrulaust að ,, innleiða,, þessa Evru frekar en hina.......
Síðar í vikunni verður svo smalað á öðrum slóðum og kannske heimtist eitthvað þar ?
Skrifað af Sigrún Ólafsdóttir
24.09.2011 23:10
Í réttum er þetta helst......
Myndgæðin eru svo sem ekkert sérstök en þessi mynd er tekin ,,bakdyramegin,, í Hlíðinni.
Í dag var það Vörðufellsréttin með fjölda fjár og skemmtilegu mannlífi en myndavélin gleymdist heima svo að þið verðið bara að gera ykkur í hugalund hvað var gaman.
Já við hér í Hlíðinni fengum 140 stykki úr réttinni og Kolhreppingar í heild ja þeir fylltu öll fluttningatæki sem að meðferðis voru. Hvað sem það var nú margt í heildina?
Tölurnar til en ekki birtar nema með ábyrgð sem að ég hef ekki þessa stundina.
Við settum allt féð inn og númeralásum því að húsfreyjunni finnst afar mikilvægt að vita hvar féð kemur fram að hausti. Það eru svona einkavísindi sem að ekki allir skilja en það er sama svona skal það vera.
Í öllum alvöru þáttum er talað um ,,bókina á náttborðinu,, hjá mér er það ekki spurning þessa dagana hvað bók það er ROLLUBÓKIN.
Gróft val hefur farið fram á lömbum sem eiga að fara í lambamælingar og sónarskoðun á næstunni, bara spennandi, hlakka svo til að fá Lárus í heimsókn og ekki væri verra ef að Jón Viðar kæmi líka.
Ég er nú bara nokkuð sátt með meðalvigtina á hópnum sem að fór um daginn og flokkunin var góð.
Svo að ég verð bara að væla yfir einhverju öðru nú eða bara sleppa því og láta öðrum það eftir.
Vaskir menn smöluðu Bakkamúlann í dag og fengu fjölda fjár á morgun verður brunað til hreppsstjórans og okkar hópur sóttur. Spurning hvort að Evra litla verður í þessum hópi?
Eftir næstu helgi verður tímabært að fara að telja í bókinni góðu hvað vantar að kindum og lömbum.
Það væri nú ekki leiðinlegt að vera í Skagafirðinum núna að tjútta í Svaðastaðhöllinni en það bíður bara betri tíma. Sendi fulltrúa sem að vonandi skemmtir sér vel og ég tek það bara hressilega út síðar.
.
Skrifað af Sigrún Ólafsdóttir
21.09.2011 22:32
Enn eru það réttirnar.
Þarna sjáið þið þrjá af okkar góðu smölum smala fram klettana fyrir ofan Hraunholtahlíðina.
Þetta eru Hallur, Þóra og Per sem að kom alla leiðina frá Danmörku til að mæta í réttirnar hjá okkur.
Í gær var Mýrdalsrétt þar var aldeilis blíða og tók ég fullt af myndum sem eru komnar í myndaalbúmin hér á síðunni. Það eru sem sagt komin þrjú ný albúm á síðuna með nokkur hundruð myndum úr réttunum.
Þær voru nú nokkrar kindurnar með appelsínugulum merkjum sem að litu við í Hlíðinni í sumar............kannske þessir vösku menn séu að hugsa um að koma með í leit á næsta ári
Þessir voru líka brattir að venju enda ekki ástæða til annars í blíðunni.
Þarna eru svo höfðingjarnir úr eldri deildinni að spjalla við réttarvegginn.
Ragnar í Hlíð, Magnús á Álftá, Sigurður í Hraunholtum og Steinar í Tröð.
Já það var gaman í Mýrdalsrétt þar hittir maður fólkið í sveitinni sem að gerist alltof sjaldan.
Skrifað af Sigrún Ólafsdóttir
20.09.2011 22:58
Örréttafréttir.
Kindur, kindur og aftur kindur.........................
Réttirnar voru skemmtilegar frábært veður, margt fé og heill hópur af góðu fólki sem að hjálpaði okkur ómetanlega.
Takk fyrir elskurnar þetta var snildin ein eins og við var að búast.
Ég hef sett inn nokkur hundruð myndir í tveimur albúmum hér á síðunni.
Fleiri myndir bætast við á næstu dögum m.a skemmtilegar myndir af sveitungunum sem að voru teknar í Mýrdalsrétt í dag.
Ég ætla að segja ykkur nánari fréttir úr réttunum þegar verkefnum fækkar, af mörgu er að taka............t.d
Verslun og viðskipti......... nýjustu fréttir úr viðskiptahorninu..............sauðfjársala........... málverkamálið mikla.............fjallasögur................fjallasöngur........og margt fleira.
Nokkrar hagnýtar upplýsingar:
Héðan fóru 495 lömb í dag svo að nú getið þið ráðið í vigt og flokkun á næstu dögum með því að fylgjast með hvernig liggur á húsfreyjunni.
