21.06.2018 22:13
|
Þó svo að myndgæðin séu kannski ekki 100% þá er gaman að taka myndir sem eldast vel.
Já eftir nokkur ár verður gaman að skoða þessa mynd og spá í hvert framhaldið verður með hvern grip.
Á myndinni er hún Kolskör mín með fjórar dætur sínar, hún er undan Dósent frá Brún og Karúnu frá Hallkelsstaðahlíð.
F.v Hafgola undan Blæ frá Torfunesi, Kolrún undan Arði frá Brautarholti, þá Kolskör sjálf, Gangskör undan Adam frá Ásmundarstöðum og Hlíð undan Glymi frá Skeljabrekku.
Allar þessar mæðgur í miklu uppáhaldi hjá mér.
Um að gera nota blíðuna til myndatöku jafnvel þó það sé bara með símanum.
|
|
|
Það er líka upplagt að mynda spjallandi kalla undir vegg á svona degi.
Þeir sátu þarna og ræddu heimsmálin en hálf fældust þegar ég smellti af þeim mynd.
Mummi, Skúli og meistari Hörður voru hressir.
|
|
|
Það gat ekki verið betra veður til að gelda en boðið var uppá í gær.
Hjalti mætti galvaskur í verkið og var fljótur að framkvæma verknaðinn.
|
|
|
Sumir bara komnir á stutterma............... já það getur hlýnað í Hlíðinni.
|
|
|
Slökun í sólinni eftir að folarnir voru búnir en þá var komið að því að ,,herraklippa,, meindýraeyða búsins.
Af einskærri tillitsemi birti ég ekki myndir af þeim enda frekar fram lágir eftir fyrsta ,,fyllirí,, lífsins.
|
|
| Já sumir dagar færa okkur sól en aðrir ekki sól en svolítið af vætu. |
| |
|
|
|
|
|
Skrifað af Sigrún Ólafsdóttir
13.06.2018 21:55
|
Síðast liðin nótt var nýtt til að flytja nýju gistihúsin hingað í Hlíðina.
Húsin eru tvö og var þeim fundinn góður staður á Steinholtinu þar sem þau munu hýsa gesti í framtíðinni.
|
Við nutum góðrar þjónustu þeirra feðga hjá fyrirtækinu Þorgeiri ehf á Rifi en þeir seldu okkur m.a steypuna í reiðhöllina í sumar.
Þarna er Árni Jón að taka beyjuna niður á Steinholtið sem var nú aldeilis í þrengri kanntinum.
Allt gekk eins og í sögu eins og við var að búast.
|
Veðrið lék við okkur og bauð uppá einn dýrðar dag.
|
Þarna má sjá annan bústaðinn komast á sinn stað...................
|
| |
|
|
Þessir voru auðvita á kanntinum annar að taka myndir með dróna en hinn að fylgjast með að allt fari vel fram.
|
Þarna er það seinna að komast á sinn stað.
Þríhellurnar í Hlíðarmúlanum nutu sín vel og settu skemmtilegan svip á bakgrunninn.
|
Og að lokum voru bústaðirnir komnir niður en þjónustu húsið bíður átekta eftir að fá nánari staðsetningu.
Nú er bara að klára við að tengja, gera og græja svo að húsin geti farið sem fyrst í notkun.
Nánar um það síðar já og ítarlegri umfjöllun kemur fljóttlega.
|
| |
|
| |
|
|
|
|
| |
|
| |
|
| |
|
| |
|
| |
|
| |
|
| |
Skrifað af Sigrún Ólafsdóttir