Þegar lömbin voru vigtuð á fæti voru þau á bilinu 23-60 kg.
Ókunnugt fé sem að keyrt hefur verið héðan úr Hlíðinni síðustu vikuna var 618 stykki.
Nóg í bili meira síðar.
Réttirnar voru skemmtilegar frábært veður, margt fé og heill hópur af góðu fólki sem að hjálpaði okkur ómetanlega.
Takk fyrir elskurnar þetta var snildin ein eins og við var að búast.
Ég hef sett inn nokkur hundruð myndir í tveimur albúmum hér á síðunni.
Fleiri myndir bætast við á næstu dögum m.a skemmtilegar myndir af sveitungunum sem að voru teknar í Mýrdalsrétt í dag.
Ég ætla að segja ykkur nánari fréttir úr réttunum þegar verkefnum fækkar, af mörgu er að taka............t.d
Verslun og viðskipti......... nýjustu fréttir úr viðskiptahorninu..............sauðfjársala........... málverkamálið mikla.............fjallasögur................fjallasöngur........og margt fleira.
Nokkrar hagnýtar upplýsingar:
Héðan fóru 495 lömb í dag svo að nú getið þið ráðið í vigt og flokkun á næstu dögum með því að fylgjast með hvernig liggur á húsfreyjunni.
Þegar lömbin voru vigtuð á fæti voru þau á bilinu 23-60 kg.
Ókunnugt fé sem að keyrt hefur verið héðan úr Hlíðinni síðustu vikuna var 618 stykki.
Nóg í bili meira síðar.
Skrifað af Sigrún Ólafsdóttir
16.09.2011 00:01
Uppsafnaðar fréttir úr Hlíðinni.
Það er búið að vera mikið um að vera síðustu vikuna hér í Hlíðinni og lítill tími til að sitja við skriftir.
Rok og leiðindi gerðu það að verkum að við fórum ekki á fjörurnar eins og til stóð um síðustu helgi, það bíður bara betri tíma.
Hér hefur mestur tíminn farið í undirbúning fyrir réttirnar, gera við girðingar, taka til, baka og stússa. Og nú er næstum allt tilbúið og það sem ekki er tilbúið það bara bíður.
Við fengum heldur betur góðan aðstoðarmann í réttarstússið en það er hann Per okkar frá Danmörku sem að hefur stundum komið hingað til okkar um réttirnar.
Já það skapast skemmtileg kynni í kringum hestaviðskipti.
Hryssurnar Freyja og Erla fluttu til nýrra heimkynna í vikunni, við vonum að allt gangi vel og að þær verði nýjum eigendum til ánægju og yndisauka.
Við smöluðum ,,útá hlíð og inn í hlíð,, þennan daginn og allt gekk vel enda komin með nokkra aðstoðarsmala. Á morgun eru það svo Oddastaðir og þá bæstast enn fleiri í hópinn.
Aðalsmaladagurinn er svo á laugardaginn en þá smölum við Hlíðar og Hafurstaðaland.
Svo er rekið inn á sunnudaginn og réttað, fyrir þá sem að vilja líta við þá er planið að reka inn um kl 9.30
Ég reyni að smella inn fréttum og myndum þegar réttarstemmingin hefst hér í Hlíðinni.
Rok og leiðindi gerðu það að verkum að við fórum ekki á fjörurnar eins og til stóð um síðustu helgi, það bíður bara betri tíma.
Hér hefur mestur tíminn farið í undirbúning fyrir réttirnar, gera við girðingar, taka til, baka og stússa. Og nú er næstum allt tilbúið og það sem ekki er tilbúið það bara bíður.
Við fengum heldur betur góðan aðstoðarmann í réttarstússið en það er hann Per okkar frá Danmörku sem að hefur stundum komið hingað til okkar um réttirnar.
Já það skapast skemmtileg kynni í kringum hestaviðskipti.
Hryssurnar Freyja og Erla fluttu til nýrra heimkynna í vikunni, við vonum að allt gangi vel og að þær verði nýjum eigendum til ánægju og yndisauka.
Við smöluðum ,,útá hlíð og inn í hlíð,, þennan daginn og allt gekk vel enda komin með nokkra aðstoðarsmala. Á morgun eru það svo Oddastaðir og þá bæstast enn fleiri í hópinn.
Aðalsmaladagurinn er svo á laugardaginn en þá smölum við Hlíðar og Hafurstaðaland.
Svo er rekið inn á sunnudaginn og réttað, fyrir þá sem að vilja líta við þá er planið að reka inn um kl 9.30
Ég reyni að smella inn fréttum og myndum þegar réttarstemmingin hefst hér í Hlíðinni.
Skrifað af Sigrún Ólafsdóttir
10.09.2011 23:23
Hótel Víkingur í Hnappadalnum.
Ég átti alltaf eftir að sýna ykkur myndirnar sem Gústav Adolf ,,sveitungi,, minn sendi mér og nokkrar aðrar sem að ég hef viðað að mér m.a frá henni Dúu sem að vann á Hótelinu
.
Myndirnar eru af Hótel Víkingi sem að sigldi á Hlíðarvatni árin 1964 og 1965.
Takið sérstaklega eftir gluggunum.
Það var ekki alltaf blíða...................annað en núna þessa áratugina.
Þarna eru skvísurnar í eldhúsinu...................
Og ekki fór nú framhjá neinum að þetta var Hótel Víkingur.
Eins og þið sjáið þá var þetta listafley en sennilega hefur þetta ævintýri verið ca 40 árum á undan tímanum. Hefði passað vel við árið 2007....................
Í vor var innslag í sjónvarpsþættinum Landanum um Hótelið, þið getið horft á þáttinn með því að smella á slóðina hér fyrir neðan. Munið að smella svo á litla flipan sem að á stendur ,,horfa,,
http://www.ruv.is/frett/fljotandi-hotel-a-hlidarvatni
Skrifað af Sigrún Ólafsdóttir
08.09.2011 22:58
Himininn logar.......
Himininn logaði hér í Hlíðinni þegar leið á kvöldið.............hvað sem það nú boðar.
Það er búið að vera kuldalegt í dag og sérstök ástæða til að vera ,,föðurlandsvinur,, þegar útreiðar eru á döfinni.
Rautt nef og kaldir fingur ..............það táknar ekkert annað en að haustið góða sé komið.
Féð hefur hópast niður og er komið heim að girðingu í þeirri von að nú væru komnar réttir og full ástæða til að smakka á hánni. Forustukindin og uppáhaldið Pálína var mætt með bæði lömbin sín heim að hliði. Það fannst mér ,,sauðörugg,, vísbending um að haustið sé komið, treysti Pálínu betur en Sigga Stormi og hinum snillingunum.
Nú eru allar rúllurnar sem að við áttum niður í sveit komnar hingað heim, bara eftir að flytja frá Vörðufelli. Já heyskapurinn er endalaus þetta árið.
Að lokum smá stolin speki.........
Konur eru englar, en þegar einhver
eyðileggur vængi þeirra,
fljúga þær á kústskafinu.
Skrifað af Sigrún Ólafsdóttir
07.09.2011 21:38
Ætli haustið sé að koma???
Það er sennilega að koma haust, allavega eru litirnir að verða þess legir þó að veðrið sé gott.
Góðir gestir hafa verið á ferðinni bæði til að sækja hesta úr tamningu og til að skoða söluhross. Alltaf nóg um að vera í hesthúsinu og ekki spillir að hafa gott og milt haustveður.
Létt og Léttstígur litli komu heim í gær eftir góða dvöl hjá honum Frakki frá Langholti. Dvölin hefur borið tilætlaðan árangur því að Létt var með 30 daga gömlu fyli.
Nú eru flestar fjögura vetra hryssurnar okkar komnar í frí, dregið var undan þeim í gær og þeim sleppt uppí fjall. Notalegt haustfrí bíður þeirra í nokkrar vikur á meðan geldingarnir puða heima.
Í gær var enn einn fundur Landsmótsnefndarinnar og var hann haldinn á Hvanneyri.
Léleg mæting var á fundinn en góðar umræður urðu þrátt fyrir það.
Fámennt og góðmennt.
Það varð úr að við heyjuðum á Vörðufelli og var slegið þar á sunnudaginn en rúllað á mánudaginn. Gott útigjafarhey og notaleg tilfinning þegar rúllunum fjölgar í staflanum heima.
Fjallskilaseðillinn fyrir Kolbeinsstaðahreppinn kom í dag alltaf áhugavert að lesa hann.
Fjártalan sem lagt er á 6366, bæjirnir 13 og dagsverkin 50 talsins.
Ég verð þó að játa að það var meira gaman að sjá fjallskilaseðilinn þegar ég var smástelpa. Þá var það sjálfsögð hefð að fara ríðandi með hann að Heggsstöðum. Hann var bara gerður í tveimur eintökum og þá hét hann líka fjallgangnaboð sem að var miklu virðulegra nafn. Ég var ekki farin að ná niður fyrir blöðkur á hnakknum þegar ég fór ríðandi með í fyrsta sinn. Skemmtilegar ferðir og alltaf kaffi á Heggsstöðum jafnvel löngu áður en að ég byrjaði að drekka kaffi.
Já það var margt skemmtilegt í ,,gamla daga,, sko þegar ég var ......korn...ung.
Það voru mikil umsvif í eldhúsinu hjá húsfreyjunni í dag og ekki laust við að ýmislegt þar minnti frekar á bruggverksmiðju en sveitaeldhús. En afurðin sem að var til í dag er ekki enn orðin áfeng hvað sem verður með tíð og tíma.
Já aðalbláberjasaft með vestfirskuívafi var það heillin og ekki af verri endanum skal ég segja ykkur. Nú skálum við berjablá út að eyrum..................
Skrifað af Sigrún Ólafsdóttir